قر مەملەكەتتىك كىرىستەر كوميتەتى توراعاسىنىڭ ورىنباسارى قايرات مياتوۆ بيىل قازاقستاندا 4 ميلليونعا جۋىق ادام دەكلاراتسيا تاپسىرۋى تيىستىگىن جاريالادى، دەپ حابارلايدى Abai.kz.

دەكلاراتسيا تاپسىراتىندار ىشىندە زاڭدى تۇلعالاردىڭ باسشىلارى، قۇرىلتايشىلارى، كاسىپكەرلەر جانە ولاردىڭ جۇبايلارى بار. بۇل ازاماتتار شەتەلدەگى ءۇيى مەن بانكتەگى قارجىسىن مىندەتتى تۇردە كورسەتۋ قاجەت.

دەكلاراتسيا تاپسىرىپ ۇلگەرمەگەندەر مەن تاپسىرۋدان ادەيى جالتارعاندار ارنايى جاۋاپقا تارتىلادى. الدىمەن ەسكەرتۋ بەرىلەدى. قايتالانسا – 55 380 تەڭگە كولەمىندە ايىپپۇل سالىنادى.

دەكلاراتسيانى قالاي جانە قايدا تاپسىرۋ كەرەك؟

• جالپى دەكلاراتسيا تۇرعىلىقتى (بولاتىن) جەرى بويىنشا، جەكە كاسىپكەرلەر، جەكە پراكتيكامەن اينالىساتىن تۇلعالار – ورنالاسقان جەرى بويىنشا بەرىلەدى (سالىق كودەكسىنىڭ 632-بابى):
• قاعاز تۇرىندە بولعاندا - بيىلعى 1 قاڭتاردان باستاپ جانە 15 شىلدەدەن كەشىكتىرمەي دەكلاراتسيانى ۇسىنۋ بويىنشا مىندەتتەمە تۋىنداعان كەزدە (جەكە تۇلعا نە ونىڭ وكىلى قول قويادى) كەلۋ تارتىبىمەن نە پوشتا ارقىلى نەمەسە وزگە بايلانىس ۇيىمىن حاباردار ەتە وتىرىپ، تاپسىرىس حاتپەن;
• ەلەكترون نىساندا تاپسىرعان جاعدايدا - دەكلاراتسيانى تابىس ەتۋ مىندەتى تۋىنداعان بيىلعى 1 قاڭتاردان باستاپ جانە 15 قىركۇيەكتەن كەشىكتىرمەي.
• دەكلاراتسيانى ەلەكترون تۇردە سالىق تولەۋشىنىڭ كابينەتى ارقىلى ۇسىنۋعا بولادى (cabinet.salyk.kz), "ەلەكتروندىق ۇكىمەت" پورتالى (egov.kz), سونداي-اق e-salyq azamat, eGov mobile, Halyk ءموبيلدى قوسىمشالارى ارقىلى جۇزەگە اسىرىلادى.

"بۇل ازاماتتارعا ەل اۋماعىنداعى ءۇيىن، قازاقستاندىق بانكتەردەگى شوتتار تۋرالى مالىمەتتى كورسەتۋدىڭ قاجەتى جوق. مۇنداي اقپارات مالىمەتتەر بازاسىندا بولعاندىقتان، اۆتوماتتى تۇردە ەسەپتەلەدى. دەكلاراتسيانى ءار ازامات ءوزى تاپسىرادى، ويتكەنى بولاشاقتا بۇل ءۇشىن قانداي دا ءبىر جاۋاپكەرشىلىك تۋىنداۋى مۇمكىن. ەگەر كاسىپكەر دەكلاراتسيانى تاپسىرىپ، الايدا قانداي دا ءبىر مۇلىكتى كورسەتۋدى ۇمىتىپ كەتسە – قوسىمشا دەكلاراتسيانى تولتىرادى. ءۇش جىل ىشىندە وزگەرىستەر ەنگىزۋگە بولادى", – دەدى قر مەملەكەتتىك كىرىستەر كوميتەتى توراعاسىنىڭ ورىنباسارى قايرات مياتوۆ.

Abai.kz

داريعا اسقار