قىرعىزستاننىڭ سىرتقى ىستەر مينيسترلىگى دەپۋتات جاناربەك اقاەۆتىڭ ساۋالىنا جاۋاپ بەردى.

مەكەمە مالىمەتىنشە، كاسىپكەرلەر تاراپىنان تۇسكەن حاتتى قازاقستاننىڭ سىرتقى ىستەر مينيسترلىگىنە جانە الماتى وبلىسى، قاراساي اۋدانى پوليتسياسىنا جولداعان.

"جاقىن كۇندەرى "التىن وردا" بازارىنىڭ باسشىلىعىمەن كەزدەسۋ جوسپارلانىپ وتىر. قازىر قازاق تاراپى بۇل جاعدايدى تەكسەرىپ جاتىر. ارىزدانۋشىلارعا قۇقىقتىق كومەك كورسەتىلىپ جاتىر", - دەدى ءسىم وكىلى.

الماتىدا جۇمىس ىستەيتىن ونداعان قىرعىز كاسىپكەرى وزدەرىنەن ەرمەك مارقاباەۆقا قارسى جالعان مالىمەت بەرۋدى تالاپ ەتىپ، ولاردىڭ تاۋار ساقتالعان كونتەينەرلەرىن تارتىپ الىپ وتىرعان.

ەسكە سالا وتسەك، بىلتىر جازدا الماتىدا قىرعىز ازاماتى، "التىن وردا" بازارىنىڭ ديرەكتورى ەرمەك مارقاباەۆ ۇستالعان. وعان جانە وققاعارىنا قاتىستى "قارۋ-جاراق، جارىلعىش زاتتاردى زاڭسىز ساقتادى" دەگەن ايىپ تاعىلىپ، 4 جىلعا بوستاندىعىنان ايىرىلعان بولاتىن. سوتتا ول وزىنە تاعىلعان ايىپتاردى مويىنداعان جوق.

Abai.kz

داريعا اسقار