قازىرگى ۋاقىتتا قۇقىقتىق مەملەكەت قۇرامىز دەگەن زاماندا ءاربىر ادام ءوز قۇقىقتارىن جەتە ءبىلىپ،جالپى زاڭ ءبىلىمى سالاسىنان ماعلۇمات العانى دۇرىس.

زاڭدى اتتاماي، تۋرا جولمەن ءجۇرىپ، ەلىنە ادال قىزمەت ەتكەن ازامات قانا مۇراتىنا جەتەدى. سوندىقتان زاڭدى ءبىلۋ – زامان تالابى.بۇگىنگى تاڭدا قوعامنىڭ الدىندا تۇرعان باستى مىندەتتەردىڭ ءبىرى – جاستار اراسىنداعى قۇقىق بۇزۋشىلىقتىڭ الدىن-الۋ،كامەلەتكە تولماعاندار اراسىنداعى قىلمىستىڭ وسۋىنە جول بەرمەۋ. بۇل ماسەلە قازىرگى تاڭدا كوكەيتەستى ماسەلەلەردىڭ بىرىنە اينالىپ وتىر. جاستار اراسىندا قۇقىق بۇزۋشىلىق پەن قىل­مىس­تى بولدىرماۋ، ونىڭ ال­دىن الۋ شارالارىن جۇرگىزۋ، ولاردىڭ قۇقىقتىق ءبىلىمىن ارتتىرۋ – جەرگىلىكتى مەم­لە­كەتتىك ورگاندار مەن ءبىلىم بەرۋ ۇيىمدارىنىڭ نەگىزگى مىندەتى. ءاربىر ادامنىڭ ومىردە تولىققاندى تۇلعا بولىپ قالىپتاسۋىندا قۇقىقتىق تاربيەنىڭ الار ورنى ەرەكشە. تاربيەنىڭ سان قىرىن قاراستىرساق تا قۇقىقتىق تاربيە، قۇقىقتىق ساۋاتتىلىق كوش ىلگەرى بولماق. جەكە  تۇلعانىڭ  قۇقىقتىق  مادەنيەتى جونىندە اسىرەسە، مىنالاردى  باسا كورسەتۋگە بولادى: بىرىنشىدەن، كەز  كەلگەن ازامات ءوزىنىڭ قۇقىعىن، بوستاندىعى مەن مىندەتىن انىق ءتۇسىنۋى ءارى ونى باعامداپ، پارىقتاي ءبىلۋى، ەكىنشىدەن، وسىلاردى مۇمكىندىگىنشە،  ءىس جۇزىندە،  ءوز  ءومىر  تاجىريبەسىندە پايدالانا  الۋى  ءتيىس. قۇقىقتىق  مادەنيەتتى قالىپتاستىرىپ  دامىتۋ –  ەلىمىزدىڭ  بولاشاعىن ايقىنداۋشى  كورسەتكىشتەردىڭ   ءبىرى دەسەك، وسكەلەڭ   ۇرپاققا ساپالى قۇقىقتىق ءبىلىم  مەن  سانالى تاربيە  بەرۋ وقىتۋشىلار قاۋىمىنان بىلىمدىلىكتى، قۇقىقتىق بىلىمدەرىن ۇنەمى جەتىلدىرۋدى،   نورماتيۆتىك — قۇقىقتىق  قۇجاتتارمەن  ۇزدىكسىز تانىسىپ، جۇمىس بارىسىندا  ولاردى باسشىلىققا الۋدا ۇردىسكە اينالدىرۋدى، سالالىق مەكەمەلەرمەن، وتباسىمەن  تىعىز ىنتىماقتاستىق   قارىم – قاتىناس ورناتۋدى  جانە  قاجىرلى ەڭبەكتى  قاجەت ەتەدى.

قازىرگى قوعامنىڭ الدىندا تۇرعان باستى مىندەتتەردىڭ ءبىرى — جاستار اراسىنداعى  قىلمىستىڭ وسۋىنە جول بەرمەۋ. ورىمدەي جاستاردىڭ قىلمىس جاساۋى كوز ۇيرەنگەن كورىنىسكە اينالىپ، ەلدى ەلەڭ قىلۋدا. جىل سايىن ەلىمىزدە جاسالاتىن قۇقىق بۇزۋشىلىقتار مەن قىلمىستاردىڭ 50 %-عا جۋىعىن جاستار جاسايدى. قۇقىقتىق مادەنيەتتى قالىپتاستىرىپ دامىتۋ – ەلىمىزدىڭ بولاشاعىن ايقىنداۋشى كورسەتكىشتەردىڭ ءبىرى. ۋنيۆەرسيتەتىمىز جاس ۇرپاققا ساپالى بىلىممەن بىرگە سانالى تاربيە بەرۋ ماسەلەسىن باستى نازاردا ۇستايدى.ءال-فارابي اتىنداعى قازۇۋ شاڭىراعىندا بۇۇ-نىڭ تۇراقتى دامۋ ماقساتتارىنىڭ 16-ماقساتى جانە  «90 جىل-90 ءىس-شارا اياسىندا ستۋدەنتتەرمەن جان-جاقتى جۇمىستار جۇرگىزىلىپ، بىرقاتار ءىس-شارالار ۇيىمداستىرىلادى.ءبىلىم الۋشىلارعا قىلمىس،قۇقىق بۇزۋشىلىققا جول بەرمەۋ جولدارىن قاراستىرىپ،دۇرىس باعىت-باعدار بەرۋدەمىز.

اكبولاتوۆا م.ە

ءال-فارابي اتىنداعى قازۇۋ زاڭ فاكۋلتەتى قىلمىستىق قۇقىق، قىلمىستىق ءىس جۇرگىزۋ جانە كريميناليستيكا كافەدراسىنىڭ وقىتۋشىسى

Abai.kz