شىعىس قازاقستانداعى ءۇلبى وزەنى لاستانىپ كەتكەن. سەبەبى مارگانەتستىڭ شەكتى رۇقسات ەتىلگەن كونتسەنتراتسياسىنان بەس ەسە دەرلىك اسىپ كەتكەنى انىقتالدى. ال وعان جاۋاپتى كومپانيا - “قازمىرىش”.

جوسپاردان تىس تەكسەرۋ جۇرگىزۋ بارىسىندا ەكولوگيا دەپارتامەنتىنىڭ ماماندارى ىرىكتەپ العان سارقىندى سۋلاردىڭ سىنامالارى مارگانەتس بويىنشا 4,5 ەسە ارتىق ەكەنىن كورسەتتى.

"تازارتۋ قۇرىلىستارىن تيىسىنشە پايدالانباۋ ناتيجەسىندە ءۇلبى وزەنىنە كوپتەگەن اعىندار ورىن الاتىنى انىقتالدى", – دەپ جازىلعان حابارلامادا.

جوسپاردان تىس تەكسەرۋ قورىتىندىسى بويىنشا كومپانياعا 50 ملن. تەڭگە كولەمىندە اكىمشىلىك ايىپپۇل سالىندى، سونداي-اق بۇزۋشىلىقتاردى جويۋ تۋرالى نۇسقاما بەرىلدى.

Abai.kz