"قۇتقارۋ" قوعامدىق قورىنىڭ حابارلاۋىنشا، تۇرمەدە جازاسىن وتەۋشىلەردى اسىراۋعا جىل سايىن 28 ملرد تەڭگە جۇمسالادى ەكەن.

بۇل باعىتتا بيۋدجەتكە تۇسەتىن قاراجاتتى ازايتۋ ءۇشىن بىرقاتار جوبانى جۇزەگە اسىرۋ ۇسىنىلىپ وتىر، دەپ حابارلايدى Abai.kz.

جىل سايىن بيۋدجەتتەن بۇل باعىتتا تاۋلىگىنە 2 261 تەڭگە بولىنەدى.

قازاقستاندا جالپى تۇرمەدە وتىرعاندار مەن ۋاقىتشا قاماۋ يزولياتورىنداعىلاردىڭ سانى 34-تەن 38 مىڭ ادام ارالىعىندا.

قور ولاردى ۇستاۋعا جىلىنا 28 ملرد تەڭگە جۇمسايدى دەپ ەسەپتەپ شىعارعان.

بۇل رەتتە جازانى ورىنداۋ جۇيەسىنىڭ ءوزى 6-دان 20 ميلليارد تەڭگەگە دەيىنگى مولشەردە قارجىلاندىرىلماعان. تۇرمە تۇرعىندارىن 10% قىسقارتۋعا جانە مەملەكەتتىك بيۋدجەتكە قاراجات بولۋگە باعىتتالعان جوبانى جۇزەگە اسىرۋ ۇسىنىلىپ وتىر.

الدىن الا ەسەپتەۋلەر بويىنشا بۇل جىلىنا شامامەن 2,8 ميلليارد تەڭگەنى ۇنەمدەۋگە مۇمكىندىك بەرەدى.

داريعا اسقار

Abai.kz