ۇلتتىق قاۋىپسىزدىك كوميتەتى شىمكەنت قالاسى مەن قازاقستاننىڭ جەتى وبلىسىندا قىلمىستىق توپتاردىڭ جولىن كەسۋ وپەراتسياسىنىڭ ناتيجەلەرىن حابارلادى.

2024 جىلعى 17 اقپاندا ۇلتتىق قاۋپسىزدىك كوميتەتى ءىىم-مەن بىرلەسە جانە باس پروكۋراتۋرانىڭ ۇيلەستىرۋىمەن جۇزەگە اسىرعان وپەراتسيا شەڭبەرىندە اقتوبە، اتىراۋ، شىعىس قازاقستان، جامبىل، باتىس قازاقستان، تۇركىستان، جەتىسۋ وبلىستارى جانە شىمكەنت قالاسىندا 8 توپتى بەيتاراپتاندىردى.

"ولاردىڭ ورتاسىندا دەسترۋكتيۆتى ءدىني اعىم جاقتاستارى بار 23 ادام ۇستالدى. 17 ادام ۋاقىتشا ۇستاۋ يزولياتورىنا قامالدى، ال 6 قاتىستى كەلۋ تۋرالى مىندەتتەمە قولدانىلدى. ولار اۋىر جانە اسا اۋىر قىلمىستارعا، سونىڭ ىشىندە تەرروريزمدى ناسيحاتتاۋ، ادامداردى ۇرلاۋ، قورقىتىپ الۋ، سونداي-اق ەسىرتكى زاتتارى مەن اتۋ قارۋىنىڭ زاڭسىز اينالىمىنا قاتىسى بار دەپ كۇدىكتەلۋدە."- دەپ حابارلادى ۇقك ءباسپاسوز قىزمەتى.

وپەراتسيانى وتكىزۋگە رەسپۋبليكانىڭ 8 وڭىرىندە بىرمەزگىلدە 250 كۇشتىك قۇرىلىم قىزمەتكەرلەرى جۇمىلدىرىلدى. تەرگەپ-تەكسەرۋ ءىس-شارالارى جالعاسۋدا.

Abai.kz