پروكۋرورلار الماتىلىق بالالاردىڭ قاۋىپسىزدىگىن تەكسەرۋ بارىسىندا بەس مىڭنان اسا زاڭبۇزۋشىلىقتى انىقتادى، - دەپ حابارلايدى Abai.kz تىلشىسى.

"وعان اقپاراتتىق قاۋىپسىزدىك سالاسىنداعى جارتى مىڭنان استام زاڭبۇزۋشىلىقتار، بالالاردى تاسىمالداۋ جانە ءبىلىم بەرۋ مەكەمەلەرىن قورعاۋ ەرەجەلەرىنىڭ، سانيتارلىق جانە ورتكە قارسى نورمالاردىڭ بۇزىلۋى، سونداي-اق وقۋشىلار اراسىندا بۋللينگ دەرەكتەرىنىڭ انىقتالۋى دالەل", - دەلىنگەن حابارلامادا.

تەكسەرۋلەر ناتيجەسىندە 10 سوتالدى تەرگەپ-تەكسەرۋ باستالعان، شامامەن 60 ميلليون تەڭگە وتەلگەن، 67 قاداعالاۋ اكتىسى ەنگىزىلدى جانە 100-دەن استام ادام اكىمشىلىك جاۋاپكەرشىلىككە تارتىلعان.

قازىرگى تاڭدا قۇقىق بۇزۋشىلىقتاردى جويۋ ماقساتىندا وقۋشىلار نەمەسە ولاردىڭ اتا-انالارىنا ونلاين رەجيمدە قالالىق پروكۋراتۋراعا تىكەلەي جۇگىنۋگە مۇمكىندىك بەرەتىن "QR-كود" ازىرلەنگەن.

"سونىمەن قاتار، پروكۋرورلار 330 ميلليون تەڭگەدەن استام سوماعا بيۋدجەت قاراجاتى ۇرلانعانىن انىقتادى. مىسالى، بوستاندىق اۋدانىنىڭ پروكۋراتۋراسى مەكتەپتەردىڭ بىرىندە جالاقىعا ارنالعان بيۋدجەت قاراجاتىن، باس بۋحگالتەردىڭ ۇرلاعانىن انىقتادى.

اتالعان قۇقىق بۇزۋشىلىق مەملەكەتكە 160 ميلليون تەڭگە زالال كەلتىرە وتىرىپ، مەكتەپتىڭ جۇمىس ىستەمەيتىن قىزمەتكەرلەرىنە جانە ءوزىنىڭ جاقىن تۋىستارىنا اقشا قاراجاتىن اۋدارۋ جولىمەن جاسالعان", - دەلىنگەن حابارلامادا.

Abai.kz