«قازمۇنايگاز» كومپانيانىڭ كەن ورىندارىندا قىزمەت كورسەتەتىن مەردىگەر ۇيىمداردا ەڭبەك ەتەتىن جۇمىسشىلاردىڭ تۇراقتىلىعى مەن ەڭبەك جاعدايىنا ەرەكشە نازار اۋدارادى، دەپ حابارلايدى Abai.kz ادىرنا سايتىنا سىلتەمە جاساپ.

بىرىنشىدەن، بۇگىنگى تاڭدا قمگ-ءنىڭ ەنشىلەس كاسىپورىندارى تاپسىرىس بەرۋشى رەتىندە مەردىگەر ۇيىمداردى ۇزاق مەرزىمدى جۇمىس كولەمىمەن قامتاماسىز ەتەدى.

ەكىنشىدەن، قمگ جۇمىسشىلاردىڭ جالاقىسى مەن الەۋمەتتىك اۋدارىمدارىنىڭ ۋاقتىلى جانە تولىق كولەمدە تولەنۋىن باقىلايدى.

ۇشىنشىدەن، قمگ «West Oil Software» جشس تەحنيكاسىن جاڭارتۋعا قاراجات بولەدى. بۇگىنگى تاڭدا وتاندىق وندىرۋشىمەن 69 تەحنيكا بىرلىگىنە كەلىسىمشارت جاسالدى. بارلىعى كەم دەگەندە 202 جاڭا تەحنيكا بىرلىگىن ساتىپ الۋ جوسپاردا.

تورتىنشىدەن، جەتىباي كەن ورنىندا جاڭا وندىرىستىك بازا سالۋ جوسپارلانۋدا. قۇرىلىس جۇمىستارى 2024 جىلدىڭ سوڭىندا باستالادى.

«ۇزاققا سوزىلعان ەرەۋىل West Oil Software مەكەمەسىنە عانا شىعىن كەلتىرىپ قويماي، سونىمەن قاتار جەتىباي كەن ورنىندا مۇناي ءونىمىن جوعالتۋعا بايلانىستى «ماڭعىستاۋمۇنايگاز» اق-عا قوماقتى كولەمدە زالال كەلتىرۋدە. قازىرگى ۋاقىتتا ونىڭ سوماسى 1 ملرد 320 ملن تەڭگەنى قۇرادى. بۇل وندىرىسكە جانە تاپسىرىس بەرۋشىلەردىڭ قارجىلىق جاعدايىنا زيانىن تيگىزىپ وتىر»، — دەپ اتاپ ءوتتى قمگ مۇناي سەرۆيسى دەپارتامەنتىنىڭ ديرەكتورى جاسۇلان بالۋانوۆ.

وسىعان دەيىن ايتىلعانداي، قمگ West Oil Software جۇمىسشىلارىن ەنشىلەس كاسىپورىنداردىڭ شتاتىنا جۇمىسقا ورنالاستىرمايدى نەمەسە وسى ماقساتتا جاڭا ەنشىلەس كاسىپورىن اشپايدى.

West Oil Software جۇمىسشىلارىن ماسەلەنى ديالوگ ارقىلى شەشۋگە، زاڭسىز ەرەۋىلدى توقتاتىپ، جۇمىسقا شىعۋعا شاقىرامىز.

Abai.kz