زاڭ سالاسىندا بىلىكتى مامان دايارلاۋ جولىندا ءال-فارابي اتىنداعى قازۇۋ-دىڭ زاڭ فاكۋلتەتى  تاپتىرماس وقۋ ورنى.

زاڭ فاكۋلتەتى- مىقتى وقىتۋشىلار قۇرامىن جاساقتاپ،ەلىمىزدىڭ اتىن شىعارىپ جۇرگەن ماماندارعا ساپالى ءبىلىم بەرۋدە. زاڭ فاكۋلتەتىنىڭ دامۋىنىڭ بارلىق كەزەڭدەرىندە ونىڭ قىزمەتى قازاقستاننىڭ قوعامدىق ومىرىمەن، ەلىمىزدىڭ ەكونوميكاسىنىڭ قاجەتتىلىگىمەن، قۇقىق سالاسىنداعى جوعارى بىلىكتى عىلىمي، تاجىريبەلى كادرلارمەن قاناعاتتاندىرۋىمەن تىعىز بايلانىستا بولعانىن ايتا كەتكەن ءجون. زاڭ عىلىمى– قۇقىقتى الەۋمەتتىك نورمالاردىڭ ەرەكشە جۇيەسى رەتىندە زەردەلەيتىن جانە قۇقىقتى قولدانۋ قىزمەتىنىڭ الۋان ءتۇرلى قىرلارىن زەرتتەيتىن قوعامدىق عىلىم.بولاشاق زاڭگەرلەردى دايىنداۋدا ايانباي قىزمەت قىزمەت جاساپ جۇرگەن كافەدرا قاتارىندا قىلمىستىق قۇقىق،قىلمىستىق ءىس جۇرگىزۋ جانە كريميناليستيكا كافەدراسى بار. كافەدرا 1938 جىلى الماتى مەملەكەتتىك زاڭ ينستيتۋتى قۇرىلعان ساتتەن باستاپ ءوز جۇمىسىن اتقارۋدا، ال 1955 جىلدان باستاپ س.م. كيروۆ اتىنداعى قازاق مەملەكەتتىك ۋنيۆەرسيتەتتىڭ زاڭ فاكۋلتەتىنىڭ قۇرامىنا كىرگەن بولاتىن. 1974 جىلى قىلمىستىق ءىس جۇرگىزۋ جانە كريميناليستيكا كافەدراسىنان كريميناليستيكا كافەدراسى ءبولىندى. 1989 جىلى قىلمىستىق قۇقىق كافەدراسى قىلمىستىق قۇقىق جانە كريمينولوگيا كافەدراسى بولىپ وزگەرتىلدى. 2011 جىلى 27 ماۋسىمدا قازاق ۇلتتىق ۋنيۆەرسيتەتى رەكتورىنىڭ № 223 بۇيرىعىمەن زاڭ فاكۋلتەتىنىڭ ءۇش كافەدراسىن بىرىكتىرۋ ارقىلى: قىلمىستىق قۇقىق جانە كريمينولوگيا، سوت بيلىگى جانە قىلمىستىق پروتسەسس، كريميناليستيكا جانە سوت ساراپتامالارى، قىلمىستىق قۇقىق، قىلمىستىق پروتسەسس جانە كريميناليستيكا كافەدراسى قۇرىلدى.كافەدرانى ءتۇرلى كەزەڭدەردە كافەدرا مەڭگەرۋشىلەرى باسقارعان بولاتىن: بۋلاتوۆ س.يا. (1941-1965 جج.), ماركەلوۆ ۆ.ن. (1965-1976 جج.), پولەنوۆ گ.ف(1976-1991 جج.), قايىرجانوۆ ە.ي. (1991-1993 جج.), بايمۋرزين گ.ي. (1993-1999 جج.), اعىباەۆ ا.ن. (1999-2008 جج.), 2008 جىلدىڭ كىركۇيەك ايىنان باستاپ – ز.ع.د.، پروفەسسور دجانساراەۆا ر.ە. باسشىلىق قىزمەتتە.  «90 جىل-90 ءىس-شارا» مەرەيتوي اياسىندا كافەدرا تاريحىنا ارنالعان ستەندتىڭ  اشىلۋى سالتاناتتى تۇردە ءوتتى.ستەند كافەدرا مەڭگەرۋشىسى ز.ع. د.، پروفەسسور دجانساراەۆا ر.ە. تىكەلەي باسشىلىعىمەن اشىلدى.سالتاناتتى شاراعا ز. ع.د.، دوتسەنت بەرسۋگۋروۆا ل.ش.، ز. ع. ك.، دوتسەنت تاپالوۆا ر.ب.، سونداي-اق كافەدرانىڭ پروفەسسور-وقىتۋشىلار قۇرامى جانە زاڭ فاكۋلتەتىنىڭ دەكانى ز. ع. د.، پروفەسسور بايدەلدينوۆ د. ل. قاتىستى. كافەدرا تاريحىنا ارنالعان ستەند تەك ەستەلىك سيمۆولى عانا ەمەس، سونىمەن قاتار كافەدرانىڭ وتكەنى، بۇگىنى جانە بولاشاعى تۋرالى قۇندى اقپارات كوزى بولىپ تابىلادى.شاراعا كافەدرا ۇجىمى تۇگەلدەي دەرلىك قاتىسىپ، كافەدرانىڭ ارى قاراي دامۋىنا ءوز ۇلەستەرىن قوساتىنىن جەتكىزدى.

مۋحاماديەۆا گۇلجان نۇسىپجانقىزى

ءال-فارابي اتىنداعى قازۇۋ زاڭ فاكۋلتەتى قىلمىستىق قۇقىق، قىلمىستىق ءىس جۇرگىزۋ جانە كريميناليستيكا كافەدراسىنىڭ دوتسەنتى،ز.ع.ك.

كۋدىشەۆ سۇلتان

ءال-فارابي اتىنداعى قازۇۋ زاڭ فاكۋلتەتى قىلمىستىق قۇقىق، قىلمىستىق ءىس جۇرگىزۋ جانە كريميناليستيكا كافەدراسىنىڭ ستۋدەنتى.

Abai.kz