ءال-فارابي اتىنداعى قازۇۋ – قازاقستانداعى ەڭ بەدەلدى وقۋ ورىندارىنىڭ ءبىرى. سوڭعى ۋاقىتتا ۋنيۆەرسيتەت ءوز دامۋىن جالعاستىرىپ، جوعارى ساپالى ءبىلىم مەن عىلىمي زەرتتەۋلەرگە ۇمتىلىپ، سونىمەن قاتار ستۋدەنتتەر مەن وقىتۋشىلاردىڭ جۇمىس جاساۋىنا قولايلى جاعداي تۋدىرۋدا.

قازىرگى تاڭدا   ۋنيۆەرسيتەت ينفراقۇرىلىمىن جەتىلدىردى، بۇل جان- جاقتى ءبىلىم الۋ ءۇشىن قولايلى جاعدايلار جاساۋعا مۇمكىندىك بەردى. اۋديتوريالاردى، كىتاپحانالاردى، عىلىمي زەرتحانالاردى جوندەۋ جانە جاڭعىرتۋ جۇمىستارى جۇرگىزىلدى. سونىمەن قاتار، ءبىلىم ساپاسىن ارتتىرۋعا جانە ستۋدەنتتەر مەن مۇعالىمدەردىڭ عىلىمي-زەرتتەۋ قىزمەتىن دامىتۋعا باعىتتالعان بىرنەشە جاڭا جوبالار ىسكە قوسىلدى.وقۋ وردامىزدا عىلىمي زەرتتەۋلەر سالاسىندا دامۋدى جالعاستىرۋدا. ۋنيۆەرسيتەتتە مەديتسينا، تەحنيكا، ەكونوميكا جانە تەحنولوگيانى قوسا العاندا، ءارتۇرلى عىلىمي سالالارعا ارنالعان بىرنەشە عىلىمي ورتالىقتار بار. عىلىمي ورتالىقتار حالىقارالىق ۋنيۆەرسيتەتتەرمەن جانە عىلىمي-زەرتتەۋ ينستيتۋتتارىمەن تىعىز بايلانىستا جۇمىس ىستەيدى، بۇل عالىمداردىڭ حالىقارالىق جوبالارعا جانە بىرلەسكەن زەرتتەۋلەرگە قاتىسۋىنا مۇمكىندىك بەرەدى. حالىقارالىق QS رەيتينگىندە 230-ورىندا، قازاقستاننىڭ جوعارى وقۋ ورىندارى اراسىندا عانا ەمەس، ورتالىق ازيا مەن تمد ەلدەرىندە كوشباسشىلىق پوزيتسياسىن ورنىقتىردى. QS Asia University Rankings بويىنشا ازياداعى ۇزدىك العاشقى 30 جوعارى وقۋ ورنىنىڭ قاتارىندا. 2022 جىلى 25 شىلدەدە ەل ۇكىمەتىنىڭ قاۋلىسىمەن قارا­­شاڭىراققا «زەرتتەۋ ۋنيۆەرسيتەتى» مارتەبەسى بەرىلدى.

ۋنيۆەرسيتەتىمىز  «ستۋدەنتتەردىڭ عى­لىمي-زەرتتەۋ جۇمىستارىن ۇيىم­داس­تىرۋ»، «عىلىمي-تەحنولوگيالىق دامۋدى قام­تاماسىز ەتۋدىڭ نورماتيۆتىك-قۇقىق­تىق بازاسى»، «يننوۆاتسيالىق ۋنيۆەرسي­تەت ەكوجۇيەسى: تەحنوپاركتەردى، زەرتتەۋ حاب­تارىن، ينجينيرينگتىك ورتا­لىق­تار­دى جانە بيزنەس-ينكۋباتورلاردى ىسكە اسىرۋدىڭ ءساتتى كەيستەرى» باعىتتارى بويىنشا جۇمىس اتقارۋدا.عىلىم، ءبىلىم بەرۋ جانە يننوۆاتسيالىق ءوندىرىس ينتەگراتسياسى ناتيجەسىندە، قازۇۋ تانىمال الەمدىك زەرتتەۋ ۋنيۆەرسيتەت­تەرى قاتارىندا. ۋنيۆەرسيتەت جوعارى تەحنو­لوگيالار اۋماعىن قۇرىپ، الدىڭعى قاتارلى تەحنولوگيالىق شەشىمدەردى دايارلاۋ مەن يننوۆاتسيالىق ونىمدەردى وندىرىسكە ەنگىزۋ پلاتفورماسىنا اينالدى. وسى باعىتتاعى ىزدەنىستەر وڭتۇستىك كورەيا، رەسەي جانە قازاقستاننىڭ عىلىمي-جوبالىق ۇيىمدارىن تارتۋ ارقىلى جۇزە­گە اسىرىلۋدا.ۋنيۆەرسيتەتتە قۇرىلعان عىلى­مي-تەحنولوگيالىق پارك، يننوۆا­تسيا­لىق پروتسەستەر ورتالىعى مەن «جا­سىل تەحنولوگيالار» ورتالىعى زاماناۋي ين­جەنەرلىك جانە عىلىمدى قاجەت ەتە­­تىن تەحنولوگيالاردىڭ كلاستەرىن قا­لىپ­ت­استىردى. قازىرگى ساتتە 290 گرانتتىق قارجىلاندىرۋ جوباسى، عىلىم جانە جوعارى ءبىلىم مينيسترلىگىنىڭ باعدارلامالىق-نىسانالى قارجىلاندىرۋ اياسىندا 11 جوبا، «عىلىم قورى» اق ارقىلى 1 كوممەرتسيالاندىرۋ جوباسى جانە 47 بىرلەسكەن جوبانى جۇزەگە اسىرۋ ۇستىندە. كەيىنگى جىلدارى عالىمدارىمىز 300-دەن استام حالىقارالىق عىلىمي-تەحنيكالىق باعدارلامالار مەن ىرگەلى جوبالاردى ورىندادى. ولاردىڭ ىشىندە ISTC, INTAS, TEMPUS, ماگاتە، ناتو باعدارلامالارى بار.ءال-فارابي اتىنداعى قازۇۋ-دىڭ  باسقارما توراعاسى-رەكتورى ج.تۇيمەباەۆ جاس عالىمداردىڭ، تالانتتى ستۋدەنتتەردىڭ شىعارماشىلىق، عىلىمي الەۋەتىن دامىتۋدا ۋنيۆەرسيتەت بارلىق قاجەتتى جاعدايدى جاساۋدا.ونىڭ دالەلى رەتىندە،قازۇۋ-دا 40 جاسقا دەيىنگى 300-دەن استام جاس عالىم جۇمىس ىستەيدى. ولاردىڭ ىشىندە 49-ى – عىلىم جانە جوعارى ءبىلىم مينيسترلىگىنىڭ «جاس عالىم» جوباسىنىڭ جەڭىمپازى. كوپشىلىگى الەمنىڭ جەتەكشى ۋنيۆەرسيتەتتەرى مەن ورتالىقتارىندا عىلىمي تاعىلىمدامادان ءوتتى. جاس زەرتتەۋشىلەردىڭ عىلىمي جەتىستىكتەرى قازاقستاندا جانە شەتەلدەردە جوعارى باعاعا يە.وقۋ وردامىزدىڭ باسشىلىعىنىڭ باستاماسىمەن قۇرىلعان «جاس عالىمدار كەڭەسى» بار. جاس عالىمدار كەڭەسى ۋنيۆەرسيتەت قابىرعاسىندا عىلىممەن اينالىساتىن جاس مامان وكىلدەرىن بىرىكتىرۋشى بىرلەستىك بولىپ تابىلادى. جاس عالىمدار: پوستدوكتورانتتار، PhD دوكتورانتتار جانە جاس بۋىن ماگيسترانتتار. بارلىعى ۋنيۆەرسيتەتىمىزدىڭ جانە ەلىمىزدىڭ وركەندەۋى مەن دامۋى جولىندا نەگىزىن قالاۋشى كىرپىش ىسپەتتەس.قازىرگى تاڭدا جاس عالىمدار كەڭەسى اياسىندا اتقارىلاتىن جۇمىستار جاس عالىمداردىڭ كاسىبي تۇرعىدا دامۋىنا، وزەكتى عىلىمي ماسەلەلەردى شەشۋگە جانە ەلىمىزدەگى باسىم عىلىمي باعىتتاردا زەرتتەۋ جۇرگىزۋگە، سونىمەن قاتار جاس عالىمداردىڭ يننوۆاتسيالىق قىزمەتىن دامىتۋ ءۇشىن ولاردىڭ كۇش-جىگەرىن بىرىكتىرۋگە باعىتتالعان. جىل سايىن ءىس-شارالار جوسپارى شەڭبەرىندە دوڭگەلەك ۇستەلدەر، عىلىمي سەمينارلار، عىلىمي جەتىستىكتەرى جانە تاجىريبەلەرىمەن ءبولىسۋ ءۇشىن عىلىمي قوعامداستىق وكىلدەرىمەن كەزدەسۋلەر ۇيىمداستىرىلىپ، ارنايى تاجىريبەلىك ساعاتتار وتكىزىلەدى.   ۋنيۆەرسيتەتتە ساپالى ءبىلىم العىسى كەلەتىن ءاربىر ستۋدەنت ءۇشىن بىرقاتار لايىقتى مۇمكىندىكتەر بار.پروفەسسورلىق-وقىتۋشىلار قۇرامى دا ەل بولاشاعى بولار جاس مامانداردى ارقاشان قولداۋعا دايىن.

راحمەتوۆا ت.ا.

ءال-فارابي اتىنداعى قازۇۋ-دىڭ زاڭ فاكۋلتەتى كەدەن قارجى جانە ەكولوگيالىق قۇقىق كافەدراسىنىڭ وقىتۋشىسى

چجان تاو.

قىتاي حالىق رەسپۋبليكاسى. ءال-فارابي اتىنداعى قازۇۋ-دىڭ زاڭ فاكۋلتەتى كەدەن قارجى جانە ەكولوگيالىق قۇقىق كافەدراسىنىڭ ءبىلىم الۋشىسى

Abai.kz