بەلارۋستىڭ قازىرگى كوشباسشىسى الەكساندر لۋكاشەنكو 2025 جىلعى پرەزيدەنت سايلاۋىنا قاتىساتىنىن مالىمدەدى.

كەشە بەلارۋستە پارلامەنتتىك سايلاۋ ءوتتى. سايلاۋ ۋچاسكەلەرىنىڭ بىرىندە جۋرناليستەر الەكساندر لۋكاشەنكودان كەلەسى پرەزيدەنت سايلاۋىنا بارا ما دەپ سۇرادى.

"بارام، بارام، بارام. ولارعا (وپپوزيتسياعا - رەد.) باراتىنىمدى ايتىڭىزشى. جاعداي نەعۇرلىم كۇردەلى بولسا، ولار ءبىزدىڭ قوعامدى نەعۇرلىم بەلسەندىرەك الاڭداتادى", - دەدى ول.

اگەنتتىكتىڭ مالىمەتىنشە، بەلارۋستە كەزەكتى پرەزيدەنتتىك سايلاۋ 2025 جىلدىڭ 20 شىلدەسىنەن كەشىكتىرىلمەي وتكىزىلۋى ءتيىس.

بەلارۋس پرەزيدەنتىنىڭ سايتىنداعى اقپارات بويىنشا، مەملەكەت باسشىسىن سايلاۋ قۇقىعى بار بارلىق ازاماتتار تىكەلەي داۋىس بەرۋ ارقىلى بەس جىلعا سايلايدى.

ەستەرىڭىزگە سالا كەتەيىك، الەكساندر لۋكاشەنكو العاش رەت 1994 جىلى بەلارۋس پرەزيدەنتى بولىپ سايلاندى. سودان كەيىن 2001, 2006, 2010, 2015 جانە 2020 جىلدارى قايتا سايلاندى.

بەلارۋس پرەزيدەنتىنىڭ سوڭعى سايلاۋى 2020 جىلدىڭ تامىز ايىندا وتكەن بولاتىن. سول كەزدە الەكساندر لۋكاشەنكو 80,1%، ال سۆەتلانا تيحانوۆسكايا 10,1% داۋىس جيناپ جەڭىسكە جەتتى. سايلاۋ قورىتىندىسى جاريالانعاننان كەيىن بەلارۋستە بىرنەشە ايعا سوزىلعان جاپپاي نارازىلىق اكتسيالارى باستالدى.

Abai.kz