بيىلعى قىستىڭ توسىن سىيعا تولى بولعانىن ايتۋ كەرەك: قالىڭ قار، بوران، جاڭبىر. جولداردا قار نەمەسە كوكتايعاق بار.

وڭىردەگى «قازاۆتوجول» فيليالدىڭ جاۋاپتىلارىنىڭ ايتۋىنشا، قازىر  پاۆلودار وبلىسى بويىنشا  70 دانا  زاماناۋي تەحنيكا جۇمىس ىستەپ تۇر. جول بويىندا 170  جۋىق ادام تىنىمسىز ەڭبەك ەتۋدە. ولار  بارلىق باعىتتاعى  جولداردى كۇنى-ءتۇنى  تازالاۋدا. قىس مەرزىمى باسىنان پاۆلودار اۋماعىنداعى رەسپۋبليكالىق ماڭىزى بار جولدارعا كوكتايعاققا قارسى 7 593 توننا  قۇم مەن تۇز سەبىلگەن.

جالپى ۇزىندىعى 1 662 شاقىرىم جولدارعا «اتامەكەن-يرتىشسك-رۋسسكايا پوليانا گر.رف»، «ومسك-مايكاپچاگاي»، «كالكامان –باياناۋل-ۋمۋتكەر»، «پاۆلودار –ۋسپەنكا»، «اتامەكەن-اكسۋ-كوكتوبە-كۋرچاتوۆ» تاس جولدارىنىڭ ۋچاسكەلەرى كىرەدى.

سونداي-اق، بيىلعى جىلى اۋا-رايىنىڭ ناشارلاۋى كەزىندە جانە بارلىق كولىكتەر ءۇشىن قوزعالىستى شەكتەۋ كەزىندە شىدەرتى كەنتىندەگى «اق-جول» جول بويىنداعى كەشەنگە جىلۋ پۋنكتى بەرىلدى.

جول پايدالانۋ ۋچاسكەلەرىنىڭ باسشىلارى ءاردايىم ءوزىنىڭ قارايتىن اۋماعىن ءجىتى باقىلاۋدا ۇستاپ، جولشىلار مەن ارنايى تەحنيكانى قاجەتتى جەرلەرگە جولداپ وتىرادى، سوندىقتان تازالاۋ جۇمىستارى ۋاقتىلى جۇرگىزىلەدى.

بيىلعى قىس مەرزىمىندە پاۆلودار وبلىسىنداعى رەسپۋبليكالىق ماڭىزى بار اۆتوموبيل جولدارىندا 79 ەسەگە كولىك قوزعالىسىنا شەكتەۋلەر ەنگىزىلدى. ونىڭ ىشىندە «قازاۆتوجول» پاۆلودار وبلىستىق فيليالىنىڭ باستاماسىمەن 31 شەكتەۋ، كورشىلەس وبلىستاردىڭ باستاماسىمەن 48 شەكتەۋ ورىن الدى.

الايدا، جول تازالايتىن ارنايى تەحنيكا سانى جەتكىلىكسىز. جابدىق جۇكتەمەنى كوتەرە الماي، ىستەن شىعادى . جوندەۋ ءۇشىن قوسالقى بولشەكتەر مەن جابدىقتىڭ بوس تۇرۋىن كۇتۋ تەحنيكالىق قىزمەت كورسەتۋ مەرزىمىن بۇزادى.

جولدارىمىزدى قىسقى كۇتىپ ۇستاۋدى جول اكتيۆتەرىنىڭ ۇلتتىق ساپا ورتالىعى پاۆلودار فيليالىنىڭ ماماندارى قاداعالايدى.

جىل باسىنان بەرى ءبىزدىڭ ينجەنەرلەر قىسقى جوندەۋ جۇمىستارىنىڭ ساپاسىن تەكسەرۋ ءۇشىن 19 رەت باردى. 6 جول جوندەۋ ۋچاسكەسى تەكسەرىلدى. تەكسەرۋ بارىسىندا 7 جول ۋچاسكەسىندە قار مەن كوكتايعاق تۇرىندەگى اقاۋلاردى انىقتادىق. ولاردىڭ كوپشىلىگى دەر كەزىندە جويىلادى، - دەدى فيليال ينجەنەرى م.نيازوۆ.

«قازاۆتوجول» ۇك» اق پوق پاۆلودار وبلىسىنىڭ توتەنشە جاعدايلار دەپارتامەنتىمەن بىرلەسىپ، اۆتوموبيل جولدارىن جابۋ/اشۋ تۋرالى شەشىمدەر قابىلدايدى، ودان كەيىن پاۆلودار وبلىسىنىڭ توتەنشە جاعدايلار قىزمەتى 112 قىزمەتى ارقىلى حالىقتى حاباردار ەتەدى.

Abai.kz