قازىر جىرى بىتپەگەن ەكس-مينيستر، ۇلتتىق مۋزەيدىڭ بۇرىنعى ديرەكتورى ارىستانبەك مۇحامەديۇلى باق كۇندەلىكتى ازىعىنا اينالعانى جاسىرىن ەمەس.

سوتتان سوتقا سۇيرەلىپ جۇرگەن ارىستانبەك مۇحامەديۇلى وزىنە ءجارىسسوز بەرىلگەن كەزدە:

"ومىردە اركىمنىڭ ءوز كرەدوسى بار. مەنىڭ كرەدوم: اتا-اناما، ۇستازدارىما، ارماندارىمدى جۇزەگە اسىرۋعا كومەكتەسكەندەرگە، بالا مەن باقىت سىيلاعان ايەلىمە العىس ايتۋ. سونداي-اق "ديپلومات" قوناق ۇيىنە قاتىستى تاعىلعان ايىپتاردىڭ كۇشىندە ەكەنىن ايتقان پروكۋرورعا العىس ايتقىم كەلەدى. "ديپلومات" قوناق ءۇيى - قازىرگى ۋاقىتتا مەنىڭ اينالامدا بولىپ جاتقان بارلىق وقيعانىڭ نەگىزگى فاكتورى.

بەلگىلى زاڭگەرمەن كەلىسىمگە كەلگەنىمدە، ول بىردەن انتيكورعا بارىپ، "ديپلومات" قوناق ۇيىندە بۇل ماسقارانى – رەيدەرلىك ارەكەتتەردى توقتاتاتىنىن ايتتى. "مەن ودان ءىستىڭ سوتقا دەيىن بارۋىن سۇرادىم", - دەدى.

ەكس-ءمينيستردىڭ "ديپلوماتقا" قاتىسى بولۋىنىڭ باستى سەبەبى - حالىقارالىق قوناق ءۇي بيزنەسى ۋنيۆەرسيتەتىن اشۋ جوسپارى بولعاندىعىنان ءبارىمىز بىلەمىز. ارىستانبەك مۇحامەديۇلى قوناق ۇيدە العاشقى وقۋ ورنى – كوللەدج اشىپ، الماتىدا نيۋ-يورك كينواكادەمياسىنىڭ فيليالىن اشۋدى كوزدەگەن بولاتىن. بۇنىڭ ءبارى سوتالۋشىنىڭ سوزىندە اشىلىپ ايتىلدى.

ونىڭ باستى كىناسى ونىڭ كەلىسىمدەرگە قول قويىلىپ، وقىتۋ باعدارلامالارى دايىندالعانىنان تۋىنداپ وتىر. سوتتالۋشى بۇنى: "شايتان جولدى قارا مىسىقتاي كەسىپ وتكەندىكتەن" دەپ ايتتى.

ەندى وسى تاقىرىپقا قاتىستى سوتتالۋشى نە دەگەنىن ودان ارى كەلتىرە كەتەيىك:

ء"بىراز ۋاقىتتان كەيىن بۇل جوسپارلارىمدى جۇزەگە اسىرا الاتىنىما سەنىمدىمىن. ماقسات – ارماننىڭ ورىندالۋى. ءسىز ءوز ۇكىمىڭىزبەن مەنەن بىرنەشە جىلدىق ەركىندىگىمدى الا الاسىز، بىراق مەنىڭ ارمانىمدى ەشكىم تارتىپ الا المايدى. ماقساتىم – "ديپلومات" قوناقۇيىنە قاتىستى ماعان تاعىلعان ايىپتاردىڭ ءبارى ويدان شىعارىلعان وقيعا ەكەنىن دالەلدەۋ", - دەدى ول.

باس ايتا كەتەتىن ءبىر نارسە: مۇحامەديۇلى بۇل ءىس بويىنشا جابىرلەنۋشى ءوز تاراپىنان ەكى "كىناسىز ادامدى" سوتقا جۇگىنتىپ، تۇرمەگە قاماپ قانا قويماي، "سەرىكتەستەرىنىڭ بيزنەسىن تارتىپ العانى" بولدى. مۇحامەديۇلى بۇل ورايدا جابىرلەنۋشىنىڭ باستى نيەتى قوناقۇيدىڭ جۇمىس ىستەۋىنە جول بەرمەۋ دەپ وتىر دەگەندى العا تارتتى.

سونىمەن مۇحامەديۇلىنىڭ ءوزى جانە ونىڭ وتباسى قوناقۇيدىڭ قىزمەتىن جاقسارتۋعا 115 ميلليون تەڭگە ينۆەستيتسيالاپ قانا قويماي، قوناق ءۇي بيزنەسىنىڭ مايىن ىشىكەن تۇركى اعايىنداردى ىسكە تارتىپ، ءوز قالتاسىنان تۇركيادان كەلگەن ءۇش باسقارۋشىنىڭ ۇشىپ-كەلۋ جانە قازاقستاندا تۇرۋ اقىسىن تولەگەنىن تىلگە تيەك ەتتى.

Abai.kz