قر پارلامەنتىنىڭ قاراۋىنا «قازاقستان رەسپۋبليكاسىنىڭ قۇرىلتايى جانە ونىڭ دەپۋتاتتارىنىڭ مارتەبەسى تۋرالى» كونستيتۋتسيالىق زاڭى جوباسى ەنگىزىلدى. 

اتاپ ايتقاندا، بۇگىن ءماجىلىستىڭ جالپى وتىرىسىندا وسى زاڭ جوباسى بويىنشا قر پارلامەنتى پالاتالارىنىڭ بىرلەسكەن كوميسسياسىنىڭ قۇرامىنا دەپۋتاتتاردى سايلاۋ ماسەلەسى تالقىلاندى.

— اتالعان زاڭ جوباسىن بيىلعى 15 ناۋرىزدا رەسپۋبليكالىق رەفەرەندۋمدا قابىلدانعان ەلىمىزدىڭ جاڭا اتا زاڭ ەرەجەلەرىن ىسكە اسىرۋ ماقساتىندا پارلامەنت دەپۋتاتتارى ازىرلەدى. قۇجات قۇرىلتايدى ۇيىمداستىرۋ جانە ونىڭ قىزمەتىن قۇقىقتىق رەتتەۋگە، سونداي-اق ونىڭ دەپۋتاتتارىنىڭ قۇقىقتىق مارتەبەسىن ايقىنداۋعا باعىتتالعان، — دەدى دەپۋتات سنەجاننا يماشەۆا ءماجىلىستىڭ جالپى وتىرىسىندا.

زاڭ جوباسى 12 تاراۋدان جانە 60 باپتان تۇرادى.

ەسكە سالساق، بۇعان دەيىن ءماجىلىس توراعاسى ەرلان قوشانوۆ جاقىن ارادا بىرقاتار ماڭىزدى زاڭ جوباسى پارلامەنت قاراۋىنا ەنگىزىلەتىنىن مالىمدەگەن ەدى.

Abai.kz