نازىربەك ميۋنحەن قالاسىندا تۇرادى. مۇستافا اعامىز بەن ءنۇريلا جەڭگەمىز 1980 جىلى ۇيلەنگەن ەكەن. تۇڭعىشتارى نازىربەك 1981 جىلى تۋىلعان. قازىرگى تاڭدا بۋحگالتەرلىك ماماندىعى بويىنشا جۇمىس ىستەيدى.
جالپى مۇستافا وزتۇرىكتىڭ 3 بالاسى بار. قالعان ەكەۋى قىز. ۇلكەنى نەسلي، كىشىسى اسلى. تومەندە مۇستافانىڭ ۇلى نازىربەك وزتۇرىكپەن بولعان سۇحباتتى جاريالاپ وتىرمىز.

- نازىربەك، قازاقستاندا تۇرعىڭ كەلە مە؟

- ءالى شەشىمگە كەلىپ ۇلگەرمەدىم. بولاشاقتا بارىپ قالۋىم مۇمكىن.

- قاشان ۇيلەنبەكسىڭ؟

- قۇداي بۇيىرتسا وسى جىلى نەمەسە كەلەسى جىلى ۇيلەنبەكشىمىن.

- سەن ءۇشىن قازاق قانداي ۇعىم؟

- ەڭ ءبىرىنشى ءوزىمنىڭ قازاق ەكەندىگىمدى ماقتانىشپەن ايتامىن. ەكىنشىدەن، قازاقستان - مەنىڭ انا وتانىم! ءبىزدىڭ اتا-بابالارىمىزدىڭ ەلى. سالتىمىز، ءداستۇرىمىز - قازاقستانمەن تىعىز بايلانىستى دەپ ايتا الامىن. سوندىقتان، مەن ءۇشىن قازاق بولۋدىڭ ورىنى ەرەكشە.

- قازاقتاردىڭ سالت-ءداستۇرىن بىلەسىڭ بە؟

- ءيا، وتە جاقسى بىلەمىن دەپ ايتا الامىن. بالالىق شاعىمىز تۇركيادا ءوتتى. ءوزىڭىز بىلەتىندەي ول جاقتا كوپتەگەن تۋىستارىمىز بار. بالا تۋىلعاندا، بەسىككە سالارىندا، شىلدەحانادا، ۇيلەنۋ تويدا، قايتىس بولعانداعى جورالار - ءبارى-ءبارى كوز الدىمىزدا ءوتتى. جاستايىمىزدان سولاردى جادىمىزعا توقىپ وستىك.

نازىربەك ميۋنحەن قالاسىندا تۇرادى. مۇستافا اعامىز بەن ءنۇريلا جەڭگەمىز 1980 جىلى ۇيلەنگەن ەكەن. تۇڭعىشتارى نازىربەك 1981 جىلى تۋىلعان. قازىرگى تاڭدا بۋحگالتەرلىك ماماندىعى بويىنشا جۇمىس ىستەيدى.
جالپى مۇستافا وزتۇرىكتىڭ 3 بالاسى بار. قالعان ەكەۋى قىز. ۇلكەنى نەسلي، كىشىسى اسلى. تومەندە مۇستافانىڭ ۇلى نازىربەك وزتۇرىكپەن بولعان سۇحباتتى جاريالاپ وتىرمىز.

- نازىربەك، قازاقستاندا تۇرعىڭ كەلە مە؟

- ءالى شەشىمگە كەلىپ ۇلگەرمەدىم. بولاشاقتا بارىپ قالۋىم مۇمكىن.

- قاشان ۇيلەنبەكسىڭ؟

- قۇداي بۇيىرتسا وسى جىلى نەمەسە كەلەسى جىلى ۇيلەنبەكشىمىن.

- سەن ءۇشىن قازاق قانداي ۇعىم؟

- ەڭ ءبىرىنشى ءوزىمنىڭ قازاق ەكەندىگىمدى ماقتانىشپەن ايتامىن. ەكىنشىدەن، قازاقستان - مەنىڭ انا وتانىم! ءبىزدىڭ اتا-بابالارىمىزدىڭ ەلى. سالتىمىز، ءداستۇرىمىز - قازاقستانمەن تىعىز بايلانىستى دەپ ايتا الامىن. سوندىقتان، مەن ءۇشىن قازاق بولۋدىڭ ورىنى ەرەكشە.

- قازاقتاردىڭ سالت-ءداستۇرىن بىلەسىڭ بە؟

- ءيا، وتە جاقسى بىلەمىن دەپ ايتا الامىن. بالالىق شاعىمىز تۇركيادا ءوتتى. ءوزىڭىز بىلەتىندەي ول جاقتا كوپتەگەن تۋىستارىمىز بار. بالا تۋىلعاندا، بەسىككە سالارىندا، شىلدەحانادا، ۇيلەنۋ تويدا، قايتىس بولعانداعى جورالار - ءبارى-ءبارى كوز الدىمىزدا ءوتتى. جاستايىمىزدان سولاردى جادىمىزعا توقىپ وستىك.
اكەممەن قازاقستانعا بارعانىم ەمىس-ەمىس ەسىمدە. ول كەزدە 11-12 جاستا ەدىم. كەيىنىرەك بىرنەشە رەت بارىپ، تۋعان جەردىڭ توپىراعىن ءسۇيىپ قايتتىم. الايدا، كوپ ۋاقىت بولماعاندىقتان قازاقستاننىڭ ءار تۇكپىرىن تولىق بىلەمىن دەپ ايتا المايمىن. الماتىنى، استانانى، قاراعاندىنى، سەمەيدى بىلەمىن.

- قازىر قانداي جۇمىس ىستەپ ءجۇرسىڭ؟

- بۋحگالتەرلىك ماماندىعىن مەڭگەرۋدەمىن. ياعني، جۇمىس ىستەي ءجۇرىپ تاجىريبە جيناقتاپ جاتقان جايىم بار. بۇعان دەيىن وزگە سالادا قىزمەت اتقارىپ كەلدىم. ماماندىعىمدى اۋىستىرىپ جاتىرمىن.

- بوس ۋاقىتتارىڭدى قالاي وتكىزەسىڭ؟

- كوبىنەسە كومپيۋتەردە وتىرامىن. كىتاپ وقيمىن، سپورتپەن اينالىسقاندى ۇناتامىن، دوستارىممەن بىرگە قىدىرامىن، ينتەرنەتتە وتىرامىن. كەي كەزدەرى تاماق ىستەيمىن (كۇلدى).

- ينتەرنەتتەگى قانداي تاقىرىپتار ۇنايدى؟

- ينتەرنەتتەن قاراستىراتىن ماعلۇماتتاردىڭ ەڭ ماڭىزدىسى -قازاقستان تۋرالى اقپاراتتار. مۇمكىندىگىمشە كەڭىنەن تانۋعا تىرىسامىن. الماتىعا باردىم، قالا تۋرالى كىتاپتاردى وقىدىم. ينتەرنەتتەن ماعلۇماتقا قانىق بولدىم. استانا مەنى قاتتى قىزىقتىرادى. استاناعا بارۋ - مەنىڭ الداعى ۋاقىتتاعى ماقساتىم بولماق.

- اكە جولىن جالعاستىرىپ ءجۇرسىڭ بە؟

- تاەكۆوندومەن بالا كەزىمدە اينالىسا باستادىم. اكەممەن بىرگە جاتتىعاتىن ەدىم، ماعان ۇيرەتىپ وتىراتىن. قازاقستانعا كەلگەننەن كەيىن ماعان قارايلايتىن ۋاقىتى بولمادى. سول سەبەپتى جەكە دايىندالۋىما تۋرا كەلدى. اكەمنىڭ شاكىرتتەرى وتە كوپ ەدى. باسىم بولىگى جەتىستىكتەرگە جەتتى، كەيبىرى مەكتەپتەر اشتى. قازىر دە ۋاقىتىم بولعاندا جاتتىعۋ جاساپ تۇرامىن.

- جەتىستىككە جەتكەن ساتتەرىڭ بولدى ما؟

- بەلبەۋ الۋ، دان الۋ وتە قيىن. اكەمنىڭ مەزگىلسىز قايتۋى، وتباسىلىق ماسەلەلەرگە بايلانىستى تاەكۆوندونى تولىق مەڭگەرىپ شىعا المادىم. اكە جولىن جالعاستىرا الماۋىما وسى جاعدايلار سەبەپ بولدى. تاەكۆوندوداعى بەلبەۋىم جاسىل ءتۇستى.

- اكە ۇعىمى سەن ءۇشىن نەنى بىلدىرەدى؟

- اكەدەن جاستايىمنان ايرىلعاندىقتان بولار، مەن ءۇشىن اكە - ۇلى تۇلعا. ءار جىل سايىن تۇركياعا اكەمىزدىڭ باسىنا بارىپ قايتامىز. قۇرانىمىزدى وقىپ، ارتىنان دۇعا-تىلەكتەرىمىزدى باعىشتاپ وتىرامىز.

- اڭگىمەڭە راحمەت!

"نۇر استانا" گازەتى

مۇستافا وزتۇرىك تۋرالى ەستەلىكتەردەن ۇزىندىلەر

تۇركياداعى جارىس ۇستىندە، التىن مەدال ارمان بولىپ تۇرعان شاقتا كۇمىس پەن قولانى جەتىستىك دەپ سانامايتىن مۇستافا ءۇمىت ارتقان شاكىرتى قايرات قىرعىزباەۆقا قاراپ «قازىر كۇرەك تاباسىڭ» دەيدى. ءوزى تولقىپ تۇرعان جاس سپورتشى جاتتىقتىرۋشىعا تۇسىنبەي قاراسا كەرەك. سوندا مۇستافا: «سەن التىن الماساڭ، قازاق ەلىنە قايتاتىن بەت جوق، وسىندا كومىپ كەتەمىن» دەپتى.

ءساتسىز سايلاۋ ناۋقانىنداعى ساپاردان ورالىپ كەلە جاتقان مۇستافانىڭ اۆتوكولىگى جولدا تايىپ كەتەدى. كوك مۇز ۇستىمەن شىر اينالعان اۆتوموبيل اقىرى ەشتەڭەگە سوعىلماي توقتايدى. ىشتەگىلەر ءدىن-امان. سوندا مۇستافا «بۇل اينالىپ كەتكەن ماشينە ەمەس – مەنىڭ تابانىم» دەپتى.

الماتىداعى تسيرك ارەناسىنا اق كيىممەن شىعا كەلگەن مۇستافا بۇكىل حالقىنىڭ كوز الدىندا وشپەستەي جاتتالىپ قالدى. سۇراستىرساق، اق كيىمنىڭ كورەيشە اتى «تابوك» دەپ اتالادى ەكەن. جاعاسى مىندەتتى تۇردە قارا ماتادان بولادى. اق كيىممەن ورتامىزعا كەلگەن ادام سول اق كيىممەن ارامىزدان اتتانىپ كەتتى.