«ورىس الەمى» دوستارىنىڭ تمد-تاعى تىلەۋلەس مەملەكەتتەرى اراسىنا جىك ءتۇستى. بۇل جىكتى تۇسىرگەن ارمەنيا. بۇل تۋرالى Mezgil.kz پورتالى جازادى. 

ارمەنيا نەگە جىك ءتۇسىردى دەگەن ساۋالعا توقتالا كەتەتىن بولساق، ارمەنيادا «Z پروپاگاندانىڭ» باس تىزگىنشىسى ۆلاديمير سولوۆەۆتىڭ ترانسلياتسياسى توقتاتىلدى. رەسەي جۋرناليستەر وداعى (رجو) مۇنى: «ءسوز بوستاندىعىن بۇزۋ»، - دەپ اتادى.

ارمەنيانىڭ جوعارى تەحنولوگيالىق ونەركاسىپ ءمينيسترىنىڭ ورىنباسارى اۆەت پوگوسياننىڭ ايتۋىنشا، تىيىم سالۋ تۋرالى شەشىم باق سالاسىنداعى ىنتىماقتاستىق تۋرالى ەكىجاقتى كەلىسىمنىڭ 2 بابىنىڭ «ۇدايى بۇزىلۋىنا» بايلانىستى قابىلدانعان.

اڭگىمە قورلايتىن مازمۇنداعى باعدارلامالاردى تاراتۋدى جانە ىشكى ساياسي ومىرگە ارالاسۋدى بولدىرمايتىن باپ تۋرالى، سونداي-اق ۇلتتىق مەرەكەلەر مەن توتەنشە جاعدايلار كەزىندە ەرەجەلەردى قۇرمەتتەۋدى تالاپ ەتەتىن باپ تۋرالى بولىپ وتىر.

«ءتىپتى جەكەلەگەن باعدارلامالارعا تىيىم سالۋ دەكلاراتسيالانعان ءسوز بوستاندىعى مەن اقپارات تاراتۋ بوستاندىعىن ناقتى بۇزۋ بولىپ تابىلادى»، - دەپ مالىمدەدى رەسەي جۋرناليستەر وداعىنىڭ باسشىسى ۆلاديمير سولوۆەۆ (ارميان وپالاسىنا ۇشىراعان ادام).

سولوۆيوۆ پەن مارگاريتا سيمونيان ءبىر اي بۇرىن ەفيردە گرۋزيا مەن ارمەنيامەن شەكارانىڭ جوقتىعىن ارماندايتىن.

رەسەيدىڭ ۋكرايناعا تولىققاندى باسىپ كىرۋى باستالعاننان كەيىن رەسەيدە جۋرناليستەرگە تسەنزۋرا مەن قىسىم كۇشەيگەن. كوپتەگەن باق ءوز كەڭسەسىن شەتەلگە كوشىرۋگە ءماجبۇر بولدى، باسقالارى جۇمىسىن توقتاتىپ قويدى نەمەسە سوعىستى جاريالاۋدان باس تارتتى. مەديا قىزمەتكەرلەرى سوعىستى ودان ءارى ناسيحاتتاۋ جانە قىلمىستىق قۋدالاۋعا ۇشىراماۋ ءۇشىن باسقا ەلدەرگە جاپپاي كەتتى.

اتاپ ايتقاندا، «رتر-پلانەتا» تەلەارناسىنىڭ مۋلتيپلەكسىندە «ۆلاديمير سولوۆەۆپەن بولعان كەش» جانە «ۆلاديمير سولوۆەۆپەن بولعان جەكسەنبىلىك كەش» تىيىم سالىنعان.

پوگوسياننىڭ ايتۋىنشا، تىيىم سالۋ «ارمەنيا رەسپۋبليكاسىنىڭ ۇكىمەتى مەن رەسەي فەدەراتسياسىنىڭ ۇكىمەتى اراسىنداعى بۇقارالىق تەلەكوممۋنيكاتسيالار سالاسىنداعى ىنتىماقتاستىق تۋرالى» كەلىسىمنىڭ 5 جانە 6-باپتارىنىڭ نەگىزىندە ەنگىزىلگەن.

5-باپ: «حالىقتار مەن ۇلتتىق قۇندىلىقتارعا قاتىستى قورلاۋ مازمۇنىنداعى باعدارلامالاردى الىپ تاستاۋدى» جانە «سايلاۋ الدىنداعى ناۋقاندار مەن iشكi ساياسي ومiرگە ارالاسۋدى الىپ تاستاۋدى»، ال 6-باپ: «ۇلتتىق مەرەكەلەر مەن اتاۋلى كۇندەر كەزiندە ەرەجەلەردi قۇرمەتتەۋدi» جانە «سوعىس جانە توتەنشە جاعدايلار كەزiندە جالپى ەرەجەلەردi ساقتاۋدى» كوزدەيدi.

ءداستۇرلى تۇردە جاقىن جانە وداقتاس رەتىندە قارالعان رەسەي مەن ارمەنيا اراسىنداعى قارىم-قاتىناس 2023 جىلى ايتارلىقتاي سۋىپ كەتتى. اتاپ ايتقاندا، ارمەنيا ۇجىمدىق قاۋىپسىزدىك تۋرالى شارت ۇيىمىنا (ۇقشۇ) قاتىسۋدى ءىس جۇزىندە توقتاتتى، ۆلاديمير ءپۋتيندى قاماۋعا الۋعا وردەر بەرگەن حالىقارالىق قىلمىستىق سوتقا قوسىلدى، رەسەيگە ەرەۆان اۋەجايىنداعى فسب شەكاراشىلارىنىڭ جۇمىسىن توقتاتۋ تۋرالى رەسمي حات جىبەردى، ال ارميان بانكتەرى رەسەيلىك «مير» كارتالارىن قابىلداۋدى توقتاتتى.

رجو باسشىسى سولوۆەۆ رەسەيدە سوعىستان كەيىن تسەنزۋرامەن كۇرەسەتىنىن مالىمدەدى. تسەنزۋرادان كوز اشپاعان رەسەي ەندى الاسۇرىپ، جان-جاعىنا تىكسىنىپ، ۇرىنارعا قارا تاپپاي قالعان شاقتا ورتالىق ازيا ارمياندار قۇرلى بولا الماعانى كوڭىلدى قۇلازىتادى ەكەن.

Abai.kz