6-7 ءساۋىر ارالىعىندا الماتىداعى شىمبۇلاق تاۋ كۋرورتىنىڭ اۋماعىندا سپورتتىق-مۋزىكالىق فەستيۆال وتەدى. بۇل حالىقارالىق جارىس – قازاقستانداعى قىسقى ەكستريمنىڭ باستى شاراسى، ول جىل سايىن ەلىمىزدەگى سنوۋبوردينگ پەن تاۋ شاڭعىسىنىڭ دامۋىنا زور ۇلەسىن قوسىپ كەلەدى.

بۇل 70-ءشى مەرەيتوي ماۋسىمىنىڭ سوڭعى اككوردى بولماق. فەستيۆال قوناقتارىن ەكى كۇندىك سپورتتىق جانە مۋزىكالىق باعدارلاما كۇتەدى.

"مەن وسى جىلعى Winter Jungle-دەن كەرەمەت كوڭىل-كۇيدى، جاڭا ادامداردى جانە شارادان شابىت الىپ، ودان ءارى ەكسترەمالدى سپورتپەن اينالىساتىن جارقىن جاستاردى كۇتەمىن. ءبىزدىڭ ماقساتىمىز – قازاقستانداعى ەكشن-سپورت مادەنيەتىن دامىتۋعا ۇلەس قوسۋ!" – دەيدى فەستيۆال پروديۋسەرى الەكساندر كۋچۋرا.

"العاشىندا مەنى قازاقستانعا شاقىرعان كەزدە – مەن نە كۇتەتىنىمدى بىلمەدىم. مەن ستاندارتتى ەمەس يدەيالاردى جۇزەگە اسىراتىن شارالاردىڭ ۇلكەن جانكۇيەرىمىن جانە Winter Jungle ءسوزسىز سولاردىڭ ءبىرى", – دەيدى Freeski جارىسىنان پولشانىڭ 12 دۇركىن چەمپيونى، The Battle سپورتتىق باعدارلاماسىنىڭ باستى شاراسىنا شاقىرىلعان قاتىسۋشىلاردىڭ ءبىرى Sczepan Karpiel-Bulecka.

Abai.kz