قازاۆتوجول ءباسپاسوز قىزمەتىنىڭ حابارلاۋىنشا، اقتوبە، اتىراۋ، قوستاناي، پاۆلودار، ماڭعىستاۋ جانە سقو وبلىستارىندا رەسپۋبليكالىق ماڭىزى بار 8 اۆتوموبيل جولىندا (ۇزىندىعى – 398 كم) قوزعالىسقا شەكتەۋ قويىلدى، دەپ حابارلايدى Abai.kz. 

"2024 جىلعى 5 ساۋىردەگى جاعداي بويىنشا حالىقارالىق جانە رەسپۋبليكالىق ماڭىزى بار اۆتوموبيل جولدارىندا اۋا رايىنىڭ جىلىنۋى مەن قاردىڭ تەز ەرۋى سالدارىنان 3 وبلىستا (اتىراۋ، سقو، قوستاناي) 6 جول ءجۇرۋ ۋچاسكەسىندە جالپى ۇزىندىعى 3280 مەتر بولاتىن سۋ تاسقىنى بولدى. 6 وبلىستاعى (اقتوبە، اتىراۋ، قوستاناي، پاۆلودار، ماڭعىستاۋ، سقو) رەسپۋبليكالىق ماڭىزى بار 8 اۆتوموبيل جولىندا (ۇزىندىعى – 398 كم) قوزعالىسقا شەكتەۋ قويىلدى", – دەلىنگەن حابارلامادا.

قازىرگى تاڭدا رەسپۋبليكالىق جولدارداعى ماسەلەنى رەتتەۋگە 285 بىرلىك تەحنيكا مەن 312 ادام جۇمىلدىرىلعان. جاعداي ءجىتى قاداعالانۋدا.

"2024 جىلعى 5 ساۋىردە ساعات 09:30 شاماسىندا ەرىگەن قار سۋىنىڭ سالدارىنان اتىراۋ وبلىسى "مۇكىر-قۇلسارى" اۆتوجولىنىڭ 0-136 شاقىرىمىندا (مۇقىر اۋىلى – قۇلسارى قالاسى ۋچاسكەسى) كولىك قۇرالىنىڭ بارلىق ءتۇرى ءۇشىن قوزعالىس شەكتەلدى", – دەلىنگەن قازاۆتوجول حابارلاماسىندا.

Abai.kz