استانادان ادەيىلەپ كەلگەن قۇرمەتتى مەيمان مۇناي جانە گاز ۆيتسە-ءمينيسترى ماعزۇم مىرزاعاليەۆتى ەرتىپ ايماق باسشىسى الدىمەن زايسان قالاسىنىڭ شەتىندە ورنالاسقان اۆتوماتتى گاز تاراتۋ ستانتسياسىنا توقتاپ، جاڭا نىساننىڭ جۇمىسىمەن تانىستى. «تارباعاتاي مۇناي» جشس-ءنىڭ باس مەنەدجەرى جەڭىس جالعاسوۆ لاۋازىمدى قوناقتارعا زاماناۋي قوندىرعىلارمەن جابدىقتالعان ستانتسيانىڭ ەرەكشەلىكتەرىن، جۇمىس ىستەۋ ءتارتىبىن تۇسىندىرە كەلە: «شىعىستىڭ شىراعى زايساندا جانادى، بۇل جۇمىس ءالى دە جالعاسىن تابادى. قالعان گاز كوپ ۇزاماي باسقا اۋىلدارعا دا بارادى» دەپ كومپانيانىڭ كەلەشەك جوسپارىن ادەمى ۇيقاسپەن جەتكىزدى.

ماماننىڭ ايتۋىنشا، الداعى ۋاقىتتا اۋدان ورتالىعىنان بولەك قارابۇلاق، كەڭساي، قاينار، جامبىل، دايىر سەكىلدى توعىز ەلدى مەكەنگە كوگىلدىر وتىن تارتىلماق. وسىلاردىڭ بارلىعىن قوسقاندا جىلدىق تۇتىنۋ مولشەرى 30 ملن تەكشە مەتردى قۇرايدى ەكەن. بۇل اسا كوپ ەمەس، سوندىقتان تابيعي بايلىقتى ماقساتتى يگەرۋ ءۇشىن كەلەشەكتە تۇتىنۋشىلاردىڭ اۋماعىن كەڭەيتە ءتۇسۋ كەرەك.

استانادان ادەيىلەپ كەلگەن قۇرمەتتى مەيمان مۇناي جانە گاز ۆيتسە-ءمينيسترى ماعزۇم مىرزاعاليەۆتى ەرتىپ ايماق باسشىسى الدىمەن زايسان قالاسىنىڭ شەتىندە ورنالاسقان اۆتوماتتى گاز تاراتۋ ستانتسياسىنا توقتاپ، جاڭا نىساننىڭ جۇمىسىمەن تانىستى. «تارباعاتاي مۇناي» جشس-ءنىڭ باس مەنەدجەرى جەڭىس جالعاسوۆ لاۋازىمدى قوناقتارعا زاماناۋي قوندىرعىلارمەن جابدىقتالعان ستانتسيانىڭ ەرەكشەلىكتەرىن، جۇمىس ىستەۋ ءتارتىبىن تۇسىندىرە كەلە: «شىعىستىڭ شىراعى زايساندا جانادى، بۇل جۇمىس ءالى دە جالعاسىن تابادى. قالعان گاز كوپ ۇزاماي باسقا اۋىلدارعا دا بارادى» دەپ كومپانيانىڭ كەلەشەك جوسپارىن ادەمى ۇيقاسپەن جەتكىزدى.

ماماننىڭ ايتۋىنشا، الداعى ۋاقىتتا اۋدان ورتالىعىنان بولەك قارابۇلاق، كەڭساي، قاينار، جامبىل، دايىر سەكىلدى توعىز ەلدى مەكەنگە كوگىلدىر وتىن تارتىلماق. وسىلاردىڭ بارلىعىن قوسقاندا جىلدىق تۇتىنۋ مولشەرى 30 ملن تەكشە مەتردى قۇرايدى ەكەن. بۇل اسا كوپ ەمەس، سوندىقتان تابيعي بايلىقتى ماقساتتى يگەرۋ ءۇشىن كەلەشەكتە تۇتىنۋشىلاردىڭ اۋماعىن كەڭەيتە ءتۇسۋ كەرەك.

– سارىبۇلاق كەن ورىنىنان ءوندىرىپ جاتقان گازىمىزدىڭ ساپاسى وتە جوعارى، جانۋى جاقسى. قازىرگى ۋاقىتتا زايسان قالاسىندا 470 تۇرعىن ۇيگە گاز قۇبىرلارى تارتىلىپ، قوندىرعىلار ورناتىلعان. بۇگىننەن باستاپ وسى ۇيلەرگە كوگىلدىر وتىن بەرىلەدى. سونىمەن قاتار كەلەسى جىلى تاعى 1100 ءۇيدى گازبەن قامتۋ جوسپاردا بار، - دەپ تۇسىندىرگەن «قازترانسگاز ايماق» اق باس ديرەكتورىنىڭ ورىنباسارى عالىم ايدوسوۆ ۇيلەردەگى گاز قابىلدايتىن قوندىرعىلاردىڭ ارتىقشىلىعىن دا ايتىپ بەردى.
ونىڭ سوزىنە قاراعاندا، زاماناۋي قوندىرعىلار ادامنىڭ ومىرىنە قاۋىپسىزدىگىمەن باعالى. ەگەر ونىڭ ءبىر جەرى ءبۇلىنىپ، بولمە ىشىنە گاز تارايتىن بولسا ول اۆتوماتتى تۇردە وزدىگىنەن ءوشىپ، ۋلانۋدان ساقتاپ قالادى.

وسىعان دەيىن «قازترانسگاز ايماق» كومپانياسىنىڭ ينۆەستيتسيالىق باعدارلاماسىنىڭ ءبىرىنشى كەزەڭىن ىسكە اسىرۋ اياسىندا جىلىنا 15 ملن تەكشە مەتر گاز وتكىزەتىن ورتا جانە تومەنگى قىسىمداعى 18,4 شاقىرىم قالاىشىلىك، سونداي-اق كۆارتال ىشىندەگى گاز تاراتۋ قۇبىرلارى سالىنعان. زايسانداعى 470 تۇرعىن ءۇيدىڭ جۇيەلەرى تولىق دايىندالىپ، 10 ءۇي مەن م.اۋەزوۆ اتىنداعى ورتا مەكتەپتىڭ جىلىتۋ قازاندىعى گازدى قابىلداۋ ءۇشىن تەحنيكالىق شارتتىلىق بەرىلگەن. ايتا كەتەيىك، بۇل جوبا قازاقستاندىق جانە قىتايلىق ينۆەستورلاردىڭ بىرلەسكەن كاسىپورىنى «تارباعاتاي-مۇناي» جشس سالعان جالپى ۇزىندىعى 82,5 شاقىرىم بولاتىن «سارىبۇلاق-مايقاپشاعاي» ماگيسترالدى قۇبىردىڭ ىسكە قوسىلۋىمەن ورىندالىپ وتىر. قول جەتكىزىلگەن ۋاعدالاستىقتارعا سايكەس ەلدى مەكەندەرگە دەيىنگى قۇبىرلاردى «تارباعاتاي-مۇناي» جشس تارتسا، اۋىلداردىڭ ىشىندەگى تاراتۋ جۇيەلەرىنىڭ قۇرىلىسىن «قازترانسگاز ايماق» اق جۇزەگە اسىرۋدا.

– ەگەمەندىكتىڭ ارقاسىندا ەلىمىزدىڭ ەكونوميكاسى دامىپ، حالىقتىڭ ءال-اۋقاتى ارتا تۇسۋدە. سونىڭ ءبىر ايعاعى سوناۋ كەڭەس ۇكىمەتى كەزىندە پايدالانىلماعان گاز قورىن بۇگىن مىنە جۇرتتىڭ يگىلىگىنە جاراتىپ باستادىق. بۇل ۇلكەن جەتىستىك. وسى جەتىستىككە قول جەتكىزۋ ءۇشىن التى جىلدىڭ ىشىندە 39 ملرد تەڭگە قارجى جۇمسالدى. ناتيجەسىندە ەڭ ءبىرىنشى بولىپ زايسان قالاسىنا بۇگىن گاز بەرىلۋدە. كەلەسى جىلى كوگىلدىر وتىن گاز قۇبىرىنىڭ بويىندا ورنالاسقان توعىز اۋىلعا جەتكىزىلەدى. سونداي-اق ەلۋ پايىزدىق ۇلەسىمىزدى الساق (شامامەن 250 ملن تەكشە مەتر گاز) ونى يگەرۋىمىز كەرەك. سوندىقتان كەلەشەكتە مۇمكىندىگىمىزگە قاراي ىرگەلەس جاتقان كۇرشىم، تارباعاتاي، كوكپەكتى، جارما سەكىلدى اۋداندار مەن وسكەمەن قالاسىن دا گازداندىرىپ، بىرقاتار گاز تولتىرۋ ستانتسيالارىن سالساق دەگەن ارمان-ماقساتىمىز بار. ەندىگى جۇمىس وسى باعىتتا جالعاسادى، - دەپ ورتالىق الاڭدا وتكەن مەملەكەتتىك رامىزدەر كومپوزيتسياسىنىڭ اشىلۋ مەن گازدىڭ قوسىلۋىنا وراي ۇيىمداستىرىلعان وت جاعۋ راسىمىندە ءسوز سويلەگەن ايماق باسشىسى بەردىبەك ساپارباەۆ جينالعان كوپشىلىكتى قۋانىشتارىمەن قۇتتىقتادى.

Abai.kz