بۇل تۋرالى وبلىس اكىمدىگىنىڭ ازاتتىق راديوسىنا بەرگەن جازباشا جاۋابىندا ايتىلعان.

قازىر №11 ارالاس مەكتەپتىڭ عيماراتىن بىرلەسە پايدالانىپ وتىرعان "شاڭىراق" ۇجىمى مەن وقۋشىلارى جاڭا مەكتەپتى 15 جىلدان بەرى كۇتىپ ءجۇر.

"جاڭادان سالىناتىن 600 ورىندىق عيماراتقا "شاڭىراق" مەكتەبىن كوشىرۋ جوسپارلانعان", - دەپ جازىلعان اكىمدىك جاۋابىندا.

اقپاراتقا قاراعاندا، بيىل قۇرىلىسى باستالىپ، 2025 جىلى قولدانىسقا بەرىلەتىن مەكتەپتى سالۋعا "قازمىرىش" كاسىپورىنى دەمەۋشىلىك ەتەدى.

ريددەردە 16 مەكتەپ بار. ونىڭ 12-ءسى — ورىس، ۇشەۋى — ارالاس، بىرەۋى قازاق تىلىندە وقىتادى. قازاق مەكتەبىندە 600-گە تارتا بالا ءبىلىم السا، ءدال وسىنشا بالا ارالاس مەكتەپتەرگە بارادى.

Abai.kz