الماتى قالاسىنىڭ اكىمدىگى الماتىدا  24-28 ءساۋىر ارالىعىندا قالاسىندا تولاسسىز جاڭبىر جاۋاتىندىعىن حابارلادى.

جاۋىن-شاشىن كەزىندە موتوپومپا، شانتس قۇرالدارىمەن جابدىقتالعان 52 جەدەل ءموبيلدى بريگادا كەزەكشىلىككە شىعىپ، 2,5 مىڭ قاپ قۇم دايىندالادى.

بارلىعى 465 بىرلىك ارنايى تەحنيكا، 28 موتوپومپا جانە 810 جۇمىسشى، ال تۇنگى ۋاقىتتا 236 بىرلىك ارنايى تەحنيكا جانە 215 جۇمىسشى جۇمىلدىرىلادى.

سۋدىڭ كەدەرگىسىز اعىپ كەتۋىن قامتاماسىز ەتۋ ءۇشىن  320 جۇمىسشى مەن 92 بىرلىك ارنايى تەحنيكا ارىق جەلىلەرىن، ارىق وتكەلدەرىن تازالاۋ بويىنشا جوسپارلى جۇمىس جۇرگىزەدى. كۇن سايىن ارىقتان 250 م3 لاي جانە كەزدەيسوق قوقىس شىعارىلادى.

"قازگيدرومەت" رمك بولجاۋىنشا:

24 ءساۋىر: كوشپەلى بۇلت شىعادى، 3 مم-گە دەيىن وتكىنشى جاۋىن، وڭتۇستىك-باتىستان 3-8 م/س جەل سوعادى، كۇندىز اۋا تەمپەراتۋراسى +23...+25°C.

25 ءساۋىر: كۇن الا بۇلتتى، تاڭەرتەڭ جانە تۇستەن كەيىن 15 مم-گە دەيىن جاڭبىر جاۋىپ، نايزاعاي وينايدى. وڭتۇستىك-باتىس، باتىس 3-8 م/س جەل، نايزاعاي كەزىندە ەكپىنى 15-20 م/س. اۋا تەمپەراتۋراسى تۇندە + 10...+12°، كۇندىز + 18...+20°C.

26 ءساۋىر: كوشپەلى بۇلت، تۇندە جانە تاڭەرتەڭ 8 مم-گە دەيىن جاڭبىر جاۋادى. باتىس، سولتۇستىك-باتىس 3-8 م/س جەل سوعادى، نايزاعاي كەزىندە ەكپىنى 15 م/س. اۋا تەمپەراتۋراسى تۇندە + 10...+12°، كۇندىز + 16...+18°C.

27 ءساۋىر: كۇن الا بۇلتتى، كۇندىزگى ساعات 15-تەن 23-كە دەيىن 3 مم-گە دەيىن جاڭبىر جاۋادى. باتىس، سولتۇستىك-باتىستان 3-8 م/س جەل سوعادى. تەرمومەتر باعاناسى تۇندە +8...+10°، كۇندىز +13...+15°C كورسەتەدى.

28 ءساۋىر: كوشپەلى بۇلت شىعادى. باتىس، سولتۇستىك-باتىستان 3-8

Abai.kz