مەملەكەت باسشىسىنىڭ «Euronews-تەگى» حالىقارالىق جاڭالىقتار جەلىسىندە اعىلشىن تىلىندە جاريالانعان ماقالاسى نە تۋرالى؟

28 مامىردا «Euronews-تە» قازاقستان پرەزيدەنتى قاسىم-جومارت توقاەۆتىڭ اۆتورلىعىمەن «ورتا دەرجاۆالاردىڭ كوپجاقتىلىقتى ساقتاپ قالۋ مۇمكىندىگى بار» تاقىرىبىنداعى ۇلكەن ماتەريالى جارىق كوردى.

ماتەريال تەك ساياساتكەرلەر مەن ساياساتتانۋشىلارعا عانا ەمەس، بۇكىل الەمدە بەيبىتشىلىكتى ورناتۋعا نەمقۇرايلى قارامايتىندارعا دا قىزىقتى بولسا كەرەك...

توقاەۆتىڭ ماقالاسى اعىلشىن تىلىندە جاريالانعانىمەن، قازاق ءتىلدى وقىرماندار اۆتوماتتى اۋدارمانى پايدالانسا ءماتىن جەڭىل جانە قاراپايىم تىلدە جازىلعاندىقتان وڭاي ۇعىنىلادى.

مەملەكەت باسشىسى: «ۋكرايناداعى قاقتىعىس – ديپلوماتيالىق تۇيىقتى تۋعىزىپ وتىر. گازا سەكتورىنداعى قازىرگى جاعداي – ەپيكالىق گۋمانيتارلىق اپاتتى بىلدىرەدى. ال ءۇندى-تىنىق مۇحيتى وڭىرىندەگى شيەلەنىس – سىندارلى ءوزارا ءىس-قيمىل ەسەبىنەن سوعىس شەگىندەگى تەڭگەرىمدى كۇشەيتەدى»، - دەپ جازادى.

بىرىككەن ۇلتتار ۇيىمى سياقتى حالىقارالىق ۇيىمداردىڭ قارىلاس جاقتاردىڭ ورتاق ءتىل تابۋىنا ازىرشە دارمەنسىزدىك تانىتىپ وتىرعانى تىلگە تيەك بولادى.

ايتا كەتەتىن بولساق، توقاەۆ بۇۇ باس حاتشىسىنىڭ ورىنباسارى بولعان شاعىندا بىتىمگەرشىلىك پەن قارۋسىزدانۋ ماسەلەلەرىنە جەتەكشىلىك ەتتى. سول سەبەپتى بۇل تاراپتاعى تاجىريبەسى مول.

قاسىم-جومارت كەمەلۇلى ءوز ويىن ودان ارى بىلاي دەپ جالعاستىرادى:

«بۇۇ قاۋىپسىزدىك كەڭەسىنىڭ تۇراقتى مۇشەلەرى يەلەنەتىن ۆەتو قۇقىعى جاھاندىق داعدارىستارعا قارسى باتىل ءىس-قيمىلدارعا كەدەرگى كەلتىرە وتىرىپ, ۇجىمدىق ءىس-قيمىلدارعا قاراعاندا بىرجاقتىلىققا ۇرىندىراتىن اتالعان ءتاسىل تالاس-تارتىستاردىڭ قايىرا بەلەڭ الۋىنا اكەپ سوعادى», - دەيدى.

پرەزيدەنت: «بءىز سياقتى ەلدەر وسى تۇرعىدا «ءوز وڭىرلەرىندە جانە ودان تىس جەرلەردە ۇلكەن تۇراقتىلىقتى، بەيبىتشىلىك پەن دامۋدى قامتاماسىز ەتۋ ءۇشىن الەۋەتى ءوسىپ كەلە جاتىر. ورتا دەرجاۆالار نەگىزگى ويىنشىلارعا اينالا الادى», - دەپ سانايدى.

توقاەۆتىڭ پىكىرىنشە، استامشىل قاعاناتتاردىڭ مويىنا ساياساتتىڭ قيىندىقتارىنىڭ اۋىرتپالىقتارى جۇكتەلگەن، ال «ءبىزدىڭ يكەمدىلىگىمىز بىزگە كۇردەلى ديپلوماتيالىق جاعدايلاردا باعدارلانۋعا جانە ىمىرالاسۋ مەن تاتۋلاسۋعا جول اشۋعا مۇمكىندىك بەرەدى».

«ءىرى دەرجاۆالار كوپجاقتى ۇدەرىسكە سەنگىسى كەلمەيتىندى. ال ۇساق ەلدەر قاجەتتى ىقپالعا يە بولماعاندىقتان، ورتا دەرجاۆالاردىڭ مىندەتى – قاقتىعىستارعا باسشىلىق جاساۋ بولىپ تابىلادى. قازاقستان سياقتى ەلدەر جاڭا الەۋەتىمەن العا قادام باسىپ، ءوز ءرولىن تەك قاتىسۋشى رەتىندە عانا ەمەس، سونىمەن قاتار جاھاندىق ارەناداعى جاۋاپتى مەنەدجەرلەر رەتىندە بەكىتۋى ءتيىس»، - دەيدى پرەزيدەنت توقاەۆ.

توقاەۆ بارلىق حالىقارالىق سەرىكتەستەردى كوپجاقتىلىقتى نىعايتۋ ءۇشىن قازاقستانعا قوسىلۋعا شاقىردى.

«ءبىزدىڭ ۇجىمدىق ءىس-قيمىلىمىز بۇگىنگى بەيبىت كۇنگە عانا ەمەس، گۇلدەنگەن ءارى ۇيلەسىمدى بولاشاققا دەگەن ادالدىعىمىزدى كورسەتسىن. بۇل وڭاي مىندەت ەمەس، بىراق باتىلدىقتىڭ، كوشباسشىلىقتىڭ جانە ديالوگتى بەرىك ۇستانۋدىڭ ارقاسىندا ءبىز بۇگىنگى پروبلەمالاردى ەرتەڭگى جەتىستىكتەرگە اينالدىرا الامىز. كوپجاقتى جاڭارۋ داۋىرىنە جول سالايىق»، - دەپ تۇيىندەدى قازاقستان پرەزيدەنتى ءوز ماقالاسىن.

Abai.kz