ەلىمىزدە باس بوستاندىعىنان ايىرىلىپ، تۇرمەدە وتىرعان ادامدار دا جوعارى وقۋ ورىندارىندا ءبىلىم الۋى مۇمكىن.

قازىرگى تاڭدا قازاقستاننىڭ ادام قۇقىقتارى جونىندەگى ۋاكىلى عىلىم جانە جوعارى ءبىلىم مينيسترىنەن سوتتالۋشىلارعا وقۋ كۆوتاسىن ءبولۋدى سۇراپ وتىر.

ارتۋر لاستاەۆتىڭ مالىمەتىنشە، جازاسىن وتەۋشىلەردىڭ دەنى 18-35 جاس ارالىعىنداعى جاستار. وعان قوسا، قاماۋداعى 28 500 ادامنىڭ 59 پايىزى ورتا، 24 پايىزى ارناۋلى ورتا ءبىلىمدى، 6 پايىزى مۇلدەم ءبىلىم الماعان. سوندىقتان ولاردى دۇرىس جولعا بەيىمدەۋدىڭ بىردەن ءبىر باعىتى - ماماندىق الۋلارىنا مۇمكىندىك جاساۋ دەيدى.

"جوعارى ءبىلىم الۋ – سوتتالعاندارعا بوستاندىققا شىققاننان كەيىن ءوز مۇمكىندىكتەرىن ىسكە اسىرۋ تيىمدىلىگىن ارتتىرۋعا جول اشاتىن، سول ارقىلى قايتا قىلمىس جاساۋ ىقتيمالدىعىن ازايتىپ، الەۋمەتتەندىرۋگە ارنالعان باعىتتاردىڭ ءبىرى. سونىمەن قاتار مەملەكەتتىڭ مىندەتى – سوتتالعانداردى تۇزەۋ مەكەمەسىنەن تىس ومىرگە دايىنداۋ", – دەدى ادام قۇقىقتارى جونىندەگى ۋاكىل ارتۋر لاستاەۆ.

سۋرەت: dzen.ru

Abai.kz