جۋرناليستەر كۇنىنە وراي «اق جول» پارتياسى الماتىدا بەلگىلى سپورت كوممەنتاتورى امانكەلدى سەيىتحاندى ەسكە تۇسىرۋگە ارنالعان ءداستۇرلى بيليارد ءتۋرنيرىن وتكىزدى.

شاراعا «اق جول» پارتياسى ۇلتتىق كەڭەسىنىڭ حاتشىسى ارمان سقابىلۇلى، قر پارلامەنت ءماجىلىسىنىڭ دەپۋتاتى ەرلان بارلىباەۆ، «اق جول» پارتياسى الماتى قالالىق فيليالىنىڭ توراعاسى ولجا نۋرالدينوۆ پەن الماتى وبلىستىق فيليالىنىڭ توراعاسى ميراش شىناسىلوۆا، جەرگىلىكتى ءماسليحات دەپۋتاتتارى، باق وكىلدەرى، بەلگىلى جۋرناليستەر قاينار ولجاي، قازاقستاننىڭ ەڭبەك سىڭىرگەن قايراتكەرى نامازالى وماشۇلى پەن امانكەلدى سەيىتحاننىڭ جارى نازگۇل ۇركىمباەۆا قاتىستى.

تۋرنيردە اقپارات، مادەنيەت، ادەبيەت سالاسىنىڭ مايتالماندارىنان قۇرالعان ون ءۇش كوماندا باق سىنادى. جالپى سانى 40 شاقتى ويىنشى وتە تارتىستى جارىس كورسەتتى.

جارىسقا امانكەلدى سەيىتحاننىڭ ۇستازى، نۇربول داۋىتباەۆ تورەلىك ەتتى. ويىن بارىسىندا مارقۇمنىڭ ارىپتەستەرى اماگەلدى سەيتحان تۋرالى ەستەلىك ايتتى. ويىن كەزىندە «اق جول» پارتياسى اتىنان جۋرناليستەر كۇنىنە وراي قاتىسۋشىلارعا العىس حات پەن كادەسىي بەرىلىپ، قۇرمەت رەتىندە امانگەلدى سەيتقاننىڭ جۇبايى نازگۇل ۇركىمباەۆاعا دا تارتۋ جاسالدى.

تارتىستى ويىن ناتيجەسىندە «دومبىرا» مەن «اقىندار» كومانداسى جۇلدەلى ءۇشىنشى ورىنعا يە بولدى. ەكىنشى ورىن «اتامۇرا» كومانداسىنا بۇيىردى. ال، باس جۇلدەنى «ناركەسكەن» كومانداسى قانجىعاسىنا بايلاپ، جارىستىڭ جەڭىمپازى اتاندى.

Abai.kz