ۇكىمەت: 1 قىركۇيەكتەن باستاپ ستيپەنديا كوبەيەدى
![](https://abai.kz/content/uploads/2024/07/0107-stipendii-kz-1.png)
1 قىركۇيەكتەن باستاپ ستۋدەنتتەردىڭ ستيپەندياسى كوبەيەدى - ولجاس بەكتەنوۆ ۇكىمەت قاۋلىسىنا قول قويدى.
قر پرەمەر-ءمينيسترى ولجاس بەكتەنوۆ 2024 جىلعى 1 قىركۇيەكتەن باستاپ كوللەدجدەر مەن جوو ستۋدەنتتەرىنە ارنالعان ستيپەنديالاردى ارتتىرۋدى كوزدەيتىن ۇكىمەت قاۋلىسىنا قول قويدى.
كوللەدج ستۋدەنتتەرى ءۇشىن شاكىرتاقى 50%-عا ارتىپ, جۇمىسشى ماماندىقتارى بويىنشا 43 574 تەڭگەنى، ورتا بۋىن ماماندارى ءۇشىن 41 896 تەڭگەنى قۇرايتىن بولادى.
باكالاۆريات ستۋدەنتتەرىنىڭ ستيپەندياسى 20%-عا ارتىپ, 47 135 تەڭگەگە دەيىن، ال پەداگوگيكا جانە مەديتسينا باعىتتارىنداعى ءبىلىم الۋشىلاردىڭ ستيپەندياسى 75 600 تەڭگەگە دەيىن ۇلعايادى.
ينتەرناتۋرادا وقيتىندارعا ستيپەنديا 85 376 تەڭگە, ال رەزيدەنتۋرادا – 123 122 تەڭگە كولەمىندە تولەنەتىن بولادى.
ماگيسترانتتار مەن دوكتورانتتارعا ستيپەنديا 15%-عا ۇلعايتىلادى، ونىڭ مولشەرى تيىسىنشە 107 061 تەڭگەنى جانە 240 000 تەڭگەنى قۇرايدى.
سونداي-اق 2025 جىلعى 1 قىركۇيەكتە شاكىرتاقى باكالاۆريات ستۋدەنتتەرىنە 20%-عا، ماگيسترانتتار مەن دوكتورانتتارعا 15%-عا كوبەيەتىن بولادى.
جالپى، مەملەكەت باسشىسىنىڭ تاپسىرماسى بويىنشا 2020 جىلدان باستاپ ستيپەنديانى كوبەيتۋ بويىنشا جوسپارلى جۇمىس جۇرگىزىلۋدە. سونىڭ ناتيجەسىندە 2025 جىلعا قاراي جوو مەن كوللەدج ستۋدەنتتەرىنىڭ ستيپەندياسى ەكى ەسەگە، ماگيسترانتتار مەن دوكتورانتتار ءۇشىن 1,75 ەسەگە وسەدى.
Abai.kz