قورعانىس مينيسترلىگى مەن تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى بىرلەسىپ، "كەلىسىمشارت بويىنشا اسكەري قىزمەتكە قابىلداۋ سەرۆيسىن" ازىرلەدى. بۇل جوبا جۇزەگە اسقان جاعدايدا، اسكەردە كەلىسىمشارتپەن قىزمەت ەتۋگە نيەت بىلدىرگەندەر ونلاين ءوتىنىش بەرىپ، ونى ءوزىنىڭ "جەكە كابينەتىندە" باقىلاي الادى. قۇجات جوباسى اشىق نقا پورتالىندا جاريالانعان.

بۇل ءۇشىن jauynger.gov.kz سەرۆيسى ىسكە قوسىلادى.

جوبا اۆتورلارىنىڭ تۇسىندىرۋىنشە، قازىر سەرۆيستى مەملەكەتتىك دەرەكقورمەن بىرىكتىرۋ جۇمىستارى ءجۇرىپ جاتىر. سايكەسىنشە، اسكەرگە بارۋ ءۇشىن جيناۋ قاجەت قۇجاتتار سانى قىسقارادى. قاجەتتى مالىمەتتەر مەملەكەتتىك دەرەكقوردان تىكەلەي الىنادى. دەگەنمەن، جوبا اۆتورلارى بۇل پروتسەسس اياقتالعانشا دەيىن كەي قۇجات تۇرلەرىن PDF فورماتتا تاپسىرۋ قاجەتتىلىگىن دە جوققا شىعارمايدى.

ۇمىتكەر ءوز ءوتىنىشى بويىنشا قانداي شەشىم قابىلدانعانىن ۇيالى تەلەفونىنا كەلەتىن sms جاۋاپ ارقىلى بىلە الادى. سونداي-اق، حاتتار مەن حابارلامالار ونىڭ سەرۆيستەگى "جەكە كابينەتىندە" ساقتالادى.

Abai.kz