2024 جىلعى 4 شىلدەدە استانادا شانحاي ىنتىماقتاستىق ۇيىمىنا مۇشە مەملەكەتتەر باسشىلارى كەڭەسىنىڭ 24-ءشى وتىرىسىندا بەلارۋس رەسپۋبليكاسىن شىۇ مۇشەلىگىنە قابىلداۋ ءراسىمى ءوتتى.

قازاقستان پرەزيدەنتى وتىرىستى اشا وتىرىپ، بۇگىن استاناداعى سامميتتە ۇيىمدى ودان ءارى كەڭەيتۋ تۋرالى ماڭىزدى شەشىم قابىلداناتىنىن اتاپ وتكەن بولاتىن.

«وسىعان بايلانىستى بەلارۋس رەسپۋبليكاسىنىڭ پرەزيدەنتىن قۇتتىقتاعىم كەلەدى. ءسىزدىڭ ەلىڭىز قىسقا مەرزىم ىشىندە شىۇ-عا تولىققاندى مۇشە بولۋ جولىندا بارلىق قاجەتتى راسىمدەردى ورىندادى. ەگەر قارسىلىق بولماسا، وتىرىستى شىۇ-عا مۇشە مەملەكەتتەردىڭ قۇرامىنا بەلارۋس رەسپۋبليكاسىن قابىلداۋ تۋرالى قۇجاتتارعا قول قويۋ راسىمىنەن باستاۋدى ۇسىنامىن»، - دەدى پرەزيدەنت قاسىم-جومارت توقاەۆ.

بۇدان ءارى شىۇ-عا مۇشە مەملەكەتتەردىڭ باسشىلارى بەلارۋس رەسپۋبليكاسىن شىۇ-عا قابىلداۋ بويىنشا جانە وعان شىۇ-عا مۇشە مەملەكەت مارتەبەسىن بەرۋ تۋرالى قۇجاتقا قول قويدى.

Abai.kz