جاپونيا استاناسى –توكيودا ەۋرازيا ۇلتتىق ۋنيۆەرسيتەتىنىڭ پروفەسسورىنا ەۇۋ گەوتەحنيكالىق ينستيتۋتىنىڭ ديرەكتورى اسقار جۇسىپبەكوۆكە جاپوندىق گەوتەحنيكالىق جانە قازاقستاندىق گەوتەحنيكالىق قاۋىمداستىقتار اراسىنداعى عىلىمي-تەحنيكالىق ىنتىماقتاستىقتى نىعايتۋداعى ەرەكشە ەڭبەگى ءۇشىن جاپون گەوتەحنيكالىق قاۋىمداستىعىنىڭ سىيلىعى بەرىلدى.

ماراپاتتى جاپونيا گەوتەحنيكالىق قاۋىمداستىعىنىڭ پرەزيدەنتى يۋنيچي كوسەكي تاپسىردى.

پروفەسسور اسقار جۇسىپبەكوۆتىڭ كۇش-جىگەرىنىڭ ارقاسىندا ەۇۋ-دىڭ 20 دوكتورانتى جاپونيانىڭ جوعارى وقۋ ورىندارىندا عىلىمي تاعىلىمدامادان ءوتتى، سونداي-اق 20-دان استام جاپوندىق پروفەسسورلار قازاقستاننىڭ جوعارى وقۋ ورىندارىندا ءدارىس وقىدى. كيوتو ۋنيۆەرسيتەتىمەن جانە گەو-زەرتتەۋ ينستيتۋتىمەن (وساكا ق.) بىرلەسىپ استانا ءۇشىن گەواقپاراتتىق دەرەكتەر بازاسى ازىرلەندى.

سۋرەت: Abai.kz

ەۇۋ عالىمى 20-دان استام جاپون ۋنيۆەرسيتەتتەرى مەن ءىرى جاپون گەوتەحنيكالىق ورتالىقتارىنا ءدارىس وقىدى. ونىڭ عىلىمي جەتەكشىلىگىمەن جاپونيا، تايۆان، تۇركيا، تاجىكستان، يراك، ءۇندىستان، كامبودجا، رەسەي، بەلارۋس جانە الەمنىڭ باسقا ەلدەرىنەن دوكتورانتتاردىڭ دوكتورلىق ديسسەرتاتسيالارى قورعالدى، سونداي-اق جاپونيادا، قازاقستاندا جانە الەمنىڭ باسقا ەلدەرىندە (اۆستراليا، گونكونگ، وڭتۇستىك كورەيا، رەسەي، تايۆان، اقش) وتىزدان استام حالىقارالىق گەوتەحنيكالىق كونفەرەنتسيالار ۇيىمداستىرىلدى، پولشا، جاڭا زەلانديا، وڭتۇستىك افريكا جانە الەمنىڭ باسقا ەلدەرى).

Abai.kz