بيىل بيۋدجەتتەن 60,5 ميلليارد تەڭگە قاراستىرىلىپ، 350 مىڭنان استام ادامعا الەۋمەتتىك كومەك كورسەتىلۋ جوسپارلانىپ وتىر.

1 شىلدەدە 67,1 مىڭ وتباسىنداعى 355,3 مىڭ ادامعا اتاۋلى الەۋمەتتىك كومەك كورسەتىلدى.

اتاۋلى الەۋمەتتىك كومەكتىڭ نەگىزگى ماقساتى – اقشالاي تولەم تۇرىندە قولداۋدى جۇزەگە اسىرۋ جانە وتباسىنىڭ ەڭبەككە قابىلەتتى مۇشەلەرىن جۇمىسپەن قامتۋعا جاردەمدەسۋدىڭ بەلسەندى شارالارىنا تارتۋ ارقىلى وتباسىن قيىن ومىرلىك جاعدايدان شىعارۋ.

اتاۋلى الەۋمەتتىك كومەك مىنالاردى كوزدەيدى:

• تابىسى وڭىرلىك ەڭ تومەن كۇنكورىس دەڭگەيىنىڭ 70%-نان اسپايتىن ازاماتتارعا توقسان سايىن الەۋمەتتىك كومەك تاعايىنداۋ;
• تابىسى از وتباسىلارداعى 1 جاس پەن 6 جاس ارالىعىنداعى ءار بالاعا 1,5 اەك (5 538 تەڭگە) مولشەرىندە اي سايىنعى قوسىمشا تولەم بەرۋ. 2024 جىلعى 1 ماۋسىمدا ااك الۋشىلار قاتارىنان مەكتەپ جاسىنا دەيىنگى 108,2 مىڭ بالاعا 2,5 ميلليارد تەڭگە سوماسىنا قوسىمشا تولەم تاعايىندالدى;
• جۇمىسقا ورنالاستىرۋ، ءوز ءىسىن اشۋعا نيەتتى وتباسىلارعا گرانتتار بەرۋ، بىلىكتىلىكتى ارتتىرۋ كۋرستارىنا جىبەرۋ (قاجەت بولعان جاعدايدا) جانە وزگە دە شارالار ارقىلى جۇمىسپەن قامتۋعا جاردەمدەسۋ.

Abai.kz