الماتىدا الماتى قالاسى اكىمىنىڭ ورىنباسارى اسەم ءنۇسىپوۆانىڭ، ءبىلىم باسقارماسى باسشىسىنىڭ ورىنباسارى بيبىگۇل مالعاجداروۆانىڭ، سونداي-اق قوعامدىق كەڭەس مۇشەلەرىنىڭ قاتىسۋىمەن جازعى كانيكۋل كەزەڭىندە الماتى وقۋشىلارى دەمالاتىن قالا سىرتىنداعى لاگەرلەرگە ءباسپاسوز-تۋرى ءوتتى.

قاتىسۋشىلاردعا Avat kids camp لاگەرىنىڭ جۇمىس باعدارلاماسى تانىستىرىلدى.

قالا سىرتىنداعى Avast kids camp لاگەرى ەڭبەكشىقازاق اۋدانىنداعى اۆات كەنتىندە ورنالاسقان. لاگەردە ەكى كەڭ تۇرعىن ءۇي عيماراتى، اسحانا، ويىن جانە توپتىق ءىس-شارالار الاڭى، اشىق كينوتەاتر، فۋتبول جانە باسكەتبول الاڭدارى، ەكى باسسەين، ات قورشاۋى بار.

لاگەردەگى باعدارلاما اۋقىمدى: ءجۇزۋدى ۇيرەنۋ، بلوگ جۇرگىزۋ، اكتەرلىك شەبەرلىك، ەسترادالىق-ساحنالىق داعدىلاردى دامىتۋ. وقۋشىلار ءۇشىن تەڭدەستىرىلگەن تاماقتانۋ، بەلسەندى دەمالىس، شىعارماشىلىق كونكۋرستار مەن جارىستار ۇيىمداستىرىلدى.

قازىر لاگەردە 240 الماتىلىق وقۋشى دەمالادى، ونىڭ ىشىندە «جانۇيا» مامانداندىرىلعان كەشەنىنەن 80 تاربيەلەنۋشى بالا جانە «مەيىرىم» ومىرلىك قيىن جاعدايداعى بالالاردى قولداۋ ورتالىعىنان 12 بالا.

قازىرگى ۋاقىتتا الماتى قالاسىندا 300 مىڭنان استام بالا وقيتىن 215 مەملەكەتتىك مەكتەپ جۇمىس ىستەيدى. جىل سايىن الماتى قالاسىنىڭ اكىمدىگى كوپبالالى جانە از قامتىلعان وتباسىلارداعى بالالاردىڭ ساۋىقتىرۋ دەمالىسىنا قوسىمشا قاراجات بولەدى.

«جازعى ماۋسىمنىڭ باسىنان باستاپ مەكتەپ جانىنداعى، سپورتتىق جانە كيىز ءۇي لاگەرلەرىندە 43 323 بالا دەمالدى. ساۋىقتىرۋ دەمالىسىمەن 100% جەتىم بالالاردى، ەرەكشە ءبىلىم بەرۋ قاجەتتىلىگى بار جانە اتا-اناسىنىڭ قامقورلىعىنسىز قالعان بالالاردى، سونداي-اق از قامتىلعان مەن كوپبالالى وتباسىدان شىققان بالالاردى قامتۋ جوسپارلانۋدا. وقۋشىلار سارايىنىڭ «ورنەك» لاگەرىندە 3 ماۋسىمدا 900 بالا دەمالا الادى. بۇلار-جانۇيا مامانداندىرىلعان كەشەنىنىڭ تاربيەلەنۋشىلەرى»، حالىقتىڭ الەۋمەتتىك وسال توبىنىڭ بالالارى، سونداي-اق ءتۇرلى بايقاۋلار مەن جارىستاردىڭ جەڭىمپازدارى. قالا سىرتىنداعى دەمالىس لاگەرىندە 3 مىڭعا جۋىق وقۋشى (حالىقتىڭ الەۋمەتتىك وسال توبىنىڭ بالالارى، ەرەكشە ءبىلىم بەرۋ قاجەتتىلىگى بار بالالار، جەتىم بالالار مەن اتا-اناسىنىڭ قامقورلىعىنسىز قالعان بالالار) جەرگىلىكتى بيۋدجەتتەن 540 ملن تەڭگە ءبولىندى. وتكەن جىلمەن سالىستىرعاندا جولداما قۇنى جالپى ءبىلىم بەرەتىن مەكتەپتەردىڭ بالالارى ءۇشىن 10 500 تەڭگەدەن 15 000 تەڭگەگە دەيىن جانە ەرەكشە ءبىلىم بەرۋ قاجەتتىلىكتەرى بار بالالار ءۇشىن 20 000 تەڭگەدەن 30 000 تەڭگەگە دەيىن ۇلعايتىلدى»، - دەدى الماتى قالاسى اكىمىنىڭ ورىنباسارى اسەم ءنۇسىپوۆا.

سۋرەت: الماتى قالاسى اكىمدىگىنىڭ ءباسپاسوز قىزمەتىنەن الىندى

جازدىڭ ءبىرىنشى ايىندا بالالار مەكتەپ جانىنداعى، سپورتتىق جانە كيىز ءۇي لاگەرلەرىندە دەمالدى. باعدارلاماعا ەكسكليۋزيۆتى ەكسكۋرسيالار مەن شىعارماشىلىق شەبەرحانالار كىردى. سونىمەن قاتار، 40 مىڭنان استام بالانى قامتي وتىرىپ، تەگىن تاماقتانۋ ۇيىمداستىرىلدى. جازدى قالادا وتكىزەتىن بالالار مەملەكەتتىك جانە جەكە قوسىمشا ءبىلىم بەرۋ ۇيىمدارىنداعى ۇيىرمەلەر مەن سەكتسيالارعا بەلسەندى قاتىسۋدا. وندا ۇيىرمەلەردىڭ 40-قا جۋىق ءتۇرى بار (وقۋشىلار سارايى، 7 اۋداندىق وقۋشىلار ءۇيى، ونەر مەكتەبى، 8 مۋزىكا مەكتەبى، 2 تسيت-ا).

ايتا كەتۋ كەرەك، لاگەرگە جولداما العان بالالار دەمالىسقا 100% قاتىستى. دەمالىستان باس تارتقان جان بولعان جوق. بالالاردىڭ دەمالىستاعى قاۋىپسىزدىگىنە ەرەكشە ءمان بەرىلدى: قاتاڭ سانيتارلىق باقىلاۋ، اۋماقتى قورعاۋدى جاقسارتۋ مەن بالالاردى ۇنەمى مەديتسينالىق تەكسەرۋدەن وتكىزۋ سياقتى قوسىمشا شارالار قامتىلدى.

سۋرەت: الماتى قالاسى اكىمدىگىنىڭ ءباسپاسوز قىزمەتىنەن الىندى

«قالا ماڭىنداعى لاگەرلەردەگى دەمالىس 20 ماۋسىمنان باستالىپ، كەستە بويىنشا تامىز ايىنىڭ سوڭىنا دەيىن جالعاسادى. جىل سايىن «جانۇيا» مامانداندىرىلعان كەشەنى مەن «مەيىرىم» ومىرلىك قيىن جاعدايداعى بالالاردى قولداۋ ورتالىعىنىڭ تاربيەلەنۋشىلەرى جازدى قالا سىرتىنداعى لاگەرلەردە وتكىزەدى جانە كۇش جيناپ، جاڭا وقۋ جىلىنا كىرىسەدى. سونداي-اق، بيىل بالالار جازعى ماۋسىمنىڭ باستالۋىن اسىعا كۇتتى»، - دەدى الماتى قالاسى ءبىلىم باسقارماسى باسشىسىنىڭ ورىنباسارى بيبىگۇل مالعاجداروۆا.

20 ماۋسىمدا قوناەۆ قالاسىنداعى «بالداۋرەن» لاگەرىنە بالالاردىڭ العاشقى لەگى كەلدى. قاپشاعاي سۋ قويماسىنىڭ سولتۇستىك جاعالاۋىندا «جانۇيا» مامانداندىرىلعان كەشەنىنىڭ ەرەكشە ءبىلىم بەرۋ قاجەتتىلىگى بار بالالارى مەن بوستاندىق اۋدانى مەكتەپتەرىنىڭ بالالارى دەمالدى. سونداي-اق، الماتىلىق وقۋشىلار قوناەۆ قالاسىنداعى Jelly fish Camp لاگەرىندە دەمالادى. بۇعان قوسا، الماتىلىق وقۋشىلار قوناەۆ قالاسىنداعى JellyfishCamp لاگەرىندە جانە قاسكەلەڭ قالاسىنداعى «ارمان دالا» لاگەرىندە دەمالادى.

قالعان بالالاردىڭ كەلۋى كەستە بويىنشا تامىز ايىنىڭ سوڭىنا دەيىن جۇزەگە اسىرىلادى.

ەستەرىڭىزگە سالا كەتەيىك، بيىل الماتىدا 266 مىڭ بالا جازعى دەمالىس كەزىندە دەمالىسپەن جانە جۇمىسپەن قامتىلعان. ونىڭ ىشىندە 3000-عا جۋىق بالا قالا سىرتىنداعى جازعى ساۋىقتىرۋ لاگەرلەرىندە دەمالادى.

Abai.kz