ەندى الماتىدا اۆتوبۋسپەن قاتىناۋ اقىسى 120 تەڭگەگە قىمباتتادى. بۇل تۋرالى Abai.kz حابارلايدى.

الماتى ءماسليحاتى قوعامدىق كولىكتە جول ءجۇرۋدىڭ جاڭا ءتاريفىن ماقۇلدادى.

ەستەرىڭىزدە بولسا بىلتىر عانا تامىز ايىندا جول اقىسى 80 تەڭگەدەن 100 تەڭگەگە كوتەرىلگەن بولاتىن.

قازىرگى تاڭدا كۇنىگە الماتىدا شامامەن 2,3 مىڭ اۆتوبۋس پەن 184 تروللەيبۋس جۇرەدى. قوعامدىق كولىكپەن قاتىنايتىن جولاۋشىلار سانى كۇنىنە 1,5 ميلليون ادامنان استى.

سوعان قاراماستان جول اقىسىن تولەۋدەن تۇسەتىن كۇندەلىكتى ءتۇسىم اۆتوبۋستاردى جوندەۋ، قوسالقى بولشەكتەر مەن شىعىن ماتەريالدارىن ساتىپ الۋ سياقتى تاسىمالداۋشىلاردىڭ بارلىق شىعىنىن وتەمەيدى.

سۋرەت: bes.media

Abai.kz