ورال قالاسىنىڭ اكىمى ميرجان ساتقانوۆ دەنساۋلىعىنا بايلانىستى قىزمەتتەن كەتتى. بۇل تۋرالى ول ءوزىنىڭ جەكە پاراقشاسىندا جاريالادى.

"ۋرالسكايا نەدەليا" باسىلىمى ساتقانوۆتىڭ جىل باسىنان بەرى ينسۋلت العانىن جازىپ كەلدى. ءساۋىردىڭ اياعىنان بەرى ونىڭ مىندەتىن 31 جاستاعى ورىنباسارى ازامات حالەلوۆ اتقارعان.

"دەنساۋلىعىم سىر بەرىپ، قىزمەتتەن بۇدان بۇرىن كەتۋدى ويلاپ جۇرگەنمىن. الايدا كوكتەمدە قالامىزدا سۋ تاسقىنى بولىپ، مۇنداي قيىن كەزەڭدە جۇمىستان شىعا المادىم. وسىلايشا ءوز مىندەتتەرىمدى ارىپتەستەرىممەن بىرگە جالعاستىرا بەردىم" دەپ جازدى ول جەلىدە.

47 جاستاعى ميرجان ساتقانوۆ ورال اكىمدىگىن 2022 جىلعى ساۋىردەن باستاپ باسقاردى.

سۋرەت: gov.kz

Abai.kz