بىزدە جۇرت نازارىنا كوپ تۇسە بەرمەيتىن، ءوز الدىنا جاتتىعىپ، ءىرى جارىس بولسا توپ جارىپ، قايتا جاتتىعۋىنا كىرىسەتىن توماعا تۇيىق قۇراما بار.

ول – نىسانا كوزدەۋ مەن ستەند اتۋ. ازيا ويىندارىندا قازاقستان دەلەگاتسياسىن تولىق كۇيرەۋدەن قۇتقارىپ قالعان مەرگەندەر ەدى – 3 التىن، 2 كۇمىس، 5 قولا.

ستەند اتۋدان (قىزىل تارەلكە ۇشىپ شىعىپ، سونى اتاتىندار) ازيا ويىندارىنىڭ چەمپيونى بولعان اسەم ورىنباي (2022 جىلعى ءاچ قولا جۇلدەگەرى) مەن ەدۋارد ەششەنكو جانە ماريا دميتريەنكودان ءۇمىت كۇتۋگە بولادى.

بۇعان قوسا، نىسانا كوزدەۋ مەن ستەند اتۋدان قازاقستان العاش رەت وليمپيادا 9 سپورتشى اپارا جاتىر. قۇراما ءۇشىن رەكورد. مۇنىڭ ءبارى تىپ-تىنىش شۋلاتپاي جۇمىس ىستەپ جۇرگەن باپكەرلەردىڭ ارقاسى. اسىرەسە، نىسانا كوزدەۋدەن قۇراماعا تاجىريبەلى ولگا دوۆگۋن كەلگەلى مەدال تۇسە باستادى. دەمەك، پاريجدە بوكستان عانا ەمەس وسى سپورتتان دا جۇلدە كۇتۋگە بولادى.

رۋسلان مەدەلبەكتىڭ جازباسى

Abai.kz