حارريس قاتتى ايتتى: گازاداعى قىرعىندى دوعارۋ كەرەك!
![](https://abai.kz/content/uploads/2024/07/kerker-2.jpg)
Axios: نەتانياگۋ مەن ونىڭ شاشباۋىن كوتەرۋشىلەر ءحارريستىڭ كامەراعا بەرگەن مالىمدەمەسىنە جانە سويلەۋ مانەرىنە ايران اسىر بولدى.
يزرايل پرەمەر-ءمينيسترى نەتانياگۋ مەن ونىڭ جاندايشاپتارىنىڭ باعالاۋىنشا، اقش ۆيتسە-پرەزيدەنتى ءحارريستىڭ كەزدەسۋىنىڭ قورىتىندىسى بويىنشا مالىمدەمەسى ونىمەن بولعان كەلىسسوزدەر بارىسىندا ايتقانىندارىنان الدەقايدا ءوتىمدى دە قاتقىلداۋ شىققان. بۇل تۋرالى Axios ءوزىنىڭ دەرەككوزدەرىنە سىلتەمە جاساي وتىرىپ حابارلادى.
اتالىپ وتكەندەي، نەتانياگۋ ءحارريستىڭ حاماس-پەن سوعىستى ءۇزدىلدى-كەسىلدى توقتاتۋ جايىنداعى جاسالاتىن كەلىسىم تۋرالى ايتقاندارى ەۆرەي مەملەكەتىنىڭ ۇستانىمىنا قايشى كەلەدى دەپ كۇيزەلدى.
يزرايل پرەمەر-ءمينيسترى ۆيتسە-پرەزيدەنت تاراپىنان مۇنداي تۇسىنىكتەمەلەردىڭ بەرىلۋى وڭىردەگى جاعدايدى ۋشىقتىرىپ، مامىلە جاساسۋدى قيىنداتۋى مۇمكىن دەپ ەسەپتەيدى.
يزرايل پرەمەرىنىڭ اقش-قا ساپارى كەزىندە بايدەن مەن حارريس اق ۇيدە يزرايل پرەمەرى نەتانياگۋمەن كەلىسسوزدەر جۇرگىزدى.
بايدەنمەن كەزدەسۋ امەريكا كوشباسشىسىنىڭ 2023 جىلعى 7 قازاندا حاماس جاۋىنگەرلەرى باسىپ كىرگەننەن كەيىن بىرنەشە كۇننەن سوڭ يزرايلگە بارعانىنان كەيىنگى العاشقى كەزدەسۋ بولدى. وسى كەزدەسۋدەن كەيىن نەتانياگۋ مەن حارريس كەلىسسوزدەر جۇرگىزدى. ەكى كەزدەسۋدە دە تەز ارادا وق اتۋدى توقتاتۋ تۋرالى كەلىسىمگە كەلۋ توڭىرىندە ءوربىدى.
كەيىنىرەك وسى كەزدەسۋلەرگە ارنالعان ءباسپاسوز ءماسليحاتىندا اقش ۇلتتىق قاۋىپسىزدىك كەڭەسىنىڭ وكىلى كيربي ۆاشينگتون بۇرىنعىسىنشا «حاماس جەڭىلۋگە ءتيىس جانە ونىڭ يزرايلگە تونگەن قاۋىپ-قاتەرى جويىلۋعا ءتيىس» دەپ سانايتىنىن اتاپ ءوتتى.
سونىمەن قاتار، ول گازا سەكتورىنداعى سوعىس اياقتالۋى ءتيىس ەكەنىن اتاپ ءوتتى جانە پرەزيدەنت بايدەن نەتانياگۋمەن بۇعان قالاي قول جەتكىزەتىندىگى تالقىلادى (Associated Press)
Abai.kz