بۇگىن "الماتى جاستارى" باعدارلاماسىنا وتىنىشتەردى قابىلداۋ باستالدى. قۇجاتتاردى قابىلداۋ 7 تامىزعا دەيىن جالعاسادى. وتباسى بانكىنىڭ ءباسپاسوز قىزمەتى ەتسق قاجەت ەكەنىن، سونىمەن قاتار www.almaty-zhastary2024.kz جاڭا سايتىندا ونلاين ءوتىنىش بەرە الاتىندىعىن حابارلادى.  

الماتى اكىمدىگى مەن وتباسى بانكىنىڭ بىرلەسكەن جوباسىنا 18 جاستان باستاپ 34 جاسقا دەيىنگى الماتىلىقتار قاتىسا الادى.

وتىنىشتەر الماتى قالاسىنداعى مەملەكەتتىك رەسپۋبليكالىق جانە قالالىق ۇيىمداردا جۇمىس ىستەيتىن ازاماتتاردىڭ كەلەسى ساناتتارىنان قابىلدانادى:

• دارىگەرلەر مەن مەدبيكەلەر;
• مۇعالىمدەر مەن تاربيەشىلەر;
• ارتىستەر، جازۋشىلار، سۋرەتشىلەر، كومپوزيتورلار، مادەنيەت سالاسىنىڭ قىزمەتكەرلەرى;
• جاتتىقتىرۋشىلار مەن سپورتشىلار;
• ۋنيۆەرسيتەتتەر مەن عىلىمي-زەرتتەۋ ينستيتۋتتارىنىڭ وقىتۋشىلارى مەن عىلىمي قىزمەتكەرلەرى;
• جۋرناليستەر مەن باق قىزمەتكەرلەرى (مەملەكەتتىك جانە كوممەرتسيالىق);
• الەۋمەتتىك سالا قىزمەتكەرلەرى;
• قۇقىق قورعاۋ ورگاندارىنىڭ قىزمەتكەرلەرى (قر ءىىم، تجد، قالالىق پروكۋراتۋرا، سىبايلاس جەمقورلىققا قارسى قىزمەت، ەكونوميكالىق تەرگەۋ دەپارتامەنتى)
• قالالىق كوممۋنالدىق قىزمەت ماماندارى;
• "جۇمىس ىستەيتىن جاستار" باعدارلاماسىنىڭ جالعا الۋشىلارى (2019 جىلعى جەلتوقسان).

"الماتى جاستارى" باعدارلاماسى 2017 جىلى باستالعان بولاتىن. قازىرگى تاڭدا قالانىڭ جاس تۇرعىندارى اراسىندا وتە تانىمال. وسى ۋاقىت ارالىعىندا 4 570 جاس قونىس تويىن تويلادى. ستاتيستيكاعا ساي، ءبىلىم بەرۋ جانە دەنساۋلىق ساقتاۋ سالالارىنىڭ ماماندارى اتالمىش باعدارلاما بويىنشا ەڭ كوپ نەسيە العان. قارىز الۋشىلاردىڭ ورتاشا جاسى - 29 جاس. بيىل باعدارلامانى جۇزەگە اسىرۋعا 25 ملرد تەڭگە ءبولىندى، ونىڭ 22 ملرد تەڭگەسى قالالىق بيۋدجەتتەن، 3 ملرد تەڭگەسى وتباسى بانكىنەن. بۇل قاراجات 1200 الماتىلىق تۇرعىننىڭ باسپانا ماسەلەسىن شەشۋگە مۇمكىندىك بەرەدى", – دەپ ءتۇسىندىردى "وتباسى بانك" اق الماتى قالالىق فيليالىنىڭ ديرەكتورى داناگۇل ءتۇسىپوۆا.

Abai.kz