كولىك ءمينيسترى مارات قاراباەۆ تەحنيكالىق بايقاۋدىڭ الدىن الا ناتيجەسىن جاريالاپ، 1 ميلليون 800 مىڭ كولىك قۇرالدارى تەحنيكالىق بايقاۋدان وتكەنىن حابارلادى. ناتيجەسىندە 23 مىڭنان استام كولىك تەحنيكالىق جارامسىز بولىپ تانىلعان.

"بۇل رەتتە پارلامەنت سەناتىنىڭ قاراۋىنداعى زاڭ جوباسى شەڭبەرىندە جالعان تەحنيكالىق بايقاۋ جۇمىستارىن جۇرگىزۋدى بولدىرماۋ ءۇشىن تەحنيكالىق بايقاۋ وپەراتورلارىنىڭ رۇقسات قاعازدارىنان ايىرۋ جانە ايىپپۇل مولشەرىن 10 ايلىق ەسەپتىك كورسەتكىشتەن 100-گە دەيىن ۇلعايتۋ قاراستىرىلعان", – دەدى مينيستر ۇكىمەتتىڭ بۇگىنگى وتىرىسىندا.

ونىڭ ايتۋىنشا، وسى شارالار تەحنيكالىق بايقاۋدان ءوتۋ كەزىندەگى زاڭ بۇزۋشىلىقتاردى بولدىرماۋعا مۇمكىندىك بەرەدى. رەسمي مالىمەت بويىنشا، قازاقستاندا جالپى 950 تەحنيكالىق بايقاۋ وپەراتورلارى جۇمىس ىستەيدى.

Abai.kz