تاۋەلسىزدىگىن جاريا ەتكەنىنە 22 جىلدان اسقان مەملەكەتىمىزدە مەملەكەتتىك ءتىل – قازاق ءتىلىنىڭ ماسەلەسى شەشىمىن تابۋى بىلاي تۇرسىن، قاي سالادا بولسىن قىسىمعا ۇشىراپ، كەلەمەج بەن كۇلكىنىڭ، مازاق پەن مىسقىلدىڭ وزگەنى اينالىپ ءبىتتى. مىنە، جاقىن كۇندەردەن بەرى ەلورداداعى ءسانى مەن سالتاناتى كەلىسكەن «استانا-وپەرا» تەاترىندا دا سول باياعى باسىنان سورى ارىلماعان قازاق ءتىلىنىڭ تاعدىرى ءسوز بولىپ جاتىر. بۇل جولى مەملەكەتىمىزدىڭ ەڭ باستى قۇندىلىعى – ءتىل جايىنا ءبىر ەمەس، بىرنەشە  ەلدىڭ تىلىندەگى كلاسسيكالىق شىعارمالاردى ەركىن ورىندايتىن وپەرا تەاترىنىڭ ارتىستەرى امالسىز كىرىسكەن سياقتى. تومەندەگى حاتتى وقىڭىزدار. حاتقا جيىنى 33 قىزمەتكەر قول قويعان.

«استانا-وپەرا» متوب اق

ديرەكتورى

ت.م.مۇحامەدجانوۆقا

قىزمەتتىك حات

قۇرمەتتى تولەگەن مۇحامەدجانۇلى!

       حور تسەحىنىڭ ۇجىمى تەاتردا بولعان وقيعانىڭ ءمان-جايىن انىقتاۋىڭىزدى سۇرايدى. 2014 جىلعى 14 قاڭتاردا شامامەن ساعات 15.30-دا حور ءارتىسى ەربول ناريمانۇلى جانە حور جەتەكشىسى كوروبەينيكوۆا ەلەنا گەننادەۆنا اراسىندا تومەندەگى جاعداي ورىن الدى.

تاۋەلسىزدىگىن جاريا ەتكەنىنە 22 جىلدان اسقان مەملەكەتىمىزدە مەملەكەتتىك ءتىل – قازاق ءتىلىنىڭ ماسەلەسى شەشىمىن تابۋى بىلاي تۇرسىن، قاي سالادا بولسىن قىسىمعا ۇشىراپ، كەلەمەج بەن كۇلكىنىڭ، مازاق پەن مىسقىلدىڭ وزگەنى اينالىپ ءبىتتى. مىنە، جاقىن كۇندەردەن بەرى ەلورداداعى ءسانى مەن سالتاناتى كەلىسكەن «استانا-وپەرا» تەاترىندا دا سول باياعى باسىنان سورى ارىلماعان قازاق ءتىلىنىڭ تاعدىرى ءسوز بولىپ جاتىر. بۇل جولى مەملەكەتىمىزدىڭ ەڭ باستى قۇندىلىعى – ءتىل جايىنا ءبىر ەمەس، بىرنەشە  ەلدىڭ تىلىندەگى كلاسسيكالىق شىعارمالاردى ەركىن ورىندايتىن وپەرا تەاترىنىڭ ارتىستەرى امالسىز كىرىسكەن سياقتى. تومەندەگى حاتتى وقىڭىزدار. حاتقا جيىنى 33 قىزمەتكەر قول قويعان.

«استانا-وپەرا» متوب اق

ديرەكتورى

ت.م.مۇحامەدجانوۆقا

قىزمەتتىك حات

قۇرمەتتى تولەگەن مۇحامەدجانۇلى!

       حور تسەحىنىڭ ۇجىمى تەاتردا بولعان وقيعانىڭ ءمان-جايىن انىقتاۋىڭىزدى سۇرايدى. 2014 جىلعى 14 قاڭتاردا شامامەن ساعات 15.30-دا حور ءارتىسى ەربول ناريمانۇلى جانە حور جەتەكشىسى كوروبەينيكوۆا ەلەنا گەننادەۆنا اراسىندا تومەندەگى جاعداي ورىن الدى.

       حوردىڭ نەگىزگى قۇرامى كوزىنشە كوروبەينيكوۆا ە. گ. ە.ناريمانۇلىن ماتەريالدى ايتۋىن ءوتىندى، ەربول بايىپپەن، داۋىسىن كوتەرمەي دايىن ەمەسپىن دەپ جاۋاپ بەردى.   الايدا ەربول قازاق تىلىندە جاۋاپ بەردى، ويتكەنى ول ورىس ءتىلىن تۇسىنگەنمەن، ورىسشا سويلەي المايدى.  ارتىستەردىڭ ءبىرى ەربولدىڭ جاۋابىن اۋدارىپ بەردى: «مەن دايىن ەمەسپىن...». ەلەنا گەننادەۆنا ەكىنشى رەت ماتەريالدى ايتۋىن سۇرادى. ەربول ءوز جاۋابىن قايتالاپ ايتىپ ەدى،  حور جەتەكشىسى:  «نا رۋسسكوم گوۆوري!» دەپ داۋىسىن كوتەرىپ سويلەدى.

ەربول بولسا: «مەن سويلەي المايمىن...» - دەپ ايتتى،  ەلەنا گەننادەۆنا مىسقىلداپ ەربول ناريمانۇلىن جۇمىس پروتسەسىنەن الىپ تاستادى. ەربولدىڭ سوڭىنان: «مەنىمەن ورىسشا سويلەسۋدەن باس تارتقانىڭ ءۇشىن سەنىڭ ۇستىنەن ارىز جازامىن» - دەدى. ونىڭ بۇل ءىس-ارەكەتى بارلىق ۇجىمنىڭ جۇمىس ىستەۋگە دەگەن نيەتىن بۇزدى. حور ءارتىسى  جايماعامبەتوۆ ايان بايانبايۇلى حور جەتەكشىسىنەن: ء«سىز ەربولدى قازاق تىلىندە سويلەگەنى ءۇشىن قۋىپ جىبەردىڭىز بە؟» دەپ انىقتاپ سۇرادى. ونىڭ جاۋابى مىناداي بولدى: «تەاتردىڭ ارقاسىندا سەندەر پاتەر الدىڭدار. جاقىن ارادا گاسترولدەرگە شىعاسىڭدار، يتالياعا بارعان كەزدە قاي تىلدە سويلەسەسىڭدەر؟» («بلاگوداريا تەاترۋ ۆى پولۋچيلي كۆارتيرى، سەيچاس ناچنۋتسيا گاسترولي، پوەدەتە ۆى ۆ يتاليۋ، نا كاكوم يازىكە ۆى بۋدەتە رازگوۆاريۆات؟»). وسى سوزدەرمەن ول ارىپتەستەرىنىڭ پاتەر العاندارىن بەتكە ايتىپ، نامىستارىنا ءتيدى.  

      باسشىلىق وكىلدەرى، اتاپ ايتساق، باس حور جەتەكشىسى ە.ب.ءداۋىتوۆ جانە ترۋپپا مەڭگەرۋشىسى ب.ك.قوجامباەۆ وقيعا تۋرالى حاباردار بولدى، بىراق ولاردىڭ تاراپىنان ەشبىر شارا قولدانبادى (جينالىس وتكىزىلمەدى، ارتىستەردىڭ پىكىرلەرى تىڭدالمادى).

      جوعارىدا باياندالعان جايتتى نەگىزگە الىپ، حور ارتىستەرى ءوزىڭىزدىڭ، حوردىڭ بارلىق ارتىستەرى جانە ولاردىڭ جەتەكشىلەرى، سونداي-اق ە.گ.كوروبەينيكوۆانىڭ، تەاتر زاڭگەرى مەن باسقا دا مۇددەلى تۇلعالاردىڭ قاتىسۋىمەن اشىق جينالىس وتكىزىپ، ورىن العان وقيعانىڭ ءمان-جايىن انىقتاۋىڭىزدى سۇرايدى.

      ە.گ. كوروبەينيكوۆانىڭ تاراپىنان حور ارتىستەرىنە، ناقتىراق ايتساق، قازاق تىلىندە سويلەيتىن ارىپتەستەرىنە شالكەس قارىم قاتىناس جاساۋى العاشقى رەت ەمەس. سوندىقتان، ءبىز ۇجىم رەتىندە ە.گ.كوروبەينيكوۆامەن بىرلەسىپ جۇمىس ىستەۋدەن باس تارتانىمىزدى جاريالايمىز.

      سىزدەن شۇعىل جينالىس جاساپ، باسقا حور جەتەكشىسىن تاعايىنداۋدى سۇرايمىز.

      وسى قىزمەتتىك حات قاراستىرىلماسا جانە ورىندالماعان جاعدايدا، ۇجىم ە.گ.كوروبەينيكوۆانىڭ جۇمىستاعى  ارىپتەستەرىنە جاساعان جاعىمسىز ءىس-ارەكەتتەرىن  مازمۇنداپ، جوعارىدا تۇرعان ورگاندارعا حات جازاتىنىن ەسكەرتەدى.

Abai.kz