پاۆلودار وبلىسىنا قانات بوزىمباەۆ اكىم بولىپ بارعالى وڭىردە مەملەكەتتىك ۇستانىمداعى ازاماتتار مەن ساياسي كوزقاراساتارى ەسكى، پيعىلى تەرىس ۇيىمدار اراسىندا تەكە-تىرەس باستالعان سياقتى. ويتكەنى جاڭا اكىم قانات بوزىمباەۆ بۇرىنعى اكىم ەرلان ارىننىڭ ەل ءىشىن ۇيىستىرىپ وتىرعان يگىلىكتى ىستەرىن شۇعىل توقتاتىپ، ونىمەن دە قويماي ەرلان مۇحتارۇلى باستاماشى بولعان جۇمىستارعا «بايسكيە زاماشكي» دەگەن ات بەرىپ، ايدار تاعىپ جاتقان كورىنەدى. «بايسكيە زاماشكي» دەگەندى جەرگىلىكتى ءورىستىلدى گازەتتەردىڭ ۆەب-سايتىندا الدەبىر قۋشىكەش پايدالانعان ەكەن. سونى كوزى شالىپ قالعان بوزىمباەۆ وبلىستى «بايدىڭ جاعىمسىز ادەتتەرىنەن» ارىلۋعا شاقىرىپ، ەرلان ارىن قاراجاتىن تاۋىپ، ءمۇسىنشىسىن سايلاپ دايىن قىلعان جۇسىپبەك ايماۋىتوۆ ەسكەرتكىشىن تۇرعىزۋدى كەرى شەگەرىپ، ەسەسىنە الاش قايراتكەرىنەن ۇنەمدەگەن 60 ملن. تەڭگەنى الداعى ۋاقىتتا پاتشا زامانىنداعى «روسسيا» قوناق ءۇيىن قالپىنا كەلتىرۋ جۇمىستارىنا، سوۆەتتىك سۇراپىل سوعىس قارۋى ت 34 تانكىن قالانىڭ قاق ورتاسىنا قايتا اپارىپ قويدىرۋعا شەشىم شىعارىپتى.

پاۆلودار وبلىسىنا قانات بوزىمباەۆ اكىم بولىپ بارعالى وڭىردە مەملەكەتتىك ۇستانىمداعى ازاماتتار مەن ساياسي كوزقاراساتارى ەسكى، پيعىلى تەرىس ۇيىمدار اراسىندا تەكە-تىرەس باستالعان سياقتى. ويتكەنى جاڭا اكىم قانات بوزىمباەۆ بۇرىنعى اكىم ەرلان ارىننىڭ ەل ءىشىن ۇيىستىرىپ وتىرعان يگىلىكتى ىستەرىن شۇعىل توقتاتىپ، ونىمەن دە قويماي ەرلان مۇحتارۇلى باستاماشى بولعان جۇمىستارعا «بايسكيە زاماشكي» دەگەن ات بەرىپ، ايدار تاعىپ جاتقان كورىنەدى. «بايسكيە زاماشكي» دەگەندى جەرگىلىكتى ءورىستىلدى گازەتتەردىڭ ۆەب-سايتىندا الدەبىر قۋشىكەش پايدالانعان ەكەن. سونى كوزى شالىپ قالعان بوزىمباەۆ وبلىستى «بايدىڭ جاعىمسىز ادەتتەرىنەن» ارىلۋعا شاقىرىپ، ەرلان ارىن قاراجاتىن تاۋىپ، ءمۇسىنشىسىن سايلاپ دايىن قىلعان جۇسىپبەك ايماۋىتوۆ ەسكەرتكىشىن تۇرعىزۋدى كەرى شەگەرىپ، ەسەسىنە الاش قايراتكەرىنەن ۇنەمدەگەن 60 ملن. تەڭگەنى الداعى ۋاقىتتا پاتشا زامانىنداعى «روسسيا» قوناق ءۇيىن قالپىنا كەلتىرۋ جۇمىستارىنا، سوۆەتتىك سۇراپىل سوعىس قارۋى ت 34 تانكىن قالانىڭ قاق ورتاسىنا قايتا اپارىپ قويدىرۋعا شەشىم شىعارىپتى.

«روسسيا» قوناق ءۇيى الەمنىڭ جەتى كەرەمەتىندەي ساۋلەت ونەرىنىڭ ءبىر بيىك ۇلگىسى بولسا ءجون ەكەن عوي، توبەسى ومىرىلىپ، قابىرعاسى جالبىراپ، جىگى كەتىپ ارەڭ تۇر. ونى قايتا جوندەۋدەن وتكىزگەنشە، ول ورىنعا جاڭا عيمارات سالعان دۇرىس. مىسالى، ەرلان مۇحتارۇلى اتالعان قوناق ءۇيدى ىسىرىپ تاستاپ، قالامگەرلەر مەن سۋرەتشىلەرگە، سازگەرلەرگە ارناپ شىعارماشىلىق ءۇيىن تۇرعىزۋدى جوسپارلاپ جۇرگەن-ءدى» دەيدى كەرەكۋلىكتەر.

تومەندە كەرەكۋلىك زيالى قاۋىم وكىلدەرى قولقويىپ پورتالىمىزدىڭ پىكىر الاڭىنا جىبەرگەن نارازىلىق حاتىن جاريا ەتىپ وتىرمىز. حاتتا سولتۇستىكتەگى كورشىمىزبەن شەكارالاس ايماقتىڭ ىشكى احۋالىن بوزىمباەۆتىڭ بۇرا تارتىپ بارا جاتقانى انىق اڭعارىلادى.

***

وسىلايشا، 1937 جىلى ماسكەۋدە «حالىق جاۋى» رەتىندە اتىلعان، سۇيەگى قاي جەردە كومىلگەنى بەلگىسىز الاش قايراتكەرىنىڭ تاس تۇلعاسىن تۇرعىزۋ ءىسى قولعا الىنباي جاتىپ تاس-تالقان ەتىلدى!
كەرەكۋدە ۇل ارازدىعىن قوزدىرۋعا نەگە تيىم سالىنبايدى؟!

پاۆلودار وبلىسىنىڭ اكىمى قىزمەتىنە قانات بوزىمباەۆ تاعايىندالعان كۇننەن باستاپ «گورودسكايا نەدەليا»، «وبوزرەنيە»، «ۆەرسيا» ءتارىزدى جەرگىلىكتى ءورىستىلدى تاۋەلسىز باسىلىمدارداردىڭ بەلسەندىلىگى كۇرت ارتىپ، بۇرىنعى باسشىنىڭ جۇمىسىن قارالايتىن ءبىر جاقتى سىني ماتەريالداردى جارىسا جاريالاۋدا.

سونداي ماقالاسىماقتاردى وقىساق، پاۆلودار ايماعى ەكونوميكالىق كورسەتكىشتەرى بويىنشا رەسپۋبليكادا ەڭ سوڭعى ورىندا قالعان، الەۋمەتتىك-ەكونوميكالىق جاعدايى اپاتقا ۇشىراعالى تۇر ەكەن.

ال الگىندەي ماقالالاردىڭ ينتەرنەتتەگى نۇسقالارىن قولداپ پىكىر جازۋشىلاردىڭ قاراسى ءتىپتى كوپ. ارينە، كىمدەر جازاتىنى بەلگىلى... مۇنداي اسىرەبەلسەندىلىك وتكەن عاسىردىڭ جاپپاي جازالاۋ جىلدارىنداعى ءباسپاسوز بەتتەرىندە عانا كورىنىس تاپقان شىعار دەپ ويلايمىز.

وكىنىشكە قاراي، الگىندەي ۇردا-جىق جاريالانىمدار مەن جازبالار وبلىستىڭ جاڭا باسشىسىنا ىقپال ەتە باستاعان سياقتى. ماسەلەن، ءورىستىلدى باسىلىمدار كەزىندە بۇرىنعى اكىم ەرلان ارىننىڭ ورىس پەن قازاق حالىقتارى دوستىعىنىڭ سيمۆولى ءتارىزدى بولعان گريگوري پوتانين مەن شوقان ۋاليحانوۆقا، اشارشىلىق جانە ساياسي قۋعىن-سۇرگىن قۇرباندارىنا، تۇڭعىش ۇستازعا (سيمۆوليكالىق ەسكەرتكىش), قازاقتىڭ اسا كورنەكتى اقىنى قاليجان بەكحوجينگە، ت.ب. ەسكەرتكىشتەر تۇرعىزۋىن جامانشىلىققا جورىپ شۋلاسقان بولاتىن.

وسى اسەر ەتتى مە، وبلىستىڭ جاڭا باسشىسى جۇسىپبەك ايماۋىتوۆتىڭ ءمۇسىنى ءۇشىن بولىنگەن قارجىنى قىسقارتىپ تاستادى. وسىلايشا، 1937 جىلى ماسكەۋدە «حالىق جاۋى» رەتىندە اتىلعان، سۇيەگى قاي جەردە كومىلگەنى بەلگىسىز الاش قايراتكەرىنىڭ تاس تۇلعاسىن تۇرعىزۋ ءىسى قولعا الىنباي جاتىپ تاس-تالقان ەتىلدى! ءبىز – داڭقتى جەرلەسىمىزدىڭ تۋعانىنا 125 جىل تولۋى قارساڭىندا وتانشىل، مەملەكەتشىل، ۇلتجاندى ۇرپاق تاربيەلەۋگە ءتيىستى اعا بۋىن وكىلدەرى وسىنداي ونەگەسىز قىلىق كورسەتتىك.

تاعى ءبىر مىسال كەلتىرەيىك. لەنين كوشەسىندەگى ارداگەرلەر ساياباعىندا تۇعىردا تۇرعان سوۆەتتىك «ت-34» تانكى وتكەن جىلدىڭ قىركۇيەك ايىندا سورموۆ كوشەسىندە تەمىر جولعا تاياۋ باقتا جاڭادان سالىنىپ جاتقان اسكەري داڭق مۇراجايىنا كوشىرىلگەن ەكەن. سوعىس جىلدارىندا اسكەرلەر سول تۇستان مايدانعا اتتانىپتى. جۋىردا الگى باسىلىمدار تانكتى ورنىنا قويۋ جونىندە بايبالام سالىپ ەدى، قالالىق پروكۋراتۋرا سولاردىڭ پايداسىنا شەشىم شىعاردى: «ت-34» تانكى 30 كۇن ىشىندە بۇرىنعى ورنىنا قايتا اپارىلۋى كەرەك!..

پاۆلودار قالاسى پروكۋرورىنىڭ اعا كومەكشىسى ورمان قاليەۆتىڭ ايتۋىنا قاراعاندا، پروكۋراتۋرا شەشىمىنە تاريح جانە مادەنيەت ەسكەرتكىشتەرىن ءبىر ورىننان ەكىنشى ورىنعا كوشىرۋ ءتارتىبىنىڭ بۇزىلۋى نەگىز بولعان كورىنەدى. مۇنداي جاعدايدا ەسكەرتكىشكە تاريحي-مادەني ساراپتاما جاسالۋى كەرەك، سونىمەن قاتار قر مادەنيەت جانە اقپارات مينيسترلىگىنىڭ ارناۋلى كوميسسياسىنىڭ كەلىسىمى قاجەت ەكەن.

الايدا زاڭ ورگانىنىڭ شەشىمى زاڭدى ما؟ وسى ورايدا ءبىرشاما سۇراقتار تۋىنداۋدا. ايتالىق، سوۆەت وكىمەتى تۇسىندا كوممۋنيستىك يدەولوگيا تالابىنا سايكەس تاريحي-مادەني ەسكەرتكىشتەر ساناتىنا جاتقىزىلعان كەڭەستىك «ت-34» تانكى قازىرگى تاۋەلسىز ەلدىڭ ەگەمەندىك كەزەڭىندە دە سول مارتەبەسىنە يە مە؟

تانكتى تۇرعان ورنىنان ونشا الىس ەمەس اسكەري داڭق مۇراجايىنا اپارىپ قويۋ ءۇشىن تاريحي-مادەني ساراپتاما جاساپ، قر مادەنيەت جانە اقپارات مينيسترلىگىنىڭ ارناۋلى كوميسسياسىنىڭ كەلىسىمىن الۋدىڭ قانداي قاجەتتىلىگى بار؟ بۇل – جەرگىلىكتى بيلىكتىڭ قۇزىرەتىنە جاتاتىن ءىس ەمەس پە؟ ەگەر «قۇرىلعىسى ءشىرىپ، توزۋىنا بايلانىستى تانكتى مەتالل بولشەكتەرىن قابىلداۋ ورنىنا تاپسىرۋ» ماسەلەسى كوتەرىلسە، اڭگىمە باسقا.

جالپى، ءاۋ باستا تانكىنىڭ قالا ورتالىعىنا تاريحي-مادەني ەسكەرتكىش رەتىندە قويىلعانى ورىندى ما؟

جانە سوۆەتتىك سوعىس قارۋىن بۇگىنگى بەيبىت كەزەڭدە قۇرمەتتەۋ ساياسي، يدەولوگيالىق تۇرعىدان نەگىزدى مە؟ ونسىز دا قالانىڭ قاق ورتاسىنداعى جەڭىس الاڭىندا ۇلى وتان سوعىسى قۇرباندارىن ەسكە الىپ قۇرمەتتەۋگە ارنالعان ماڭگىلىك الاۋ جانىنداعى داڭق وبەليسكسى بار ەمەس پە؟

ەندى سوعىس قارۋىنىڭ تاس تۇعىرعا قويىلۋ سىرىنا ۇڭىلەيىك. الماتىداعى 1986 جىلعى جەلتوقسان كوتەرىلىسىنىڭ ءدۇمپۋى ەرتىستىڭ كەرەكۋ وڭىرىنە دە جەتىپ، وبلىس ورتالىعى مەن اۋدانداردا دا نارازىلىقتار بوي كورسەتتى. كوتەرىلىس كۇشپەن باسىلعان سوڭ، ىلە 1987 جىلى جەر-جەردە جازالاۋ شارالارى باستالدى.

سوۆەتتىك قارۋلى كۇشتەر، قاۋىپسىزدىك جانە قۇقىق قورعاۋ ورگاندارى ەگەمەنشىل جاستارعا كۇش قولدانۋمەن قاتار، ءولىم جازاسىنا كەسۋ، باس بوستاندىعىنان ايىرۋ ءتارىزدى قۇقىقتىق شارالاردى قولدانىپ ساعىن سىندىرۋدى قولعا السا، كومپارتيا مەن كومسومول ورگاندارى ساياسي شارالارمەن حالىقتىڭ ۇلتتىق رۋحىن سىندىرۋدى كوزدەدى.

ءدال سول 1987 جىلى، سونداي ماقساتپەن سالماعى 32 توننالىق قاھارلى سوعىس قارۋى لەنين كوشەسى بويىنا، جۇرتشىلىق كوپ جۇرەتىن كورنەكى جەرگە تۇعىر ۇستىنە قويىلدى... بۇل شەشىمنىڭ باسقاداي تۇسىندىرمەسى نەگىزسىز.

ەگەر پاۆلودار سوعىس جىلدارى ستالينگراد ءتارىزدى جاۋدىڭ قۇرساۋىندا قالىپ شابۋىلىنا توتەپ بەرگەن «باتىر قالا» بولسا، نەمەسە قالادا تانك شىعاراتىن زاۋىت جۇمىس ىستەپ، پاۆلودارلىقتار مىڭداعان تانكىنى مايدانعا جىبەرىپ وتىرسا ايتار ءۋاج جوق.
ءوڭىردىڭ تىل ەڭبەككەرلەرى وزدەرىنىڭ اۋىر تۇرمىستىق جاعدايىنا قاراماي مايدانداعىلارعا ۆاگون-ۆاگون ازىق-تۇلىك، كيىم-كەشەك جىبەرىپ، قورعانىس سالاسىنا ءوز قارجىسىنان اقشا بولگەنى تاريحي شىندىق. بىراق بەيبىت تۇرعىنداردىڭ ازاماتتىق پارىزىن وتەۋىن «ت 34» تانكىسىمەن ەسكە ءتۇسىرىپ، قۇرمەتتەۋ ونەگەلى ءىس ەمەس.

سوۆەتتىك تانكىلەر سوۆەت وداعىنىڭ باسقىنشىلىق وزبىر ساياساتىنىڭ بەلگىسى سياقتى كورىنەدى. سوۆەت اسكەرلەرىنىڭ 1968 جىلى چەحوسلاۆاكياعا، 1979 جىلى اۋعانستانعا، 1991 جىلى ليتۆانىڭ استاناسى ۆيلنيۋسكە تانكتەرمەن باسا-كوكتەپ كىرگەنى الەم حالىقتارىنا بەلگىلى اقيقات.

دەمەك، بەيبىتسۇيگىش قازاق ەلىنىڭ ءبىر قالاسىندا سوۆەتتىك تانكىنى تۇعىر ۇستىنە قويىپ قۇرمەتتەۋ سوۆەت وداعىنىڭ باسقىنشىلىق ساياساتىن جاريا دارىپتەۋمەن بىردەي ارەكەت.

ال الماتىداعى 28 پانفيلوۆشىلار پاركىنە قويىلعان پانفيلوۆشى جاۋىنگەرلەردىڭ زەڭبىرەگى مەن داڭقتى جەرلەسىمىز، كەڭەس وداعىنىڭ باتىرى ماحمەت قايىرباەۆتىڭ (1925-1996 ج.ج.) پاۆلودارعا اكەلىنگەن زەڭبىرەگىنىڭ ءجونى ءبىر بولەك. ويتكەنى قازاقستاندىق باتىرلار سول قارۋلارمەن رەسەيدىڭ ماسكەۋ، سمولەنسك قالالارى، ليتۆانىڭ شاۋلياي قالاسى ايماقتارىن جاۋدان قورعادى.

سوۆەتتىك تانكىنى تاريحي-مادەني ەسكەرتكىش رەتىندە قۇرمەتتەگەن بۇل قالا وزگە ەلدەردىڭ اسكەري، ساياسي تۇلعالارىنىڭ ەسىمدەرىن ۇلىقتاۋ بويىنشا قازاقستان قالالارىنىڭ كوش باسىندا تۇر دەسەك، ارتىق ايتقاندىق ەمەس شىعار.

ماسەلەن، پاۆلودار اتاۋى پاتشازادا پاۆەل رومانوۆتىڭ قۇرمەتىنە قويىلعان، كوشەلەرىنە پاتشالى رەسەي يمپەرياسىنىڭ اسكەرباسىلارى: فەلدمارشال كۋتۋزوۆ پەن گەنەراليسسيمۋس سۋۆوروۆ، اتامان ەرماك، چەكيست دەريباس، بولشەۆيكتەر كوسەمى لەنيننىڭ ەسىمدەرى بەرىلگەن.

بۇعان قوسا قالادا لەنين اتىنداعى باق، لەنيننىڭ ءمۇسىنى بار. قالا ىرگەسىندەگى لەنين كەنتىنىڭ قالانىڭ ءبىر اۋماعىنا اينالعانى قاشان، بىراق اتى سول قالپىندا قالدى.

سولاي بولا تۇرا،  قازىر ۆلاديمير ءيليچتىڭ كىم ەكەنىن مۇلدە بىلمەيتىن ءبىر ۇرپاقتىڭ ءوسىپ جەتىلگەنى ەسكەرىلگەن جوق. ەسكەرىلسە دە، لاۋازىمدى تۇلعالاردىڭ اراسىنان قانداي دا ءبىر قۇندىلىعى جوق ەسكەرتكىشتىڭ تۇسىنا «ۆ.ي. لەنين – ءجۇز ميلليونداعان ادامنىڭ ءومىرىن جالماعان كوممۋنيستىك رەجيمنىڭ نەگىزىن قالاعان بولشەۆيكتەردىڭ كوسەمى» دەگەن سىقىلدى سوزدەردى جازىپ قوياتىن ءبىر شەنەۋنىك تابىلار دەيمىسىز؟..

جۇرەككە شانشۋداي قادالاتىن تاعى ءبىر جايت، لەنين ەسكەرتكىشى مەن سوۆەتتىك تانك سالتانات قۇرعان پاۆلوداردا تاۋەلسىزدىك مونۋمەنتى جوق، 18-عاسىرداعى ۇلت ازاتتىق سوعىسى كەزەڭىندە ەرتىستىڭ كەرەكۋ-باياناۋىل ءوڭىرىن باسقىنشىلاردان قورعاعان ولجاباي، جاسىباي، مالايسارى، ت.ب. باتىرلارعا ەسكەرتكىش ورناتىلماعان.

جاياۋ مۇسا، ءماشھۇر ءجۇسىپ، ەستاي، مايرا، يسا ءتارىزدى داڭقتى تۇلعالارعا كىشكەنە بيۋست تە قويىلماعان. جۇسىپبەك ايماۋىتوۆتىڭ ارۋاعىن كۇڭىرەنتكەنىمىز اناۋ. ءتىپتى كەيبىر ءورىستىلدى جەرلەستەرىمىز پاۆلودار قالاسىنىڭ العاشقى نەگىزى بولعان اسكەري بەكىنىستىڭ كونە تۇركى كەزەڭىنەن بەرى كەرەكۋ جار اتانعان جەرگە سالىنعاندىقتان كورياكوۆ يار اتانعانىن قاپەرگە الماي، كەرەكۋ اتاۋىن قولدانىستان مۇلدە شىعارىپ تاستاعىسى كەلەدى!

ەلباسى ن. ءا. نازارباەۆ 1998 جىلدىڭ 17 ناۋرىزىندا، الماتىدا، رەسپۋبليكانىڭ زيالى قاۋىمىنىڭ تانىمال وكىلدەرىمەن كەزدەسكەندە بىلاي دەگەن ەدى: «وناماستيكالىق ساياساتتى بوساڭسىتۋعا بولمايدى. جالتاقتاي بەرەتىن ەشتەڭە جوق. وتارشىل زاماندى ەسكە سالىپ، حالىقتىڭ نامىسىنا تيەتىن اتاۋلاردى دا، ءتىلدىڭ وزىندىك زاڭدىلىعىن، تابيعي ۇندەستىگىن بۇزىپ تۇراتىن اتاۋلاردى دا اۋىستىرماسا بولمايدى». (ن. نازارباەۆ، «قازاقتىڭ بۇكىل تاريحى – بىرىگۋ تاريحى، تۇتاستانۋ تاريحى». «ەگەمەن قازاقستان» №53, 18.03.1998 ج.)

ەل پرەزيدەنتىنىڭ ءوزى وسىلاي دەسە دە، ءبىزدىڭ جەرگىلىكتى بيلىك ءورىستىلدى تاۋەلسىز باسىلىمدارعا قاراي جالتاقتاۋدا. جۋىردا ءورىستىلدى اعايىندار لەنين اتىنداعى باقتا قابىرعاسىنىڭ جۇقاناسى عانا قالعان، قاندايدا ءبىر تاريحي قۇندىلىعى جوق، 1910 جىلى «روسسيا» قوناق ءۇيى رەتىندە سالىنعان عيمارات قالدىعىن قايتا قالپىنا كەلتىرۋ جونىندە ماسەلە كوتەردى. جەرگىلىكتى بيلىك ەندى سول ۇسىنىستى قاراپ، الگىلەردىڭ كوڭىلىن تابۋ جاعىن ويلاستىرىپ جاتقان سىڭايلى.

دەگەنمەن، نازارباەۆتىڭ ساياساتىن جۇزەگە اسىرىپ، يدەولوگياسىن جۇرگىزۋگە ءتيىستى پاۆلودار وبلىسى باسشىلىعىنىڭ جانە زاڭ تالاپتارىنىڭ ورىندالۋىن قاداعالايتىن قالا پروكۋرورىنىڭ الگى ءىس-ارەكەتتەرىن ەندى قازاقستانرەسپۋبليكاسىنىڭ مەملەكەتتىك حاتشىسى، پرەزيدەنت اكىمشىلىگى جانە باس پروكۋرورى قالاي باعالايدى ەكەن؟

ءتىپتى، باسقانى بىلاي قويعاندا، يۋنەسكو مەن ەۋروپارلامەنت «زۇلىمدىق يمپەرياسى» اتانعان مەملەكەتتەن قالعان سوۆەتتىك سۇراپىل سوعىس قارۋى تانكىنىڭ قازاقستان رەسپۋبليكاسىنىڭ ءبىر قالاسىندا تۇعىرعا قويىپ، قۇرمەتتەلۋىن وڭ باعالامايتىن شىعارى دەيمىز.
ال، شىندىعىن ايتساق، ەشقاي ۇلتتىق جانە يدەولوگيالىق ماڭىزى جوق ەسكەركىشكە بولا ءورىستىلدى باسىلىمداردىڭ وسىنشاما شۋ كوتەرۋى، ولاردىڭ تانك ءۇشىن ەمەس، ايتەۋىر قايتسەك تە جەرگىلىكتى بيلىككە ءوز دەگەنىمىزدى ىستەتەمىز دەگەنى. وسىنىڭ بارلىعىن بىزدەر، جەرگىلىكتى ۇلت جاناشىرلارى ءورىستىلدى باسىلىمدار تاراپىنان قاساقانا تۇردە ۇل ارازدىعىن قوزدىرۋ دەپ تۇسىنەمىز.

كەرەكۋلىك ءبىر توپ ۇل جاناشىرلارى: قايروللا قاجەنوۆ، رۋزا بەيسەنبايتەگى، قايىربولات نۇرباەۆ، امانتاي تويشىباي، قۋاندىق بايازيتوۆ، قاناتبەك نابيەۆ، ماقسۇت قاليەۆ، سايلاۋ بايبوسىن.

Abai.kz