مەملەكەت باسشىسى قاسىم-جومارت توقاەۆتىڭ باستاماسىمەن 2021 جىلى اۋىل اكىمدەرىن سايلانعان بولاتىن. بۇل سايلاۋدىڭ ەرەكشەلىگى ءار ەلدىمەكەن اكىمىن سايلاپ، تۇرعىندار ءبىراۋىزدان تاڭداۋ جاساعان ازامات سول اۋىلدىڭ تىزگىنىن ۇستادى. بۇگىندە حالقى ءۇمىت ارتقان اكىمدەر ناتيجەلى جۇمىس ىستەپ جاتىر. 

Abai.kz ءتىلشىسى الماتى وبلىسى كەگەن اۋدانى جىلىساي اۋىلىنىڭ اكىمى  قايرات نارىنباەۆپەن تىلدەسىپ، سايلاۋداعى وزگەرىستەر جايلى سۇحباتتاستى.

- قايرات ۇلداحانۇلى، حالىق سايلاعان اۋىل اكىمىنە حالىقتىڭ كوپ ءۇمىت ارتاتىنى بەلگىلى. اسىرەسە جەرگىلىكتى اتقارۋشى ورگاندارعا ارتىلار جۇكتىڭ سالماعى اۋىر. سىزگە سايلاۋ جۇيەسىندەگى وزگەرىستەر قالاي اسەر ەتتى؟ اكىم بولا سالا قاي سالانىڭ تۇيتكىلىمەن تانىستىڭىز؟

- ارينە اكىم بولعاننان كەيىن، سول اۋىل تۇرعىندارىنىڭ ءۇمىتىن اقتامۋعا تىرىساسىڭ. وعان ءجۇردىم-باردىم قاراۋعا بولمايدى. سايلاۋ جۇيەسىنە وزگەرىس ەنگىزىلىپ، وكرۋگ اكىمدەرىن تۇرعىندار وزدەرى داۋىسقا سالادى دەگەندە قوبالجىدىم. وسى كەزدە اۋىل تاعدىرىنا الاڭدايتىن بىرنەشە ازامات ءوز كانديداتۋرالارىن ۇسىندى. ءوزىم وسى اۋىلدىڭ تۋماسى بولعاندىقتان، وسى جەردە تۇرعىلىقتى مەكەن ەتەتىن ازامات رەتىندە مەن دە ءوز باعىمدى سىناپ كوردىم. ويتكەنى بۇعان دەيىن اكىمنىڭ ورىنباسارى سىندى قىزمەت اتقارىپ، اۋىلداعى قوعامدىق ءىس- شارالارعا بەلسەندى قاتىستىم. سايلاۋ قىزىقتى دا تارتىستى ءوتتى. ودان بولەك، اۋىلدى دامىتۋعا قاتىستى ءوز باعدارلامالارىمىزدى ۇسىندىق. اۋداندىق گازەتكە سايلاۋالدى باعدارلامامىز جايلى جاريالادىق. ناتيجەسىندە اۋىل حالقى سەنىم ارتىپ، اكىم بولىپ سايلاندىم. مىنە ءۇش جىلدان  بەرى كىشكەنتاي اۋىلدىڭ ماسەلەلەرىن بارىنشا شەشۋگە اتسالىسىپ كەلەمىن.

- ءوزىڭىز وسى اۋىلدىڭ تۋماسىمىن دەدىڭىز. اۋىل اكىمدەرىن سايلاعاندا كانديداتتارىڭ سول اۋىلدىق وكرۋگتىڭ تۇرعىنى بولعانى قانشالىقتى دۇرىس؟

- مەنىڭشە بۇل دۇرىس شەشىم. ويتكەنى، جەرگىلىكتى ازامات اۋىلدىڭ قىر-سىرىن، جاي-كۇيىن باسقالاردان گورى ءوزى كوبىرەك بىلەدى. مەن دە اۋىلداعى نەگىزگى ماسەلەلەردى بىلەمىن. بۇگىنگى كۇنگە دەيىن شەشىمىن تاپقان ماسەلەلەر اۋىلىشىلىك جولداردىڭ جاعدايى. جۇمىسسىزدىق، اۋىز سۋ ماسەلەسى،  جايىلىمدىق جەر سىندى ماسەلەلەر. ودان  بولەك  تۇرمىسى تومەن وتباسىلارعا دا الەۋمەتتىك كومەك كورسەتۋ سىندى ماسەلەلەر دە كۇن تارتىبىندە. بۇگىندە تۇرعىندارمەن ءجيى كەزدەسۋ وتەدى. ودان بولەك اپتا سايىن اۋىل تۇرعىندارىن قابىلدايتىن اشىق ەسىك كۇنى بار.  تۇرعىندار الدىن الا جازىلىپ، وزدەرىنىڭ جاعدايلارىن ايتىپ كەلەدى. ءار كەلگەن تۇرعىننىڭ ماسەلەسىمەن جەكە تانىسىپ، شەشىمىن تابۋعا تىرىسامىز. قازىر اۋىلدىڭ جولدارىن جوندەۋ جۇمىستارى باستالدى. ودان بولەك بۇقارالىق سپورتتى دامىتۋ ماقساتىندا اۋىلدا سپورتتىق الاڭدار ياعني فۋتبول الاڭىن ورناتۋ جۇمىستارى باستالدى. جاز ماۋسىمىندا ءتۋريزمدى دامىتۋ ماقساتىندا دەمالىس ورىندارىن سالۋعا بەكىنگەن كاسىپكەرلەرگە جەر ءبولىپ بەرۋ جۇمىستارى جۇرگىزىلدى. اۋىلعا جاس مامانداردى  تارتۋ ماقساتىندا دا بىرقاتار جۇمىستار جۇرگىزىلدى. وسىلاردىڭ بارلىعى مەنىڭ سايلاۋالدى جوسپارىمنىڭ ءبىر بولىگى بولاتىن. حالىق سەنىم ارتقاننان كەيىن، حالىق ءۇشىن بار كۇشىمىزدى سالاتىن بولامىز.

- سايلاۋ جۇيەسىندەگى وزگەرىستەر تۋرالى ايتساڭىز. ءسىز قانشا مەرزىمگە س ايلاندىڭىز. الداعى ۋاقىتتا سايلاۋعا تاعى دا قاتىساسىز با؟

- سايلاۋ جۇيەسىنىڭ ءوز ەرەجەلەرى بار. اۋىل اكىمدەرى 4  جىلعا سايلانادى. ەرەجە بويىنشا ءبىر ۇمىتكەر ەكى رەت قانا سايلاۋعا قاتىسا الادى. ياعني كەلەسى جولى سايلاۋعا قاتىسىپ، وتەتىن بولسام مەن وكىلەتتىگىمدى جالعاستىرا الامىن. بىراق ول مەرزىم وتكەننەن كەيىن مەن سايلاۋعا قاتىسا المايمىن. بۇل دا دۇرىس شەشىم دەپ ويلايمىن. ءتورت جىل ىشىندە ءبىراز نارسەنى جاساۋعا بولادى. ەڭ باستىسى حالىق سەنىم ارتىپ تۇرسا، حالىقپەن بىرگە سول اۋىلدىڭ دامۋىنا ۇيىتقى بولاسىڭ.  الداعى سايلاۋدا دا ءوز باعىمدى سىناپ كورەمىن. ەگەر حالقىم ماعان سەنىمىن بىلدىرەتىن بولسا، العا قويعان جوسپارلاردى ءارى قاراي جۇزەگە اسىرامىن دەپ ويلايمىن.

Abai.kz