«ازاپ ۆاگونىنان» قۇتىلار كۇن بار ما؟!
ماڭعىستاۋ وبلىسىنىڭ اكىمى ا.ايدارباەۆ,
«قازاقستان تەمىرجولى» ۇلتتىق
كومپانياسىنىڭ پرەزيدەنتى ا.ءمامي
مىرزالاردىڭ نازارىنا!
مەن ماڭعىستاۋدىڭ قىزىمىن. ءدام بۇيىرىپ وڭتۇستىك قازاقستان وبلىسىنىڭ ازاماتىنا تۇرمىسقا شىقتىم. قازىر كەنتاۋ قالاسىندا تۇرامىن. تۋعان جەرىمە ءجيى بولماعانىمەن، توركىنىمنىڭ توي-تويمالاق، ءولىم-جىتىمىنە بارىپ تۇرامىن. بارعان سايىن جول ازابىن تارتامىز.
وسى جىلدىڭ 19 قاڭتارى كۇنى «اجەڭ قايتىس بولدى» دەگەن قارالى حابار الدىم. اجەمنىڭ سوڭعى ساپارىنا قاتىسۋعا شىمكەنت قالاسىنان ۇشاقپەن ۇشپاقشى بولدىم، بىراق ەكىنشى كۇنگە دەيىن اقتاۋعا ۇشاق ۇشپايتىن بولدى. اقىرى تۇركىستان قالاسىنا كەلىپ، شەتپەگە دەيىن بيلەت الىپ، №377 الماتى-مانگىشلاك پويىزىنىڭ14-پلاسكارت ۆاگونىنا وتىردىم. ۆاگوننىڭ ەسىگىن اشقان بويدا كۇلىمسى ساسىق ءيىس مۇڭك ەتە ءتۇستى. تاڭداپ تۇرۋعا مۇمكىندىك جوق، بيلەتىمدە كورسەتىلگەن ورىنعا وتىردىم. قاسىمداعى الماتىدان كەلە جاتقان جولاۋشىلارمەن تانىستىم. ولار دا كورگەن جول ازاپتارىن ايتا باستادى...
ماڭعىستاۋ وبلىسىنىڭ اكىمى ا.ايدارباەۆ,
«قازاقستان تەمىرجولى» ۇلتتىق
كومپانياسىنىڭ پرەزيدەنتى ا.ءمامي
مىرزالاردىڭ نازارىنا!
مەن ماڭعىستاۋدىڭ قىزىمىن. ءدام بۇيىرىپ وڭتۇستىك قازاقستان وبلىسىنىڭ ازاماتىنا تۇرمىسقا شىقتىم. قازىر كەنتاۋ قالاسىندا تۇرامىن. تۋعان جەرىمە ءجيى بولماعانىمەن، توركىنىمنىڭ توي-تويمالاق، ءولىم-جىتىمىنە بارىپ تۇرامىن. بارعان سايىن جول ازابىن تارتامىز.
وسى جىلدىڭ 19 قاڭتارى كۇنى «اجەڭ قايتىس بولدى» دەگەن قارالى حابار الدىم. اجەمنىڭ سوڭعى ساپارىنا قاتىسۋعا شىمكەنت قالاسىنان ۇشاقپەن ۇشپاقشى بولدىم، بىراق ەكىنشى كۇنگە دەيىن اقتاۋعا ۇشاق ۇشپايتىن بولدى. اقىرى تۇركىستان قالاسىنا كەلىپ، شەتپەگە دەيىن بيلەت الىپ، №377 الماتى-مانگىشلاك پويىزىنىڭ14-پلاسكارت ۆاگونىنا وتىردىم. ۆاگوننىڭ ەسىگىن اشقان بويدا كۇلىمسى ساسىق ءيىس مۇڭك ەتە ءتۇستى. تاڭداپ تۇرۋعا مۇمكىندىك جوق، بيلەتىمدە كورسەتىلگەن ورىنعا وتىردىم. قاسىمداعى الماتىدان كەلە جاتقان جولاۋشىلارمەن تانىستىم. ولار دا كورگەن جول ازاپتارىن ايتا باستادى...
اقتوبە وبلىسىنىڭ تەرريتورياسىنا كىرە بەرگەندە ۆاگوننىڭ ءىشى سۋىتىپ كەتتى. جولاۋشىلار دا، ءوزىم دە تۇنىمەن ۇيىقتاي المادىم. قاسىمداعى كەلىنشەكتىڭ ەمشەك جاسىنداعى كىشكەنتاي بالاسى تۇنىمەن جوتەلىپ، اۋىرىپ شىقتى. ءار جەردەن كۇرك-كۇرك جوتەلگەن ادامدار، بەينە-ءبىر سوعىس دالاسىنان جارالى جاۋىنگەرلەردى گوسپيتالعا الىپ كەلە جاتقان پويىزعا ۇقسايدى. بەرگەن توسەنىشتەرى دە كەۋىپ ۇلگەرمەگەن، ىلعال بولىپ تۇر. قول ورامالى ابدەن توزىعى جەتىپ، سەتىنەپ جاتىر. پايدالانۋدىڭ ءوزى جيىركەنىشتى. جاستىق دەگەن اتى بار، شىلپيگەن بىردەڭە، جۇندەرى بۇرقىراپ ۇشىپ جاتىر. توسەنىش كورپەسى دە شۇرق تەسىك. ءتىپتى جاتۋ دا مۇمكىن ەمەس. دارەتحاناسىنا بەتتەي المايسىڭ. سارى سۋ ەسىگىنەن شىعىپ ىركىلدەپ تۇر. قاسىنان مۇرنىڭدى باسىپ زورعا وتەسىڭ. وزگە ۆاگونداردىڭ دا جاعدايى سولاي ەكەن. تەرەزەدەن گۋلەگەن جەل كەۋدەڭنەن ءوتىپ بارادى. كەيدە پويىزدان ءتۇسىپ، جاياۋ تارتقىڭ كەلەدى. «ازاپ ۆاگونى» دەگەن وسى بولار!
پويىز ءار ستانتسياعا توقتاعان سايىن دالاعا جۇگىرە شىعامىز. 10 مينۋت بولسا دا تازا اۋامەن دەم العىمىز كەلەدى. سول ساتتە تەمىرجول ۆوكزالىنان «ساق بولىڭىزدار! الماتى-مانگىشلاك پويىزى جۇرگەلى تۇر». قاسىمداعى جولاۋشى «اۋ، مانگىشلاگى نەسى؟ ماڭعىستاۋ بولىپ وزگەرگەنىنە 20 جىل بولعان جوق پا؟ بۇل اتاۋ نەگە وزگەرمەيدى؟» دەپ مەنەن سۇرايدى. الگى ادامعا نە دەپ جاۋاپ بەرەرىمدى بىلمەي جەرگە قارادىم. تسەلينوگراد - استانا بولىپ، گۋرەۆ - اتىراۋ بولىپ وزگەردى، ولاردىڭ پويىزدارى دا سولاي اتالادى. ال مانگىشلاك اتاۋى تەمىرجولشىلار ءۇشىن تەمىردەي قاتىپ قالعان با؟! بىلمەدىم!
ءبىر كەزدە قاسىمىزعا الماتى-اتىراۋ پويىزى كەلىپ توقتادى. ۆاگوندارى تاپ-تازا، جالتىراپ تۇر. جولاۋشىلارى بۋى بۇرقىراعان جىلى ۆاگونداردان كۇلىپ-ويناپ ءتۇسىپ جاتىر. ەكى پويىز دا الماتىدان شىقتى. ەكەۋى ەكى ءتۇرلى، سالىستىرۋعا دا كەلمەيدى. اتىراۋعا ەكى كۇندە، ال بىزدەر اقتاۋعا ءۇش كۇندە ارەڭ جەتەمىز. ولارعا قىزىعىپ تا، قىزعانا دا قارادىق. سەبەبى، ءبىز وتىرعان الماتى-مانگىشلاك پويىزى قىسقا دايىن ەمەس، جولاۋشىلارعا قىزمەت جاسالۋى وتە ناشار، ءتارتىپ، تازالىق دەگەن اتىمەن جوق.
ماڭعىستاۋدىڭ اكىمدەرى، دەپۋتاتتارى، ەل اعالارى قايدا قاراپ ءجۇر؟! وزدەرى پويىزعا وتىرماعاسىن، قاراپايىم حالىقتىڭ جاعدايىن ۇمىتقان با؟ مەنىڭ ءوتىنىشىم: وسى كەمشىلىكتەردىڭ ورنىن تولتىرسا ەكەن. الماتى-مانگىشلاكقا جاڭا پويىز جۇرگىزسە. مانگىشلاك اتاۋىن وزگەرتىپ، ماڭعىستاۋ نەمەسە اقتاۋ پويىزى دەپ اتاسا ەكەن. بۇل مەنىڭ ەمەس، كۇن سايىن مىڭداپ ءمىنىپ جاتقان جولاۋشىلاردىڭ تىلەگى.
قۇرمەتتى ەل باسقارىپ وتىرعان اعالار! «ازاپ ۆاگونىنان» قۇتىلار كۇن بار ما؟!
قۇرمەتپەن،
ىڭكار قايىرماعانبەتوۆا
الماتى-مانگىشلاك پويىزىنىڭ جولاۋشىسى
Abai.kz
