«وزەكتى ەمەس»: وبلىس اكىمى پەتروپاۆل اتاۋى وزگەرتىلمەيدى دەپ جاۋاپ بەردى، دەپ جازادى Qaz365.kz سايتى. 

سولتۇستىك قازاقستان وبلىسىنىڭ اكىمى عاۋەز نۇرمۇحامبەتوۆ پەتروپاۆل قالاسىنىڭ اتاۋىن قىزىلجار دەپ وزگەرتۋ تۋرالى سۇراققا جاۋاپ بەردى.

«بۇگىنگى كۇنى بۇل وزەكتى ماسەلە ەمەس دەپ ويلايمىن. ويتكەنى، بىزدە اباتتاندىرۋ، جىلۋمەن قامتۋ، الەۋمەتتىك سالاعا قاتىستى ماسەلەلەر كۇن وتكەن سايىن كوبەيىپ كەلەدى. پەتروپاۆلدىڭ اتىن وزگەرتۋدى كۇتۋگە بولادى، بىراق بۇل ساياساتقا قاتىسى جوق»، - دەدى ول.

اكىم ەڭ الدىمەن تۇرعىنداردىڭ پىكىرىن ەسكەرۋ كەرەكتىگىن اتاپ ءوتتى.

«كوپشىلىك اتاۋدى وزگەرتۋدى قولداسا، ءبىز ونى قاراستىرامىز»، - دەدى عاۋەز نۇرمۇحامبەتوۆ.

Abai.kz