سۋرەتتە: كاسىپكەر ليۋدميلا زەمليانايا

وسكەمەن قالاسىنداعى جەراستى جىلىجايىندا ماندارين، بانان، انار، ءىنجىر، ءتىپتى كوفە دە وسىرىلەدى. ىسكەر ەرلى-زايىپتىلار جىلىجايدى ءۇش مەتر تەرەڭدىكتە سالعان.

“كۇيەۋىم مەن كۇيەۋ بالام مىڭ شارشى مەترگە جەتەتىن تولىق جىلىجاي كەشەنىن سالدى. تەمپەراتۋرانى ءبىر قالىپتا ۇستاۋ ءۇشىن، ياعني 16-17 گرادۋس جىلى بولىپ تۇرۋى ءۇشىن پەش جاعۋشىلاردى جۇمىسقا الدىق. قازىر پەش كۇندىز-ءتۇنى ۇزىلمەي جاعىلادى. جىلىجايدىڭ توبەسى كۇن ساۋلەسى تۇسەتىن شىنىدان جاسالعان”، – دەدى كاسىپكەر ايەل ليۋدميلا زەمليانايا.

جىلىجاي ارقايسىسىنىڭ ۇزىندىعى 35 مەترگە جالعاساتىن ءتورت بولىكتەن تۇرادى. ولاردىڭ بىرىنە تولىعىمەن ليمون اعاشى ەگىلگەن. ولار بەس جىلدا ءوسىپ، جەمىس بەرە باستاپتى. “وتكەن جىلى ءبىر توننا ليمون ساتتىق. بۇل وزىمىزگە، تۋىستارىمىزعا، تانىس، جولداس جورالارىمىزعا تاراتقانىمىزدى ساناماعانداعىسى”، – دەيدى ل.زەمليانايا.

سۋرەتتە: كاسىپكەر ليۋدميلا زەمليانايا

وسكەمەن قالاسىنداعى جەراستى جىلىجايىندا ماندارين، بانان، انار، ءىنجىر، ءتىپتى كوفە دە وسىرىلەدى. ىسكەر ەرلى-زايىپتىلار جىلىجايدى ءۇش مەتر تەرەڭدىكتە سالعان.

“كۇيەۋىم مەن كۇيەۋ بالام مىڭ شارشى مەترگە جەتەتىن تولىق جىلىجاي كەشەنىن سالدى. تەمپەراتۋرانى ءبىر قالىپتا ۇستاۋ ءۇشىن، ياعني 16-17 گرادۋس جىلى بولىپ تۇرۋى ءۇشىن پەش جاعۋشىلاردى جۇمىسقا الدىق. قازىر پەش كۇندىز-ءتۇنى ۇزىلمەي جاعىلادى. جىلىجايدىڭ توبەسى كۇن ساۋلەسى تۇسەتىن شىنىدان جاسالعان”، – دەدى كاسىپكەر ايەل ليۋدميلا زەمليانايا.

جىلىجاي ارقايسىسىنىڭ ۇزىندىعى 35 مەترگە جالعاساتىن ءتورت بولىكتەن تۇرادى. ولاردىڭ بىرىنە تولىعىمەن ليمون اعاشى ەگىلگەن. ولار بەس جىلدا ءوسىپ، جەمىس بەرە باستاپتى. “وتكەن جىلى ءبىر توننا ليمون ساتتىق. بۇل وزىمىزگە، تۋىستارىمىزعا، تانىس، جولداس جورالارىمىزعا تاراتقانىمىزدى ساناماعانداعىسى”، – دەيدى ل.زەمليانايا.

ليۋدميلانىڭ سوزىنە سەنسەك، باعباننىڭ ءوزى دە جىلىجايىندا قانشا وسىمدىك بارىن ناقتى بىلمەيدى. جاقىندا قىزى ەكەۋى اۋقىمدى ساناق جۇرگىزۋدى جوسپارلاپ وتىر.
جەراستى باعىن كورۋگە الماتى، تالدىقورعان، قاراعاندى جانە ەلىمىزدىڭ وزگە ايماقتارىنان دا ادامدار كەلىپ جاتقان كورىنەدى. ءبىرى جاي تاماشالاعىسى كەلسە، وزگەلەرى وسىناۋ كاسىپتى ۇيرەنگىسى كەلەدى ەكەن.
سول سەكىلدى رەسەيلىك ماماندار دا زەمليانايا وتباسىنىڭ جىلىجايىنا قىزىعۋشىلىق تانىتىپ وتىر. ويتكەنى، بۇگىندە سالماعى ءبىر كەلىگە جەتەتىن ليمونداردى وسكەمەن بازارلارىندا كورۋ تاڭسىق ەمەس. دەگەنمەن، بەس جىلدان بەرى جەمىستى ەڭبەك ەتىپ كەلە جاتقان جەراستى جىلىجايى بار وتباسى جايلى كوبى بىلە بەرمەيدى. سوندىقتان بولار، كوپ تۇرعىن كولەمدى ليمونداردى پەستيتسيدتەرگە تولى قىتايدان كەلگەن جەمىس دەپ ويلايدى.