كولىك ءمينيسترىنىڭ "رەسپۋبليكالىق ماڭىزى بار ءۇشارال – دوستىق جالپىعا ورتاق پايدالانىلاتىن اۆتوموبيل جولىن (ۋچاسكەسىن) اقىلى نەگىزدە پايدالانۋ تۋرالى" بۇيرىعى دايىندالدى.

اتاپ ايتقاندا، رەسپۋبليكالىق ماڭىزى بار جالپىعا ورتاق پايدالانىلاتىن اۆتوموبيل جولىنىڭ ءۇشارال – دوستىق ۋچاسكەسى اقىلى نەگىزدە پايدالانىلاتىنى انىقتالدى.

اقىلى جولدىڭ ۇزىندىعى 180 شاقىرىمدى قۇرايدى.

اۆتوبۋستار مەن جۇك كولىكتەرى ءۇشىن اقىلى جولداعى اقى مولشەرلەمەسى بەلگىلەندى.

اقىلى جولدىڭ قىزمەت ەتۋ مەرزىمى – 20 جىل.

قۇجات 9 قىركۇيەككە دەيىن قوعامدىق تالقىلاۋ ءۇشىن "اشىق نقا" سايتىندا ورنالاستىرىلادى.

بۇعان دەيىن قازاقستاندا اقىلى جولدارداعى تاريفتەردى تاعى 20 پايىزعا كوتەرۋدى جوسپارلاپ وتىرعانى حابارلانعان بولاتىن.

Abai.kz