كولىكتى تەحنيكالىق تەكسەرۋ سالاسىندا وزگەرىس ەنگىزىلمەك
قر كولىك مينيسترلىگى كولىكتى تەحنيكالىق تەكسەرۋ سالاسىنداعى وزگەرىستەرگە قاتىستى تۇسىنىك بەردى.
«كولىك قۇرالدارىنىڭ جەكەلەگەن تۇرلەرىنىڭ قوزعالىسىن ۇيىمداستىرۋ جانە جول قاۋىپسىزدىگىن تسيفرلاندىرۋ ماسەلەلەرى بويىنشا «جول ءجۇرىسى تۋرالى» زاڭىنا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى اياسىندا تەحنيكالىق بايقاۋ وپەراتورلارىن اشۋدى حابارلامالىق باقىلاۋدان رۇقسات بەرۋ باقىلاۋىنا كوشۋ كوزدەلگەن. بۇل قۇجاتتى قر پارلامەنتى ءماجىلىسى قابىلدادى جانە سەناتتىڭ قاراۋىندا جاتىر. زاڭدى بيىلعى قىركۇيەك ايىندا بەكىتىلەدى دەپ جوسپارلانعان. تەحنيكالىق بايقاۋ وپەراتورلارىنا قاتىستى ايىپپۇلدى 30-دان 100 اەك-كە دەيىن ۇلعايتۋ بويىنشا جۇمىس اتقارىلىپ جاتىر (369 200 تەڭگە)»، - دەلىنگەن قر كولىك مينيسترلىگىنىڭ Kazinform اگەنتتىگىنە بەرگەن جاۋابىندا.
ۆەدومستۆو اقپاراتىنا قاراعاندا، مينيسترلىك تسيفرلىق دامۋ مينيسترلىگىمەن جانە ساۋدا مينيسترلىگىمەن بىرلەسىپ، تەحنيكالىق بايقاۋ ورتالىقتارىندا پايدالانىلاتىن باقىلاۋ-ولشەۋ جابدىقتارىنا قاتىستى بەرىلگەن سەرتيفيكاتتاردىڭ دۇرىستىعى مەن مەرزىمدەرىن تەكسەرۋ بويىنشا تەحنيكالىق بايقاۋدىڭ بىرىڭعاي اقپاراتتىق بازاسىن (بباج) تەحنيكالىق رەتتەۋ جانە مەترولوگيا كوميتەتىنىڭ بازاسىمەن ينتەگراتسيالاۋ ماسەلەلەرىن پىسىقتاپ جاتىر.
مۇنىمەن قوسا، كەلەشەكتە تەحنيكالىق بايقاۋ مەرزىمى وتكەن كولىك قۇرالدارىن انىقتاۋ ءۇشىن قر ىشكى ىستەر مينيسترلىگىمەن جانە «سەرگەك» كومپانياسىمەن بىرگە تەحنيكالىق بايقاۋدىڭ بار-جوعىن اۆتوماتتاندىرىلعان جۇيەمەن تەكسەرۋدىڭ پيلوتتىق جوباسىن، سونداي-اق باسقا دا قادامداردى ىسكە اسىرۋ جوسپارلانعان.
«اتالعان ءىس-شارالاردى ىسكە اسىرۋ وسى سالاداعى كەمشىلىكتەردى بولدىرماۋعا مۇمكىندىك بەرەدى. بۇل ءوز كەزەگىندە جولداعى كولىك قوزعالىسى قاۋىپسىزدىگىنىڭ جاي-كۇيىنە وڭ اسەر ەتەدى»، - دەپ اتالىپ وتكەن كولىك مينيسترلىگى اقپاراتىندا.
Abai.kz
