وقۋ جىلىنىڭ باستالۋىنا از كۇن قالعاندا قر عىلىم جانە جوعارى ءبىلىم مينيسترلىگى قوسىمشا گرانتتار ءبولدى.

«قازاقستان رەسپۋبليكاسى عىلىم جانە جوعارى ءبىلىم مينيسترلىگى قوسىمشا ءبىلىم بەرۋ گرانتتارىن تاعايىندادى»، – دەلىنگەن ءباسپاسوز حابارلاماسىندا.

مينسترلىكتىڭ حابارلاۋىنشا، ءبىلىم بەرۋ گرانتتارى بەلگىلەنگەن تارتىپپەن، كونكۋرس نەگىزىندە، ەڭ جوعارى ۇبت بالدارىنا يە بولعان ۇمىتكەرلەرگە ءبىلىم بەرۋ باعدارلامالارىنىڭ ءتيىستى توپتارىنا سايكەس بەلگىلەنگەن.

تىزىمدە تۇرعان بارلىق گرانت يەگەرى جوعارى وقۋ ورىندارىنا قۇجات وتكىزۋ ءۇشىن بارۋ كەرەك ەكەنى ايتىلعان.

ەسكە سالا كەتەيىك، سۋ باسقان وڭىرلەردەگى تۇلەكتەر ءۇشىن كۆوتا بولىنگەندىكتەن، ۇبت-دان جوعارى بالل العان ۇمىتكەرلەردىڭ كوپشىلىگى جوو-عا تۇسە الماي قالعان بولاتىن.

ودان بولەك، الماتىلىق تالاپكەر مەدينا مايسار عىلىم جانە جوعارى ءبىلىم مينيسترلىگىن سوتقا بەردى. ول بۇعان دەيىن پرەزيدەنتكە اشىق ۇندەۋ جاساپ، عىلىم جانە جوعارى ءبىلىم ءمينيسترى ساياسات نۇربەكتى قىزمەتىنەن بوساتۋدى سۇراعان بولاتىن.

Abai.kz