بۇگىن الماتىدا مۇحتار تايجان مەن ەرمەك نارىمباەۆ ءباسپاسوز ءماسليحاتىن جاساپ، تەڭگەنىڭ قۇنسىزدانۋ، پرەزيدەنت قاتىسۋىمەن جۇما كۇنى وتكەن ۇكىمەتتىڭ كەڭەيتىلگەن وتىرىسى جانە سەنبى كۇنى ميتينگ تۋرالى كوزقاراس، ۇستانىمدارىن جاريا ەتتى.

بەلگىلى بولعانداي، سەنبىدە وتكەن ميتينگىگە نەگىزىنەن ءورىستىلدى قازاقتار شىققان. مۇنى ەكى جاعدايمەن تۇسىندىرۋگە بولادى: بىرىنشىدەن، ءورىستىلدى قازاقتار ءوز كوزقاراس، ۇستانىمدارىن اشىق ايتۋدان جاسقانبايدى جانە باتىل كەلەدى. ەكىنشىدەن، ولار بەلگىلى ءبىر دەڭگەيدە تۇرمىستىق تاۋەلسىزدىككە قول جەتكىزگەن. ياعني، ءۇي-كۇيى بار.

ال، قازاقتىلدى قازاقتارعا كەلسەك، ولاردىڭ كوپ بولىگى تۇرمىستىق يلەۋدە. ياعني، ساياسي-ەكونوميكالىق جاعدايعا ىشتەي كەلىسپەسە دە، اشىق نارازىلىق تانىتۋعا قورقادى. ويتكەنى، قىزمەتىنەن، جۇمىسىنان ايىرىلادى. جۇمىستان قۋدالانۋ – تىرشىلىك كوزىن بىتەيدى. قازاقتىلدى قازاقتىڭ كەلەسى ءبىر بولىگى، كەز كەلگەن وقيعانى سىرتتاي باقىلاۋشى جانە الەۋمەتتىك جەلىلەر ارقىلى ءوزىنىڭ بيلىككە قارسى ەكەنىن اشىق ايتپاسا دا، ءارتۇرلى پوستارمەن عانا بىلدىرەدى. ياعني، الدەقانداي كۇن تۋسا، «مەن دە ايتقانمىن، جازعانمىن» دەگەن اقتالۋعا دايىندىق. بۇل توپ ارەكەتكە بارمايدى.

بۇگىن الماتىدا مۇحتار تايجان مەن ەرمەك نارىمباەۆ ءباسپاسوز ءماسليحاتىن جاساپ، تەڭگەنىڭ قۇنسىزدانۋ، پرەزيدەنت قاتىسۋىمەن جۇما كۇنى وتكەن ۇكىمەتتىڭ كەڭەيتىلگەن وتىرىسى جانە سەنبى كۇنى ميتينگ تۋرالى كوزقاراس، ۇستانىمدارىن جاريا ەتتى.

بەلگىلى بولعانداي، سەنبىدە وتكەن ميتينگىگە نەگىزىنەن ءورىستىلدى قازاقتار شىققان. مۇنى ەكى جاعدايمەن تۇسىندىرۋگە بولادى: بىرىنشىدەن، ءورىستىلدى قازاقتار ءوز كوزقاراس، ۇستانىمدارىن اشىق ايتۋدان جاسقانبايدى جانە باتىل كەلەدى. ەكىنشىدەن، ولار بەلگىلى ءبىر دەڭگەيدە تۇرمىستىق تاۋەلسىزدىككە قول جەتكىزگەن. ياعني، ءۇي-كۇيى بار.

ال، قازاقتىلدى قازاقتارعا كەلسەك، ولاردىڭ كوپ بولىگى تۇرمىستىق يلەۋدە. ياعني، ساياسي-ەكونوميكالىق جاعدايعا ىشتەي كەلىسپەسە دە، اشىق نارازىلىق تانىتۋعا قورقادى. ويتكەنى، قىزمەتىنەن، جۇمىسىنان ايىرىلادى. جۇمىستان قۋدالانۋ – تىرشىلىك كوزىن بىتەيدى. قازاقتىلدى قازاقتىڭ كەلەسى ءبىر بولىگى، كەز كەلگەن وقيعانى سىرتتاي باقىلاۋشى جانە الەۋمەتتىك جەلىلەر ارقىلى ءوزىنىڭ بيلىككە قارسى ەكەنىن اشىق ايتپاسا دا، ءارتۇرلى پوستارمەن عانا بىلدىرەدى. ياعني، الدەقانداي كۇن تۋسا، «مەن دە ايتقانمىن، جازعانمىن» دەگەن اقتالۋعا دايىندىق. بۇل توپ ارەكەتكە بارمايدى.

ميتينگىگە قاتىسقان ەكى ازامات: ءادىل بەرسالىموۆ - 15, ءادىلحان ەرمەكباەۆ – 10 تاۋلىككە قاماۋعا الىنعان. ايىپپۇل سالىنعان ازاماتتاردىڭ ءتىزىمىن جانە ايىپپۇل كولەمىن «ار.رۋح.حاق» ۇيىمىنىڭ جەتەكشىسى باقىتجان تورەعوجينانىڭ فەيسبۋك پاراقشاسىنان كورە الاسىزدار: https://www.facebook.com/cinemakaz

ءباسپاسوز ءماسليحاتىندا ايتىلعان نەگىزگى ماسەلەلەردى بەرىپ وتىرمىز. ال، ءماسلياحتتىڭ تولىق نۇسقاسىن تومەندەگى اۋديو نۇسقادان تىڭداي الاسىزدار!

مۇحتار تايجان:

- سەنبى كۇنگى ميتينگىنى ەشكىم ارنايى ۇيىمداستىرماعان. تەڭگەنىڭ قۇنسىزدانۋى مەن تۇتىنۋ تاۋارلارى باعاسىنىڭ وسۋىنە نارازى توپ وزدەرى جينالىپ، ۇكىمەت پەن ۇلتتىق بانكتىڭ ساياساتىنا قارسىلىقتارىن بىلدىرگەن.

تۇتقىندالعان ادامداردى اكىمشىلىك سوتقا تارتىپ، ءارتۇرلى ايىپپۇل سالدى. ايىپپۇلدى تولىعىمەن قالتالى ازاماتتار ءبولىسىپ تولەيتىن بولدى. بۇل – قوعامنىڭ بىرلىگىنىڭ كورىنىسى.

ميتينگىگە شىققان ادامداردى ايىپتاپ جاتقان كەيبىر ءدىني اعىمداردىڭ ارەكەتىنە تۇبەگەيلى قارسىمىن. ولارمەن كەلىسپەيمىن.

بيلىكتى ەلدەگى قالىپتاسقان جاعدايعا ءوز ويىن، پىكىرىن، كوزقاراسىن، نارازىلىعىن اشىق ايتىپ، ميتينگىگە شىققان ادامداردى قۋدالاماۋعا شاقىرامىز.

جۇما كۇنى وتكەن ۇكىمەتتىڭ كەڭەيىتلگەن وتىرىسىندا پرەزيدەنتتىڭ اۋزىنان شىققان جەردى جالعا بەرۋ، قازبا بايلىقتاردى زەرتتەۋدى 3-4 شاقىرىم تەرەڭدىكتە جۇرگىزۋ جانە ينۆەستورلارعا بارىنشا جاعداي جاساۋ دەگەن سوزدەرى مەنى قاتتى الاڭداتتى.

ءبىز قازاق جەرىن ەشكىمگە، ەشقاشان جالعا بەرۋگە جول بەرمەيمىز.

قازبا بايلىقتاردى زەرتتەۋدى 3-4 شاقىرىم تەرەڭدىكتە جۇرگىزۋ – ءبىز بولاشاق ۇرپاعىمىزعا نە قالدىرامىز سوندا؟

يۆەستورلارعا قازاقستانداعىداي جاعداي ەشبىر ەلدە جاسالىپ وتىرعان جوق. ءبىز ءالى كۇنگە ينۆەستورلارمەن جاسالعان كەلىسى-شارتتاردى بىلمەيمىز. ونىڭ ءبارى قۇپيا. باسقا ەلدە مۇنداي ستراتەگيالىق كەلىسىمدەر پارلامەنتتە تالقىلانىپ، سونىڭ ماقۇلدانۋىمەن عانا جۇزەگە اسادى. ينۆەستورلارعا جاعداي جاساعانشا، ءوز حالقىمىزعا جاعداي جاسايىق.

ەڭبەك كۇشىن سىرتتان اكەلۋگە دە قارسىمىن. شەتەلدىك كومپانيالاردا جۇمىس ىستەيتىن شەتەلدىك ەڭبەك كۇشتەرىنىڭ جەرگىلىكتى جۇمىسشىلاردان بىرنەشە ەسە جوعارى جالاقى الاتىنى تالاي رەت ايتىلدى، جازىلدى. سونى بىلە تۇرا، ەڭبەك كۇشىن سىرتتان الدىرۋ، جەرگىلىك جۇمىسشىلار ۇلكەن ەڭبەكاقى تالاپ ەتەدى دەگەن سوزگە قوسىلمايمىن.

ەرمەك نارىمباەۆ:

- بيلىك – مىلقاۋ. ەشكىمدى تىڭداعىسى دا، سويلەسكىسى دە، ساناسقىسى دا كەلمەيدى. بۇل – بيلىكتىڭ ءوزى ءۇشىن ۇلكەن قاتەر. سوندىقتاندا، مەن بيلىكتى ديالوگقا شاقىرامىن. كەز كەلگەن ماسەلەنى بىرلەسە تالقىلاۋ ارقىلى عانا شەشۋگە بولادى.

مەنىڭ ۇسىنىسىم: قوعامدىق كوميسسيا قۇرىلسا. ول كوميسسياعا حالىقتى الاڭداتقان ساۋالداردى بيلىكپەن تەڭ دارەجەدە تالقىلاپ، شەشەتىندەي مۇمكىندىك بەرىلسە. بيۋدجەتتىڭ قارجىسىن قاداعالاۋعا وراي تۋدىرسا جانە بانكتەردىڭ نەسيەلىك ماسەلەسىنە قاتىستى قۇجاتتاردى قاراۋىنا جول اشسا.

كوميسسيا قۇرامىنا قوعام الدىندا بەدەلى بار، حالىق سەنەتىن ادامدار ەنسە.

ەگەر بيلىك سوقىر، مىلقاۋ كەيىپتەن شىعىپ، ديالوگقا شىقپاسا، وندا تۇبىندە باس بەرمەس توبىرمەن بەتپە-بەت كەلەدى.

سەنبىدەگى ميتينگ حالىقارالىق باق تا كەڭىنەن كورىنىس تاپتى. ەuronews تەلەارناسىنان باستاپ، رەسەيلىك ارنالاردىڭ كوبىندە الماتىداعى جاعداي ءسوز بولدى.

ال، ميتينگىلەر جالعاسا ما، جوق پا ونى ەشكىم ءدوپ باسىپ ايتا المايدى.

مۇحتار تايجان مەن ەرمەك نارىمباەۆ وتكىزگەن ءباسپاسوز ءماسليحاتىنىڭ تولىق اۋديو نۇسقاسىن مىنا جەردەن تىڭداي الاسىزدار.

Abai.kz