«اق جول» پارتياسى مال شارۋاشىلىعى سالاسىن قورعاۋعا شىقتى» دەپ حابارلايدى  «اق جول» دەموكراتيالىق پارتياسىنىڭ ءباسپاسوز قىزمەتى. 

اڭگىمە مال شارۋاشىلىعى ونىمدەرىنىڭ ساپاسىن جانە ونىمدىلىگىن ارتتىرۋ ماقساتىندا سۋبسيديالاۋ – 088 بيۋدجەتتىك باعدارلاماسى  بويىنشا قارجىلاندىرۋ مەرزىمىنىڭ بۇزىلۋى تۋرالى بولىپ وتىر.

«بۇل كەشىكتىرۋلەر جىل سايىن جۇيەلى تۇردە سيپات الۋدا. 2013 جىلى قازاقستاننىڭ مال شارۋاشىلىعى سالاسى  ۇلكەن داعدارىسقا تاپ بولدى، ونى 2014 جىلى ۋاقتىلى سۋبسيديالاۋ، سالانى ودان ءارى دامىتۋدىڭ قاجەتتى شارتى بولىپ تابىلادى. مىسالى، 2012 جىلى سۋبسيديالاۋ تەك مامىردىڭ باسىندا، 2013 جىلى – ناۋرىزدىڭ سوڭىندا باستالدى. اعىمداعى جىلى بارلىعى دا وتكەن جىلداردىڭ ۇلگىسى بويىنشا جىلجىپ كەلەدى. ال، كوپتەگەن اۋىلشارۋاشىلىق كاسىپورىندارى اۋىلشارۋاشىلىعى مينيسترلىگى ۋادە ەتكەندەي، بۇل اقشانى 2014 جىلدىڭ قاڭتارىندا الۋعا ۇمىتتەنىپ، ونى ءوز كاسىپورىندارىنا (نەگىزگى قورلارىن جاڭارتۋعا، نەسيەلەرىن تولەۋگە) جۇمساۋعا جوسپارلاپ قويعان، مەملەكەتتىك قولداۋدىڭ مەرزىمدەرىنىڭ بۇزىلۋى ولاردىڭ وندىرىستىك جوسپارلارىنان باستاپ،  نەسيەلەرىن جابۋ كەستەسىنە دەيىن بۇزىلۋىنا اكەلەدى»، - دەدى ءماجىلىستىڭ پلەنارلىق وتىرىسىندا  فراكتسيا اتىنان دەپۋتاتتىق ساۋال جاساعان ەكاتەرينا نيكيتينسكايا.

«اق جول» پارتياسى مال شارۋاشىلىعى سالاسىن قورعاۋعا شىقتى» دەپ حابارلايدى  «اق جول» دەموكراتيالىق پارتياسىنىڭ ءباسپاسوز قىزمەتى. 

اڭگىمە مال شارۋاشىلىعى ونىمدەرىنىڭ ساپاسىن جانە ونىمدىلىگىن ارتتىرۋ ماقساتىندا سۋبسيديالاۋ – 088 بيۋدجەتتىك باعدارلاماسى  بويىنشا قارجىلاندىرۋ مەرزىمىنىڭ بۇزىلۋى تۋرالى بولىپ وتىر.

«بۇل كەشىكتىرۋلەر جىل سايىن جۇيەلى تۇردە سيپات الۋدا. 2013 جىلى قازاقستاننىڭ مال شارۋاشىلىعى سالاسى  ۇلكەن داعدارىسقا تاپ بولدى، ونى 2014 جىلى ۋاقتىلى سۋبسيديالاۋ، سالانى ودان ءارى دامىتۋدىڭ قاجەتتى شارتى بولىپ تابىلادى. مىسالى، 2012 جىلى سۋبسيديالاۋ تەك مامىردىڭ باسىندا، 2013 جىلى – ناۋرىزدىڭ سوڭىندا باستالدى. اعىمداعى جىلى بارلىعى دا وتكەن جىلداردىڭ ۇلگىسى بويىنشا جىلجىپ كەلەدى. ال، كوپتەگەن اۋىلشارۋاشىلىق كاسىپورىندارى اۋىلشارۋاشىلىعى مينيسترلىگى ۋادە ەتكەندەي، بۇل اقشانى 2014 جىلدىڭ قاڭتارىندا الۋعا ۇمىتتەنىپ، ونى ءوز كاسىپورىندارىنا (نەگىزگى قورلارىن جاڭارتۋعا، نەسيەلەرىن تولەۋگە) جۇمساۋعا جوسپارلاپ قويعان، مەملەكەتتىك قولداۋدىڭ مەرزىمدەرىنىڭ بۇزىلۋى ولاردىڭ وندىرىستىك جوسپارلارىنان باستاپ،  نەسيەلەرىن جابۋ كەستەسىنە دەيىن بۇزىلۋىنا اكەلەدى»، - دەدى ءماجىلىستىڭ پلەنارلىق وتىرىسىندا  فراكتسيا اتىنان دەپۋتاتتىق ساۋال جاساعان ەكاتەرينا نيكيتينسكايا.

وزدەرىڭىزگە ءمالىم، ءبىرىنشى توقسان، ال ناقتىراق ايتساق،  قاڭتار-اقپان ايلارى ساتۋ كولەمى 2 ەسەگە دەيىن قۇلدىرايتىن شاق. بۇل سالا ءۇشىن سۋبسيديا تولەمدەرىنىڭ كەشىگۋىمەن بىرگە احۋالدى مۇلدەم قيىنداتادى.

ساۋالدا مىسال رەتىندە قۇس شارۋاشىلىعىنداعى جاعداي كەلتىرىلدى: 2012 جىلى ەلىمىزدە 319 000 توننا قۇس ەتى پايدالانىلعان، ونىڭ ىشىندە  193 000 توننا قۇس ەتى – ياعني 60 %-ى يمپورتقا شىعارىلعان.

ەگەر وتكەن جىلى، وتاندىق وندىرۋشىلەر ۋكراينا جانە كەدەندىك وداق تاراپىنان ارام باسەكەلەستىكپەن كۇرەسسە، بۇگىنگى تاڭدا  ءبىزدىڭ وندىرۋشىلەر ەلىمىزدە ازىق-تۇلىك قاۋىپسىزدىگى ءۇشىن قاجەتتى قۇس ەتىن وندىرۋدە وتاندىق ۇلەستى قازىرگى 40 %-دان 70 %-عا دەيىن كوتەرۋدى جالعاستىرۋ ءۇشىن مەملەكەتتىڭ جوسپارلانعان سۋبسيديا تۇرىندەگى قولداۋىن الا الماي وتىر، - دەپ كۇيىندى دەپۋتات ە.نيكيتينسكايا.

دەپۋتات جۋىرداعى ۇكىمەتتىڭ كەڭەيتىلگەن وتىرىسى تۋرالى ەسكە سالدى، وندا پرەزيدەنت وتاندىق كاسىپكەرلەرگە جان-جاقتى قولداۋ كورسەتۋدى، جانە ونىڭ ءوندىرۋشى كاسىپورىندارى بولۋىنا كوڭىل ءبولۋدى تاپسىرعان.  «مال شارۋاشىلىعى، وڭدەۋدى قوسا العاندا، ەكونوميكانىڭ ءدال وسىنداي سەكتورى بولىپ تابىلادى»، - دەيدى ول.

وسىنداي مەملەكەتتىك قولداۋلار اگروونەركاسىپتىك كەشەندى دامىتۋ – 2020 باعدارلاماسىندا قاراستىرىلعان، «اق جول» فراكتسياسىنىڭ دەپۋتاتتارى ۇكىمەتكە جانە اۋىلشارۋاشىلىق مينيسترلىگىنە وسىنداي كەشىكتىرۋدى مۇلدەم بولدىرماۋ ءۇشىن ءۇش جىلعا بەكىتىلەتىن سۋبسيديالاۋ ەرەجەسىنە وزگەرتۋلەر ەنگىزۋدى ۇسىندى.

Abai.kz