جۋىقتا «سەركە» سايتىنان «جاستار ساياساتى بىلىعىپ بارادى. وسپانقۇلوۆ (سۋرەتتە) وتەشەۆتىڭ ىزىمەن كەلەدى» دەگەن ماقالانى كوزىمىز شالىپ قالعان ەدى. ەندى وسى دۇنيە «ابايعا» دا شىعىپتى. (تالعات راحىمباەۆ. «جاستار ساياساتىنداعى جەمقورلىق». http://old.abai.kz/node/41487).   سوسىن ءبىز دە بىرەر اۋىز ءسوز قوسقىمىز كەلدى. وتەشەۆ دەگەن بالانىڭ انا ءبىر جىلدارى «نۇر-وتاننىڭ» جاستار قاناتىن باسقارىپ، دۇبىرلەتىپ جۇرگەنىن ءجيى بايقايتىنبىز. سودان كەيىن كورىنبەي قالىپ ەدى، سويتسەك ورنىن ءوزى سەكىلدى «جاس قىرانداردىڭ» ءبىرى وسپانقۇلوۆقا بەرىپ كەتكەن ەكەن...

ال، وسپانقۇلوۆپەن از-ماز تانىستىعىمىز بۇرىنىراقتان بار-تىن. بۇل ازامات انا ءبىر جىلدارى شامالى ۋاقىت ەكىباستۇز قالاسى اكىمىنىڭ ورىنباسارى بولىپ «وتىرىپ» كەتكەن. ودان كەيىن ىلە-شالا وبلىس ورتالىعى پاۆلودارعا اۋىسىپ، وندا دا كوپ تۇراقتاماي، استاناعا قايتا قايتتى دەپ ەستىگەنبىز.

جۋىقتا «سەركە» سايتىنان «جاستار ساياساتى بىلىعىپ بارادى. وسپانقۇلوۆ (سۋرەتتە) وتەشەۆتىڭ ىزىمەن كەلەدى» دەگەن ماقالانى كوزىمىز شالىپ قالعان ەدى. ەندى وسى دۇنيە «ابايعا» دا شىعىپتى. (تالعات راحىمباەۆ. «جاستار ساياساتىنداعى جەمقورلىق». http://old.abai.kz/node/41487).   سوسىن ءبىز دە بىرەر اۋىز ءسوز قوسقىمىز كەلدى. وتەشەۆ دەگەن بالانىڭ انا ءبىر جىلدارى «نۇر-وتاننىڭ» جاستار قاناتىن باسقارىپ، دۇبىرلەتىپ جۇرگەنىن ءجيى بايقايتىنبىز. سودان كەيىن كورىنبەي قالىپ ەدى، سويتسەك ورنىن ءوزى سەكىلدى «جاس قىرانداردىڭ» ءبىرى وسپانقۇلوۆقا بەرىپ كەتكەن ەكەن...

ال، وسپانقۇلوۆپەن از-ماز تانىستىعىمىز بۇرىنىراقتان بار-تىن. بۇل ازامات انا ءبىر جىلدارى شامالى ۋاقىت ەكىباستۇز قالاسى اكىمىنىڭ ورىنباسارى بولىپ «وتىرىپ» كەتكەن. ودان كەيىن ىلە-شالا وبلىس ورتالىعى پاۆلودارعا اۋىسىپ، وندا دا كوپ تۇراقتاماي، استاناعا قايتا قايتتى دەپ ەستىگەنبىز.

ارينە، استانادان ارنايى اۋىستىرىپ الاتىنداي، پاۆلودار وبلىسىندا ءدال وسپانقۇلوۆقا قاراپ قالعان شارۋا جوعى بەلگىلى. وعان كەرەگى جالپاق تىلمەن ايتساق، «پوسلۋجنوي ساپيسوك» قانا. سول ءۇشىن كەلگەن ادام. مەيلى دەدىك، «قاعازىن» تۇزەپ الۋ ءۇشىن ايماقتارعا از ۋاقىتقا بارىپ قايتاتىن «وسپانقۇلوۆتاردىڭ» الدى-ارتى بۇل ەمەس. جانە ولاردىڭ بارلىعى دا استانادا وتىرعان الدەبىر «دوكەيدىڭ» «زۆونوگى» ارقىلى كەلەتىنى دە جاسىرىن ەمەس. ۇزىنقۇلاقتان ەستۋىمىزشە، وسپانقۇلوۆ ءبىر كەزدەرى سەنات دەپۋتاتى قۋانىش سۇلتانوۆتىڭ كومەكشىسى بولعانعا ۇقسايدى. مۇمكىن بىرەر جىل وسى جاقتىڭ توپىراعىن باسىپ كەتۋىنە سول كىسىنىڭ ابىرويى سەبەپ بولدى ما ەكەن دەپ ويلايمىز. ايتپەسە، مىڭنان تاڭداپ جىبەرەتىندەي، بۇل بالانىڭ اسقان ىسكەرلىگىن بايقاي المادىق.

ول ءوز الدىنا. ءبىزدىڭ ايتايىن دەگەنىمىز، وسپانقۇلوۆ ەكىباستۇزعا جاي عانا كەلىپ قايتپاي، وسى جاقتاعى بىلدەي ءبىر ازاماتتىڭ وبالىن ارقالاپ كەتتى. جوعارىدا ايتتىق، ول ەكىباستۇز قالاسى اكىمىنىڭ الەۋمەتتىك سالا بويىنشا ورىنباسارى قىزمەتىن اتقاردى دەپ. بۇعان دەيىن سول ورىندا قىزمەت ىستەپ جۇرگەن جانە الەۋمەتتىك سالانىڭ جۇمىسىن بەس ساۋساقتاي بىلەتىن تاجىريبەلى ءبىر ازاماتتى وسپانقۇلوۆ ءۇشىن ەشبىر جازىقسىز ورنىنان الدى دا تاستادى. (ول جىگىت ءالى كۇنگە دەيىن اۋىلدىڭ اكىمى بولىپ ءجۇر). سەبەبى استانادان «ارنايى جىبەرىلىپ» وتىرعان جاس مامانعا جىلى ورىن تاۋىپ بەرۋ كەرەك بولدى. ءبىر تاڭقالارلىعى، اۋىلدىق وكرۋگتەرىن قوسا ساناعاندا 150 مىڭعا جۋىق حالقى بار، الەۋمەتتىك سالاسى وتە كۇردەلى ايماقتى وسى جاس بالا باسقارا الا ما دەگەن وي ەشكىمدى دە مازالاعان جوق. مىنە، بۇگىنگى بيلىك باسىنداعىلاردىڭ ەل تاعدىرىنا دەگەن كوزقاراسى وسىنداي! سونىمەن نە كەرەك، وسپانقۇلوۆ ايتەۋىر جىل جارىمداي ۋاقىت قالقيىپ وتىرىپ، اقىرى وبلىس ورتالىعىنا اۋىسىپ كەتتى.

ال وسپانقۇلوۆقا دەيىن قالا اكىمىنىڭ ورىنباسارى بولعان جەرگىلىكتى ازاماتتىڭ تاعدىرى ەشكىمدى ويلاندىرعان جوق. وبلىس اكىمى ساعىنتاەۆتى دا، ەكىباستۇز قالاسىنىڭ اكىمى ۆەربنياكتى دە، وسپانقۇلوۆتى جىبەرىپ وتىرعان استاناداعى «كوكەنى» دە. بۇلار ءۇشىن ادام تاعدىرى دەگەن ويىنشىق سياقتى. ورنىنان الىنعان ازاماتتىڭ ەشبىر جازىعى جوق ەكەنى، ونىڭ دا وتباسى، وقىپ جاتقان بالا-شاعاسى بار ەكەنى ەسەپكە الىنبادى. مىنە، بۇگىنگى بيلىك وسىنداي. وبال، ساۋاپ دەگەندى بۇلار ءبىرجولا ۇمىتقان. ءولىپ جاتساڭ، ۇستىڭنەن اتتاپ جۇرە بەرەدى.

ءدال وسى كەزدە مەن ەكىباستۇز ايماعىنداعى جەرگىلىكتى ۇلت وكىلدەرىنىڭ (قازاقتاردىڭ) جۇمىسسىز جۇرگەنى جايلى، ولاردى جەرگىلىكتى كاسىپورىنداردىڭ ماقساتتى تۇردە جۇمىسقا المايتىنى جونىندە «جاس الاش» گازەتىنە ماقالا بەرگەن ەدىم. بۇل ارينە، ءوز دەگەنىن ىستەپ، جالعاندى جالپاعىنان باسىپ ۇيرەنگەن قالانىڭ اكىمى ۆەربنياك مىرزاعا استە جاقپايتىنى بەلگىلى. وعان الگى ماقالا اسپاننان جاي تۇسكەندەي اسەر ەتتى. ۆەربنياك اشۋلانعاسىن، وسپانقۇلوۆتا جان قالا ما، ءبىر كۇنى مەنى شاقىرتتى كابينەتىنە. باردىم. شىنىمدى ايتسام، جاس كادر، ۇلتى قازاق ازاماتى بولعاسىن، جاعدايدىڭ ءمانىسىن بىلگىسى كەلىپ وتىرعان شىعار، ءوز قانداستارىنىڭ جۇمىسقا ورنالاسۋىنا جاعداي جاسايتىن شىعار، ەلدىڭ الەۋمەتتىك جاعدايىنان اڭگىمە قوزعار دەپ ۇمىتتەنىپ بارعام. سويتسەم، ونىمنىڭ ءبارى بەكەر ەكەن.

وسپانقۇلوۆ مەنىمەن ءتۇرىن وتە «سەرەزنىي» قىلىپ سويلەستى. ساياسي قاتەلىك جاساعانىمدى، ولاي جازۋعا بولمايتىنى جايلى كادىمگىدەي ء«دارىس وقىدى». ءوزىنىڭ شىمكەنت جاعىنان ەكەنىن دە ەسكەرتۋدى ۇمىتپادى. بىراق نەلىكتەن جەرگىلىكتى قازاقتاردى «بوگاتىر» كەنىشى جۇمىسقا المايدى، ونىڭ ماسەلەسىن شەشەمىز دەگەن ءسوز اۋزىنان شىقپادى. ايتەۋىر كەتەتىن ادام وعان باسىن اۋىرتىپ قايتەدى ء(وزى كەتكەسىن، ەكىباستۇزدى توپان سۋ باسسا دا وعان ءبارىبىر ەكەنى بەلگىلى). ءسويتىپ، اڭگىمەمىز جاراسپادى. بىراق وتە ساق ەكەن، كەتىپ بارا جاتقانىمدا: «قالتاڭىزدا ديكتوفون جوق پا، جاسىرىن جازىپ العان جوقسىز با؟» - دەپ سۇراپ قالدى. ەلدىڭ ءبارىن الاياق دەپ ويلايتىن بولۋ كەرەك. سول وسپانقۇلوۆتىڭ ەل ورتالىعى استاناعا قايتا بارىپ تا وڭدىرا قويماعانىن جوعارىدا ايتىلعان ماقالادان وقىپ بىلدىك (http://old.abai.kz/node/41487).  

ال ەكىباستۇزداعى جاعداي سول بۇرىنعى تاز قالپىندا. اكىمدىككە شەنەۋنىكتەردىڭ ءبىرى كەلىپ، ءبىرى كەتىپ جاتادى. بىراق حالىق ورنىندا. ورنىندا بولماعاندا، قايدا بارادى؟ استانادان ارنايى جىبەرگەن كادرلاردىڭ ءتۇرى جاڭاعىداي. سوسىن ەل-جۇرت ءوزىنىڭ ولمەس تىرلىگىن جاساپ جاتىر. ءبىرى بازاردا تۇر، ءبىرى تاكسي ايدايدى، ەندى ءبىرى «وحرانادا»... مۇمكىن استانادان تاعى دا ءبىر وسپانقۇلوۆ سەكىلدى «ىسكەر دە جاس مامان» كەلىپ كەتەر. بىراق ودان حالىققا   پايدا شامالى. سولاي!  

Abai.kz