قر وقۋ-اعارتۋ مينيسترلىگىنىڭ ورتا ءبىلىم كوميتەتى:

«ەلىمىزدە «اۋىلدىق ايماقتارداعى تىرەك مەكتەپتەردىڭ الەۋەتىن ارتتىرۋ» جوباسى ىسكە اسىپ جاتىر. جوبا اۋىل مەن قالا مەكتەپتەرى اراسىنداعى ءبىلىم بەرۋ ساپاسىنداعى الشاقتىقتى ازايتۋعا جانە پەداگوگتەردىڭ كاسىبي دامۋىنا تەڭ مۇمكىندىكتەر قالىپتاستىرۋعا باعىتتالعان»،- دەپ حابارلايدى.

بيىل جوباعا 40 مىڭنان استام وقۋشى ءبىلىم الاتىن 56 اۋىل مەكتەبى قوسىلدى. ارقايسىسى زاماناۋي لابوراتوريالارمەن، روبوتوتەحنيكا، STEM-لابوراتوريا، فيزيكا، حيميا كابينەتتەرىمەن تولىقتاي جابدىقتالۋدا. اكت زالى مەن سپورت زالىنداعى جيھاز بەن سپورت قۇرالدارى، اسحانا مەن مۇعالىمدەر بولمەسى جاڭارتىلۋدا. جالپى جوبا اياسىندا 1848 كابينەت جاڭارتىلادى.

جاقسى جاڭالىق ەكەن. وسى تۇرعىدا: اۋىلدا وقۋشىدان تۇلعا تاربيەلەۋ مۇمكىندىگى قالادان كەم ەمەس دەر ەدىم. اۋىل «شەكتەۋلى تاربيە اۋماعى» بولسا دا، وندا ۇلتتىق تاربيە جۇيەسى قالاعا قاراعاندا كوبىرەك ساقتالعان. بۇل تۇلعا تاربيەسىنىڭ قاينار كوزى. بىراق اۋىل بالاسىنا كوممۋنيكاتسيا جەتىسپەيدى. كوممۋنيكاتسيا «تۇلعالىق قابىلەتتى» سىناقتان وتكىزەتىن لاباروتوريا. سوندىقتان، ۇستازدار ونى قولعا الىپ، بولاشاقتاعى «بيزنەس ليدەرى»، «باسقارۋشى ليدەرى» جانە ت.ت. جوبالار بويىنشا جۇمىستار جاساۋى كەرەك.،

قازىر «تىلدىك كەدەرگىلەر» ازايىپ كەلەدى. ول دا اۋىل بالاسىنىڭ بولاشاعىنا جاقسى اسەر ەتەدى.

ەڭ باستىسى، «ءوندىرۋشى ەڭبەكپەن»، ياعني، «ءوز تاماعىن ءوزى تابۋدى» ۇيرەنىپ وسكەن اۋىل بالاسى بولاشاقتا بار نارسەگە پراگماتيكالىق سيپاتتا قاراتىن بولادى...

قازىرگى شەت ەلدەردەن وقىپ كەلىپ، مەملەكەت ىسىنە ارالاسقانداردا وسى جاعى كەم تۇسۋدە.

ولار سول سەبەپتەن دە «بيۋروكتراتتار» مەن «كوررۋپتسيا قاقپانىنا» تەز بەرىلىپ، ۇلتتىق مۇددە تالابىنان اۋىتقىپ كەتىپ جاتىر.

اۋىل بالاسى - بولاشاق مەملەكەت قايراتكەرلەرى بولۋى ءتيىس.

ويتكەنى اۋىل بالاسى قازاقستان مەملەكەتىن «ءوز اۋىلىم» دەپ سانايدى...

ءابدىراشيت باكىرۇلىنىڭ جەلىدەگى جازباسى

Abai.kz