استانادا اوسشك جاستار كەڭەسىنىڭ مۇرىندىق بولۋىمەن ۇيىمداستىرىلعان ازياداعى ءوزارا ءىس-قيمىل جانە سەنىم شارالارى كەڭەسىنە (اوسشك) مۇشە ەلدەردىڭ ۆولونتەرلىك قوزعالىستارى كوشباسشىلارىنىڭ سلەتى ءوتتى.

جيىنعا قىرعىزستان، رەسەي، شري-لانكا، قىتاي، وزبەكستان، ازەربايجان، يران، تايلاند، تاجىكستان، باحرەين جانە ت.ب. سياقتى 21 ەلدەن 450-دەن استام دەلەگات قاتىسۋدا. ولار ۆولونتەرلىك قىزمەتتىڭ نەگىزگى ماسەلەلەرىن جانە ونىڭ تۇراقتى دامۋ ماقساتتارىنا قول جەتكىزۋدەگى ءرولىن تالقىلادى.

سلەتتىڭ ءبىرىنشى كۇنى اياسىندا «قوعامداعى ۆولونتەرلىك قىزمەتتىڭ ماڭىزدىلىعى: ازيا ەلدەرىنىڭ تۇراقتى دامۋىنا جاردەمدەسۋدەگى ۆولونتەرلىك قىزمەتتىڭ ءرولىن تالقىلاۋ» تاقىرىبىندا اوسشك جاستار كەڭەسىنىڭ وتىرىسى ءوتتى. وندا مادەنيەتارالىق ديالوگقا جانە قاتىسۋشى ەلدەر اراسىنداعى ىنتىماقتاستىقتى نىعايتۋعا ەرەكشە نازار اۋدارىلدى.

سلەت سەسسيالارىندا «الەۋمەتتىك جانە ينكليۋزيۆتى ۆولونتەرلىك»، «زياتكەرلىك ۆولونتەرلىك: يننوۆاتسيالىق تاسىلدەر جانە حالىقارالىق تاجىريبە»، «دەنساۋلىق ساقتاۋ سالاسىنداعى ۆولونتەرلەردىڭ ءرولى»، «توتەنشە جاعدايلارداعى ۆولونتەرلىك قىزمەت»، سونداي-اق «ۆولونتەرلەردىڭ ەكولوگيالىق پروبلەمالاردى شەشۋگە قوسقان ۇلەسى» تاقىرىپتارى تالقىلاندى.

ءبىرىنشى كۇننىڭ قورىتىندىسى بويىنشا قاتىسۋشىلار اوسشك كەڭىستىگىندە ۆولونتەرلىك قىزمەتتى دامىتۋ بويىنشا بىرلەسكەن ۇسىنىمدار ازىرلەۋگە كىرىستى. ءىس-شارا 4 قازاندا جالعاسادى. وندا قاتىسۋشىلار ىنتىماقتاستىقتى كەڭەيتۋ جانە ۆولونتەرلىك قىزمەتتە تاجىريبە الماسۋ بويىنشا الداعى قادامداردى تالقىلايدى.

قر مادەنيەت جانە اقپارات مينيسترلىگىنىڭ ءباسپاسوز قىزمەتى

Abai.kz